NZEMBO

1 Esengo na moto oyo alandi te toli ya bato mabe

Mpe atɛlɛmi te na nzela ya basumuki+

Mpe afandi te na kiti ya basɛki.+

 2 Kasi asepelaka na mobeko ya Yehova,+

Mpe atángaka mobeko na ye na mongongo ya nse* butu moi.+

 3 Akokóma lokola nzete oyo elonami pene na mikɛli ya mai,

Nzete oyo ebotaka mbuma na eleko na yango

Oyo nkasa na yango ekaukaka te.

 4 Kasi bato mabe bazali bongo te;

Bazali lokola mposo ya blé oyo mopɛpɛ ememaka.

 5 Yango wana bato mabe bakozanga te kozwa etumbu;+

Basumuki mpe bakotɛlɛma te na liyangani ya bato ya sembo.+

 6 Mpo Yehova ayebi nzela ya bato ya sembo,+

Kasi nzela ya bato mabe ekozala lisusu te.+

2 Mpo na nini bikólo ebulungani

Mpe bato ya bikólo bazali koloba na nse nse* likambo ya mpamba?+

 2 Bakonzi ya mabele batɛlɛmi

Mpe bankumu bayangani* lokola moto moko+

Mpo na kotɛmɛla Yehova mpe moto na ye oyo atyami mafuta.*+

 3 Bazali koloba: “Tóbuka minyɔlɔlɔ na bango

Mpe tólongola bansinga na bango!”

 4 Ye oyo afandi na kiti ya bokonzi na likoló akosɛka;

Yehova akotyola bango.

 5 Na ntango yango, akoloba na bango na nkanda na ye

Mpe na nkanda na ye ya makasi akobangisa bango,

 6 Akoloba ete: “Ngai moko natye mokonzi na ngai+

Na Siona,+ ngomba na ngai mosantu.”

 7 Tiká nasakola mobeko ya Yehova;

Ye alobi na ngai ete: “Yo ozali mwana na ngai;+

Lelo ngai nakómi tata na yo.+

 8 Sɛngá ngai, mpe nakopesa yo bikólo mpo ezala libula na yo

Mpe mabele tii na bansuka na yango ekozala ya yo.+

 9 Okobuka bango na lingenda ya ebende ya bokonzi,+

Mpe okopanza bango lokola mbɛki ya moyemi-mbɛki.”+

10 Sikoyo, bino bakonzi, bómonisa bososoli;

Bino basambisi ya mabele, bóndima básembola* bino.

11 Bósalela Yehova na kobanga,

Mpe bósepela na kolɛnga.

12 Bópesa mwana lokumu,*+ noki Nzambe* asilika

Mpe bókufa,*+

Mpo nkanda na ye epelaka noki.

 3 Kasi yo, Ee Yehova, ozali nguba oyo ezali kobatela ngai epai na epai,+

Nkembo na ngai+ mpe Moto oyo azali kotombola motó na ngai.+

 4 Nakobenga Yehova na mongongo makasi,

Mpe akoyanola ngai uta na ngomba na ye mosantu.+ (Sela)

 5 Nakomilalisa mpe nakolala mpɔngi;

Mpe nakolamuka na kimya,

Mpo Yehova azali kokoba kosunga ngai.+

 6 Nazali kobanga te bankóto zomi ya bato

Oyo batandami epai na epai mpo na kotɛmɛla ngai.+

Mpo okobɛta banguna na ngai na mbanga;

Okobuka mino ya bato mabe.+

 3 Bóyeba ete Yehova akomonisela mpenza moto na ye ya sembo boboto;

Yehova akoyoka ntango nakobenga ye.

 5 Bambeka oyo bokopesa Nzambe, bópesa yango na motema malamu,

Mpe bótyela Yehova motema.+

 7 Otondisi motema na ngai na esengo moko monene

Koleka baoyo babuki mbuma ebele mpe bazwi vinyo ya sika ebele.

 8 Nakomilalisa mpe nakolala mpɔngi na kimya,+

Mpo kaka yo, Ee Yehova, nde okopesa ngai kimya.+

5 Yoká maloba na ngai, Ee Yehova;+

Tyá likebi na kolelalela na ngai.

 2 Tyá likebi na kolela na ngai mpo na kosɛnga lisalisi,

Ee Mokonzi na ngai mpe Nzambe na ngai, mpo yo nde nazali kobondela.

 3 Ee Yehova, okoyoka mongongo na ngai na ntɔngɔ;+

Na ntɔngɔ nakoyebisa yo likambo oyo ezali kotungisa ngai+ mpe nakozela na mposa makasi.

 4 Mpo ozali Nzambe oyo asepelaka na mabe te;+

Moto moko te ya mabe akoki kotikala epai na yo.+

Oyinaka baoyo nyonso basalaka makambo ya mabe;+

 6 Okoboma baoyo balobaka lokuta.+

 7 Kasi nakokɔta na ndako na yo+ mpo na bolingo na yo ya sembo;*+

Nakogumbama natali ngámbo ya tempelo na yo mosantu mpo na kobanga yo.+

 8 Ee Yehova, kambá ngai na kati ya bosembo na yo, mpo na banguna na ngai;

Longolelá ngai mabaku na nzela na yo.+

 9 Mpo likambo moko te oyo bazali koloba ekoki kotyelama motema;

Makanisi na bango etondi na mabe;

Mongongo na bango ezali lilita ya polele;

Lolemo na bango etondi na maloba sukali.+

10 Kasi Nzambe akotánga bango ete bazali na ngambo;

Mayele na bango moko ya mabe nde ekokweisa bango.+

Tiká ete bábengana bango mpo na makambo na bango ebele ya kobuka mibeko,

Mpo batombokelaki yo.

11 Kasi baoyo nyonso bazali kokima epai na yo bakosepela;+

Bakoganga na esengo ntango nyonso.

Okokanga nzela ya kokóma epai na bango,

Mpe baoyo balingaka nkombo na yo bakosepela na yo.

12 Mpo okopambola moto nyonso oyo azali sembo,* Ee Yehova;

Okozinga bango na kondimama na yo lokola na nguba monene.+

6 Ee Yehova, kopamela ngai te na nkanda na yo,

Mpe kosembola ngai te na nkanda na yo ya makasi.+

 3 Ɛɛ, nabulungani* mingi mpenza,+

Mpe nazali kotuna yo, Ee Yehova: ekoumela tii ntango nini?+

 4 Zongá, Ee Yehova, mpe bikisá ngai;*+

Bikisá ngai mpo na bolingo na yo ya sembo.+

 5 Mpo na kati ya liwa batángaka* nkombo na yo te;

Na kati ya Nkunda,* nani akosanzola yo?+

 6 Nalɛmbi na kolelalela* na ngai;+

Butu nyonso nazali kopɔlisa mbeto na ngai na mai ya miso;

Nazali kotondisa kiti na ngai ya mpɔngi na mai ya miso.+

 7 Liso na ngai elɛmbi mpo na mawa na ngai;+

Elɛmbi* mpo na baoyo nyonso bazali konyokola ngai.

 8 Bólongwa liboso na ngai, bino nyonso baoyo bosalaka makambo ya mabe,

Mpo Yehova akoyoka mongongo ya kolela na ngai.+

 9 Yehova akoyoka lilɔmbɔ na ngai mpo na koluka ete andima ngai;+

Yehova akondima libondeli na ngai.

10 Banguna na ngai nyonso bakoyoka nsɔni mpe bakobulungana;

Bakozonga nsima, na mbala moko bakoyoka nsɔni.+

 2 Noki te bakopasola ngai bitenibiteni ndenge nkɔsi epasolaka,+

Mpe bámema ngai wana moto ya kobikisa ngai azali te.

 3 Ee Yehova Nzambe na ngai, soki nasali mbeba,

Soki nasali likambo oyo ezangi bosembo,

 4 Soki nasali mabe na moto oyo asaleli ngai bolamu,+

To soki napunzi monguna na ngai kozanga ntina,*

 5 Boye, tiká monguna alanda mpe azwa ngai;*

Tiká ete azwa ngai mpe anyata ngai* tii na mabele mpenza

Mpe abebisa nkembo na ngai na putulu. (Sela)

 6 Tɛlɛmá na nkanda na yo, Ee Yehova;

Tɛmɛlá nkanda makasi ya banguna na ngai,+

Lamuká mpo na ngai mpe pesá mitindo mpo likambo ekatama na bosembo.+

 7 Tiká bikólo ezinga yo,

Mpe okotɛmɛla yango uta na likoló.

Sambisá ngai, Ee Yehova, na kolanda bosembo* na ngai

Mpe na kolanda ezaleli na ngai ya kozanga mbeba.+

Kasi bikisá bato ya sembo,+

Mpo ozali Nzambe ya sembo+ oyo atalatalaka mitema+ mpe mayoki oyo ebombaná mpenza na kati.*+

11 Nzambe azali Mosambisi ya sembo,+

Mpe Nzambe asakolaka bitumbu* na ye mikolo nyonso.

12 Soki moto abongoli motema te,+ Nzambe apelisaka mopanga na ye;+

Agumbaka litimbo na Ye, mpe abongisaka yango mpo na kobwaka.+

13 Abongisaka bibundeli na ye oyo ebomaka;

Abongisaka makula na ye oyo ezali kopela.+

14 Talá moto oyo azwi zemi ya makambo oyo ezali mabe;

Amemi zemi ya mpasi mpe aboti lokuta.+

15 Atimoli libulu, mpe akómisi yango mozindo,

Kasi akwei na libulu yango oyo ye moko asalaki.+

16 Mpasi oyo abimisi ekozonga na motó na ye moko;+

Mobulu na ye moko ekokitela motó na ye.

17 Nakosanzola Yehova mpo na bosembo na ye,+

Nakoyemba mpo na kosanzola*+ nkombo ya Yehova, Oyo-Aleki-Likoló.+

8 Ee Yehova Nkolo na biso, nkombo na yo ezali monene na mabele mobimba;

Yo otye nkembo na yo mosika mpenza koleka ata likoló!*+

 2 Na monɔkɔ ya bana mpe ya bana oyo bazali komɛla mabɛlɛ+ otye makasi na yo

Mpo na banguna na yo,

Mpo na kosala ete monguna ná moto oyo azongisaka mabe báfanda kimya.

 3 Ntango namonaka likoló oyo osalá, misala ya misapi na yo,

Sanza ná minzoto oyo obongisá,+

 4 Moto, mowei mpamba azali nani mpo okanisa ye,

Mpe mwana ya moto azali nani mpo obatela ye?+

 5 Osalaki ye mwa moke na nse ya baanzelu,*

Mpe olatisaki ye motole* ya nkembo mpe ya lokumu.

 6 Opesi ye bokonzi likoló ya misala ya mabɔkɔ na yo;+

Otye eloko nyonso na nse ya makolo na ye:

 7 Bitonga nyonso ya bampate, bangɔmbɛ,

Banyama ya zamba,*+

 8 Bandɛkɛ ya likoló mpe mbisi ya mbu,

Eloko nyonso oyo elekaka na kati ya mbu.

9 Ee Yehova, nakosanzola yo na motema na ngai mobimba;

Nakolobela misala na yo nyonso ya kokamwa.+

 2 Nakosepela mpe nakozala na esengo mpo na yo;

Nakoyemba mpo na kosanzola* nkombo na yo, Ee Oyo-Aleki-Likoló.+

 3 Ntango banguna na ngai bakozonga nsima,+

Bakobɛta libaku mpe bakokufa na miso na yo.

 4 Mpo ozali kosamba likambo na ngai mpe kolongisa ngai;

Ofandi na kiti ya bokonzi na yo mpe ozali kosambisa na bosembo.+

 5 Opameli bikólo+ mpe obomi bato mabe.

Obomi nkombo na bango libela na libela.

 6 Banguna babebisami mpo na libela;

Opikoli bingumba na bango,

Mpe bakokanisama lisusu ata moke te.+

 7 Kasi Yehova afandi na kiti ya bokonzi mpo na libela;+

Apiki kiti na ye ya bokonzi mpo na bosembo.+

 8 Akosambisa na bosembo bato oyo bafandi na mabele;*+

Mpo na bato ya bikólo, akozwa bikateli na bosembo.+

 9 Yehova akokóma esika makasi ya kobombana* mpo na moto oyo azali konyokwama,+

Esika makasi ya kobombana na ntango ya mpasi.+

10 Baoyo bayebi nkombo na yo bakotyela yo motema;+

Okosundola ata moke te baoyo balukaka yo, Ee Yehova.+

11 Bóyemba mpo na kosanzola Yehova, ye oyo afandi na Siona;

Bóyebisa misala na ye na kati ya bato ya bikólo.+

12 Akokanisa baoyo bazali na mpasi mpe akozongisa mabe mpo na makila na bango;+

Akobosana te kolela na bango mpo na kosɛnga lisalisi.+

13 Moniselá ngai boboto, Ee Yehova; talá mpasi oyo bato bayinaka ngai bazali komonisa ngai,

Yo oyo ozali kobikisa ngai na liwa,*+

14 Mpo nasakola misala na yo oyo ebongi kosanzolama na baporte ya mwana mwasi ya Siona,+

Mpe nasepela na misala ya kobikisa.+

15 Bato ya bikólo bazindi na libulu oyo batimoli;

Lokolo na bango ekangami na monyama oyo babombaki.+

17 Bato mabe bakokende na Nkunda,*

Bato ya bikólo nyonso oyo babosani Nzambe.

18 Kasi mobola bakobosana ye libela te,+

Mpe elikya ya bato ya komikitisa ekozala mpamba te.+

20 Bangisá bango, Ee Yehova,+

Bato ya bikólo báyeba ete bazali kaka bato, bawei mpamba. (Sela)

 2 Na lofundo nyonso, moto mabe azali kolanda moto oyo azangi libateli,+

Kasi moto mabe akokangama na mayele na ye ya mabe.+

 3 Mpo moto mabe amikumisi mpo na mposa na ye ya moimi*+

Mpe azali kopambola moto ya lokoso;*

נ [Nun]

Azangi limemya epai ya Yehova.

 4 Moto mabe na lolendo na ye alukalukaka te;

Makanisi na ye nyonso ezali kaka ete: “Nzambe azali te.”+

 5 Nyonso oyo asalaka elongaka,+

Kasi azali kokanga ntina te ya mibeko na yo;+

Asɛkaka* banguna na ye nyonso.

 6 Alobi na motema na ye ete: “Nakokwea ata moke te;*

Mpo nakomona mpasi ata moke te libota na

libota.”+

 7 Monɔkɔ na ye etondi na bilakeli mabe, lokuta mpe makambo oyo ememaka mpasi;+

Mpasi mpe makambo oyo enyokolaka ezali na nse ya lolemo na ye.+

 8 Azali kobatama pembeni ya bamboka;

Uta na esika na ye ya kobombana abomi moto oyo asali likambo te.+

10 Moto oyo asali likambo te atutami mpe abwakami na nse;

Bato ya mawa bakwei na manzaka na ye ya makasi.

Moto ya mawa atalelaka yo;+

Ozali mosungi ya mwana oyo tata akufá.+

15 Buká lobɔkɔ ya moto mabe mpe ya moto ya makambo mabe.+

Mpo ntango okoluka makambo na ye ya mabe,

Okomona yango lisusu te.

18 Okokata na bosembo likambo ya mwana oyo tata akufá mpe baoyo batutami,+

Mpo moto, mowei mpamba, oyo azali moto ya mabele, abangisa bango lisusu te.+

 2 Talá ndenge bato mabe bazali kogumba litimbo;

Bazali kobongisa likula na bango na nsinga ya litimbo,

Mpo, uta na molili, bábwakela yango bato oyo bazali na motema sembo.

 3 Ntango miboko ya bosembo ebukani,

Moto ya sembo akoki kosala nini?”

 5 Yehova atalatalaka moto malamu* ná moto mabe;+

Ye ayinaka* moto oyo alingaka mobulu.+

 6 Akonɔkisela bato mabe mitambo;*

Mɔtɔ ná sufulu+ mpe mopɛpɛ ya kozikisa ekozala mbano na bango.

12 Bikisá ngai, Ee Yehova, mpo moto ya sembo azali lisusu te;

Bato ya sembo balimwe na kati ya bato.

 2 Balobanaka lokuta;

Basalelaka maloba sukali na mbɛbu na bango* mpe balobaka makambo ya bokosi na mitema na bango.*+

 3 Yehova akolongola mbɛbu ya moto nyonso oyo asalelaka maloba sukali

Mpe lolemo oyo emikumisaka,+

 4 Baoyo balobaka ete: “Tokolonga na lolemo na biso.

Tokosalela mbɛbu na biso ndenge tolingi;

Nani akozala nkolo na biso?”+

 5 “Lokola bato ya mpasi bazali konyokwama,

Lokola babola bazali kolelalela,*+

Nakotɛlɛma mpo nasala likambo,” Yehova alobi bongo.

 6 Maloba ya Yehova ezali pɛto;+

Ezali lokola palata oyo epɛtolami na ndako ya mɔtɔ makasi oyo esalemi na mabele,* epɛtolami mbala nsambo.

 7 Okokɛngɛla bango, Ee Yehova;+

Okobatela mpo na libela mokomoko na bango na mabɔkɔ ya libota oyo.

 8 Bato mabe batambolaka kozanga komipekisa,

Mpo bana ya bato bakumisaka makambo ya mabe.+

 2 Tii ntango nini nakomitungisa,*

Motema na ngai ekozala na mawa mokolo mobimba?

Ngɛngisá miso na ngai, mpo nalala na kati ya liwa te,

 4 Mpo monguna na ngai aloba te ete: “Nalongi ye!”

 5 Mpo ngai natye motema na bolingo na yo ya sembo;+

Motema na ngai ekosepela na misala na yo ya kobikisa.+

Bazali bato mabe mpe basalaka makambo oyo eyinami;

Ata moto moko te azali kosala malamu.+

 2 Kasi uta na likoló, Yehova azali kotala bana ya bato

Mpo na komona soki ezali na moto oyo azali na mayele ya kososola, soki ezali na moto oyo azali koluka Yehova.+

 3 Bango nyonso batiki nzela ya malamu;+

Bango nyonso mpe babebi.

Ata moto moko te azali kosala malamu,

Ata moto moko te.

 5 Kasi nsɔmɔ moko monene ekokanga bango,+

Mpo Yehova azali na kati ya libota ya moto ya sembo.

 6 Bino basali mabe, bolukaka kosala ete mposa ya moto mpamba ekokisama te,

Kasi Yehova azali esika na ye ya kokima.+

Ntango Yehova akozongisa bato na ye oyo bazali bakangami,

Tiká Yakobo azala na esengo, tiká Yisraele asepela.

 2 Moto oyo atosaka Nzambe ntango nyonso,+

Oyo asalaka makambo oyo ezali sembo+

Mpe oyo alobaka solo na motema na ye.+

 3 Akoselaka bato makambo te,*+

Asalelaka mozalani na ye eloko moko te ya mabe,+

Mpe abebisaka lokumu ya baninga na ye te.*+

 4 Aboyaka moto nyonso ya mpambampamba,+

Kasi akumisaka baoyo babangaka Yehova.

 5 Adefisaka mbongo na ye mpo na kozwa benefisi te,+

Mpe azwaka kanyaka te mpo na kokweisa moto oyo asali likambo te.+

 3 Mpe basantu na mabele,

Bato ya lokumu, bapesaka ngai esengo mpenza.”+

Nakosopa ata moke te makabo na bango ya masanga ya makila,

Mpe mbɛbu na ngai ekotánga bankombo na bango te.+

Liboso na yo* esengo ezalaka mingi;+

Makambo ya esengo* ezalaka na lobɔkɔ na yo ya mobali mpo na libela.

17 Yoká kosɛnga na ngai mpo na bosembo, Ee Yehova;

Tyá likebi na koganga na ngai mpo na koluka lisalisi;

Yoká libondeli na ngai, oyo nasali kozanga bokosi.+

 2 Katá likambo na bosembo mpo na bolamu na ngai;+

Tiká miso na yo emona oyo ezali sembo.

 3 Omeki motema na ngai, otalitali ngai na butu,+

Opɛtoli ngai;+

Omoni ete nakani te kosala ata likambo moko ya mabe,

Mpe monɔkɔ na ngai ebuki mobeko te.

 4 Kasi mpo na misala ya bato,

Naboyi banzela ya moyibi, na boyokani na liloba ya mbɛbu na yo.+

 5 Tiká matambe na ngai etikala na banzela na yo

Mpo makolo na ngai ebɛta libaku te.+

 7 Monisá bolingo na yo ya sembo na ndenge ya kokamwa,+

Ee Mobikisi ya baoyo bazali koluka esika ya libateli na lobɔkɔ na yo ya mobali

Olongolaka bango epai ya bato oyo bazali kotombokela yo.

 8 Batelá ngai lokola mbuma ya liso na yo;+

Bombá ngai na elili ya mapapu na yo.+

 9 Batelá ngai na bato mabe oyo bazali kobundisa ngai,

Na lobɔkɔ ya banguna na ngai oyo bazingi ngai mpe balingi koboma ngai.+

10 Bakómisi mitema na bango makasi;*

Monɔkɔ na bango elobaka na lolendo mpenza;

11 Sikoyo bazingi biso;+

Bazali koluka mabaku mpo na kokweisa biso.*

12 Monguna azali lokola nkɔsi oyo ezali na mposa makasi ya kopasola nyama bitenibiteni,

Lokola mwana-nkɔsi oyo ebombani mpo na kokanga nyama.

13 Tɛlɛmá, Ee Yehova, mpo na kotɛmɛla ye+ mpe kokweisa ye na nse;

Bikisá ngai* na lobɔkɔ ya moto mabe na mopanga na yo;

14 Bikisá ngai na lobɔkɔ na yo, Ee Yehova,

Liboso ya bato ya mokili oyo,* baoyo likabo na bango ezali na bomoi oyo,+

Baoyo otondisi bango na biloko ya kitoko oyo opesi+

Baoyo batiki libula epai ya ebele ya bana na bango.

15 Kasi mpo na ngai, nakomona elongi na yo mpo nazali sembo;

Nakosepela kolamuka liboso na yo.*+

Nzambe na ngai azali libanga na ngai,+ nakimaka epai na ye,

Nguba na ngai mpe liseke* na ngai ya lobiko,* esika makasi na ngai ya kobombana.*+

 3 Nakobelela Yehova, ye oyo abongi kosanzolama,

Mpe akobikisa ngai na mabɔkɔ ya banguna na ngai.+

 4 Bansinga ya liwa ezingaki ngai;+

Bato ya mpambampamba, oyo bazali lokola mpela ya pwasa, bapesaki ngai nsɔmɔ.+

 5 Bansinga ya Nkunda* ezingaki ngai;

Mitambo ya liwa ezalaki liboso na ngai.+

 6 Na mpasi na ngai nabelelaki Yehova,

Nakobaki kolelela Nzambe na ngai mpo na kosɛnga lisalisi.

Ayokaki mongongo na ngai na tempelo na ye,+

Mpe kolela na ngai epai na ye mpo na kosɛnga lisalisi ekómaki na matoi na ye.+

 7 Bongo mabele ekómaki koningana mpe kolɛnga;+

Miboko ya bangomba eninganaki,

Mpe eninganaki epai na epai mpo bapesaki ye nkanda.+

 8 Milinga ebimaki na zolo na ye mpe emataki,

Mpe mɔtɔ oyo ezikisaka ebimaki na monɔkɔ na ye;+

Makala ya mɔtɔ oyo ezalaki kopela makasi eutaki epai na ye.

 9 Ntango akitaki asalaki ete likoló egumbama,+

Mpe molili makasi ezalaki na nse ya makolo na ye.+

11 Bongo amizipaki na molili,+

Zingazinga na ye lokola esika ya kobombana,

Mai ya moindo mpe mapata minene.+

12 Mbula ya mabanga ná makala ya mɔtɔ

Eutaki na kongɛnga oyo ezalaki liboso na ye mpe ekatisaki mapata.

13 Bongo Yehova abandaki konguluma lokola nkake na likoló;+

Ye Oyo-Aleki-Likoló ayokisaki mongongo na ye+

Na mbula ya mabanga ná makala ya mɔtɔ.

14 Abɛtaki makula na ye mpe apanzaki bango;+

Atindaki mokalikali na ye mpe atyaki bango na mobulu.+

15 Nse ya mai* ekómaki komonana;+

Miboko ya mabele ekómaki komonana polele, na mpamela na yo, Ee Yehova,

Mpo na mpema oyo ebimi na zolo na yo.+

16 Uta na likoló asembolaki lobɔkɔ na ye;

Akangaki ngai mpe abimisaki ngai na mai mozindo.+

17 Abikisaki ngai na mabɔkɔ ya monguna na ngai ya makasi,+

Na mabɔkɔ ya bato oyo bayinaka ngai mpe oyo balekaki ngai na makasi.+

18 Babimelaki ngai na mokolo oyo nazalaki na mpasi,+

Kasi Yehova azalaki mosungi na ngai.

19 Abimisaki ngai mpe atyaki ngai na esika moko ya libateli;*

Abikisaki ngai mpo azalaki kosepela na ngai.+

20 Yehova apesi ngai mbano mpo na bosembo na ngai;+

Afuti ngai mpo mabɔkɔ na ngai ezali na ngambo te.*+

21 Mpo nabateli banzela ya Yehova,

Mpe naboyi kosala mabe ya kosundola Nzambe na ngai.

22 Bikateli na ye nyonso ya lisambisi ezali liboso na ngai;

Nakoboya mibeko na ye te.

23 Nakozala ntango nyonso na mbeba te liboso na ye,+

Mpe nakomibatela mpo nasala libunga te.+

24 Tiká Yehova afuta ngai mpo na bosembo na ngai,+

Mpo mabɔkɔ na ngai ezali na ngambo te liboso na ye.+

25 Epai ya moto ya sembo, ozalaka sembo;+

Epai ya moto oyo azangi mbeba, osalaka makambo oyo ezangi mbeba;+

26 Ozalaka pɛto epai ya moto oyo azali pɛto,+

Kasi ozalaka ekɛngɛ epai ya moto oyo asalaka makambo na bokosi.+

27 Mpo obikisaka bato mpamba*+

Kasi okitisaka moto ya lolendo.*+

28 Mpo yo okopelisa mwinda na ngai, Ee Yehova,

Nzambe na ngai oyo akómisaka molili na ngai esika ya pole.+

29 Na lisalisi na yo, nakoki kobunda na etuluku ya bapunzi;+

Na lisalisi ya nguya ya Nzambe, nakoki komata efelo.+

30 Nzela ya Nzambe ya solo ezali ya kokoka;+

Liloba ya Yehova epɛtolamá.+

32 Nzambe ya solo nde moto oyo alatisi ngai nguya,+

Mpe akosembola nzela na ngai.+

33 Akómisaka makolo na ngai lokola ya nyama ebengami bishe;

Atɛlɛmisaka ngai na bisika oyo etombwaná.+

34 Alakisaka ngai ndenge ya kobunda;

Mabɔkɔ na ngai ekoki kogumba litimbo ya kwivre.

35 Opesi ngai nguba na yo mpo ebatela ngai,+

Lobɔkɔ na yo ya mobali esungaka ngai,

Mpe komikitisa na yo ekómisi ngai moto monene.+

36 Okómisi nzela monene mpo na matambe na ngai;

Makolo* na ngai ekobɛta libaku te.+

37 Nakolanda banguna na ngai mpe nakozwa bango;

Nakozonga te tii bango nyonso bakosila.

38 Nakobukabuka bango mpe bakokoka kotɛlɛma te;+

Bakokwea mpe nakonyatanyata bango na makolo na ngai.

39 Okopesa ngai makasi mpo na etumba;

Okokweisa banguna na ngai na nse ya makolo na ngai.+

40 Okosala ete banguna na ngai bákima liboso na ngai,*

Mpe baoyo bayinaka ngai, nakokangisa bango monɔkɔ.+

41 Bazali kobelela mpo na kosɛnga lisalisi, kasi moto ya kobikisa bango azali te;

Bazali kobelela ata Yehova, kasi azali koyanola bango te.

42 Nakotuta bango mikemike mpe bakokóma lokola putulu oyo mopɛpɛ ememaka;

Nakobwaka bango lokola pɔtɔpɔtɔ ya babalabala.

44 Soki bayoki ata nungunungu, bakotosa ngai;

Bapaya bakoya kogumbama liboso na ngai.+

45 Mpiko ya bapaya ekosila;*

Bakobima na kolɛnga na bisika na bango ya makasi ya libateli.

47 Nzambe ya solo azali kozongisa mabe mpo na ngai;+

Atye bato ya bikólo na nse na ngai.

48 Azali kobikisa ngai na mabɔkɔ ya banguna na ngai oyo bazali na nkanda;

Otomboli ngai likoló mpenza ya baoyo bazali kobundisa ngai;+

Ozali kobikisa ngai na lobɔkɔ ya moto ya mobulu.

49 Yango wana nakokumisa yo kati na bikólo, Ee Yehova,+

Mpe nakoyemba mpo na kosanzola nkombo na yo.*+

50 Asalaka misala minene* mpo na kobikisa mokonzi na ye;+

Amonisaka bolingo ya sembo epai ya moto na ye oyo atyami mafuta,+

Epai ya Davidi mpe libota* na ye mpo na libela.+

19 Likoló ezali kosakola nkembo ya Nzambe;+

Etando* ezali kosakola mosala ya mabɔkɔ na ye.+

 2 Ezali kobimisa liloba na yango mokolo na mokolo,

Mpe ezali komonisa boyebi butu nyonso.*

 3 Elobaka te, mpe ezali na maloba te;

Mongongo na yango eyokanaka te.

 4 Kasi makɛlɛlɛ na yango* eyokani na mabele mobimba,

Mpe nsango na yango ekómi tii na bansuka ya mabele esika bato bafandi.*+

Na likoló, Nzambe atyeli moi hema;

 5 Ezali lokola mobali ya libala oyo azali kobima na shambrɛ ya libala;

Esepelaka lokola mobali ya nguya oyo azali kopota mbangu na nzela na ye.

 6 Ebimaka na nsuka moko ya likoló,

Mpe ebalukaka tii na nsuka na yango mosusu;+

Mpe eloko moko te ezangi kozwa molunge na yango.

 8 Bitinda ya Yehova ezali sembo, esepelisaka motema;+

Mitindo ya Yehova ezali pɛto, engɛngisaka miso.+

10 Elingami mingi koleka wolo, koleka ebele ya wolo ya kitoko;*+

Mpe eleki mafuta ya nzoi na elɛngi,+

Mafuta ya nzoi oyo ezali kouta na ndako na yango.

11 Ekebisi mosaleli na yo;+

Kobatela yango ezali na litomba monene.+

13 Mpe salisá mosaleli na yo asala te misala ya lofundo;+

Kotika te ete yango etambwisa ngai.+

Na ndenge yango nakozala moto oyo akoki,+

Mpe nakozala na ngambo te na masumu minene.*

14 Maloba ya monɔkɔ na ngai mpe komanyola* ya motema na ngai

Esepelisa yo,+ Ee Yehova, Libanga na ngai+ mpe Mosikoli na ngai!+

 2 Atinda lisalisi na yo uta na esika mosantu,+

Mpe asunga yo uta na Siona.+

 3 Akanisa makabo na yo nyonso;

Andima mpenza likabo na yo ya kotumba.* (Sela)

 4 Akokisa bamposa ya motema na yo+

Mpe alongisa makambo nyonso oyo ozali kokana.*

 5 Tokoganga na esengo mpo na misala na yo ya kobikisa;+

Tokotombola babɛndɛlɛ na biso mpo na nkombo ya Nzambe na biso.+

Ayanolaka ye uta na likoló na ye mosantu

Na misala na ye minene ya kobikisa* ya lobɔkɔ na ye ya mobali.+

 7 Basusu batyaka motema na makalo mpe basusu na bampunda,+

Kasi biso, tobelelaka nkombo ya Yehova Nzambe na biso.+

 8 Babɛti libaku mpe bakwei;

Kasi biso, totɛlɛmi mpe tozongisami.+

21 Ee Yehova, mokonzi asepelaka na makasi na yo;+

Asepelaka mpenza na misala na yo ya kobikisa!+

 2 Okokisi mposa ya motema na ye,+

Mpe oboyi te kokokisa kosɛnga ya mbɛbu na ye. (Sela)

 3 Mpo opamboli ye mingi mpenza;

Otye na motó na ye motole ya wolo ya kitoko.*+

 4 Asɛngaki yo azala na bomoi, mpe opesaki ye yango,+

Opesaki ye bomoi molai,* libela na libela.

 6 Okómisi ye moto oyo apambolami mpo na seko;+

Osepelisi ye na esengo liboso* na yo.+

 7 Mpo mokonzi atyeli Yehova motema;+

Mpo na bolingo ya sembo ya Oyo-Aleki-Likoló, akokwea ata moke te.*+

 8 Lobɔkɔ na yo ekozwa banguna na yo nyonso;

Lobɔkɔ na yo ya mobali ekozwa baoyo bayinaka yo.

10 Okolongola libota* na bango na mabele,

Mpe bana na bango na kati ya bana ya bato.

11 Mpo bakani kosalela yo likambo ya mabe;+

Baluki kosalela mayele mabe oyo ekolonga te.+

12 Mpo okosala ete bázonga nsima+

Na ndenge okotalisa litimbo* na yo epai na bango.*

Mpo na nini ozali koya te kobikisa ngai,

Mpo na nini ozali te koyoka koganga na ngai ya kolela?+

 2 Nzambe na ngai, na moi, nazali se kobelela, kasi ozali koyanola te;+

Mpe na butu, nazali kofanda nyɛɛ te.

 3 Kasi yo ozali mosantu,+

Masanzoli ya Yisraele ezali* zingazinga na yo.

 4 Batata na biso batyelaki yo motema;+

Batyaki motema, mpe ozalaki kaka kobikisa bango.+

 5 Babelelaki yo, mpe babikisamaki;

Batyelaki yo motema, mpe bayokaki nsɔni te.+

 6 Kasi ngai nazali nkusu, nazali moto te,

Bato basɛki ngai mpe batyoli ngai.+

 7 Baoyo nyonso bazali komona ngai bazali kosɛka ngai;+

Bazali kotyola mpe koningisa mitó na bango na kosɛka:+

 9 Yo Moto obimisaki ngai na libumu,+

Moto osalaki ete namiyoka ete nabatelami ntango nazalaki na mabɛlɛ ya mama na ngai.

10 Napesamaki na mabɔkɔ* na yo banda ntango nabotamaki;

Banda na libumu ya mama na ngai ozalaki Nzambe na ngai.

11 Kozala mosika na ngai te, mpo mpasi ezali pene,+

Mpe nazali na mosungi mosusu te.+

12 Ebele ya bana-ngɔmbɛ mibali bazingi ngai;+

Bana-ngɔmbɛ mibali ya nguya ya Bashane bazingi ngai.+

13 Bafungoleli ngai mpenza monɔkɔ polele,+

Lokola nkɔsi oyo ezali koganga mpe kopasola nyama bitenibiteni.+

14 Nasopami lokola mai;

Mikuwa na ngai nyonso ekabwani.

Motema na ngai ekómi lokola mafuta;+

Enyangwe na kati na ngai mpenza.+

15 Nguya na ngai ekauki lokola eteni ya mbɛki;+

Lolemo na ngai ekangami na misuni ya mino na ngai;+

Ozali kokitisa ngai na putulu ya liwa.+

16 Banguna na ngai bazingi ngai lokola bambwa;+

Bapusani pene na ngai lokola etuluku ya basali-mabe,+

Bazali koswa mabɔkɔ na ngai ná makolo na ngai lokola nkɔsi.+

18 Bakaboli bilamba na ngai kati na bango,

Mpe babwaki mbɛsɛ mpo na bilamba na ngai.+

20 Bikisá ngai na mopanga,

Bikisá bomoi na ngai ya motuya* na manzaka* ya mbwa;+

21 Bikisá ngai na monɔkɔ ya nkɔsi+ mpe na maseke ya bangɔmbɛ ya zamba;

Yanolá ngai mpe bikisá ngai.

22 Nakoyebisa bandeko na ngai nkombo na yo;+

Nakosanzola yo na kati ya lisangá.+

24 Mpo atyoli te mpe ayoki nsɔmɔ te

Mpo na mpasi ya moto oyo azali konyokwama;+

25 Nakosanzola yo na kati ya lisangá monene;+

Nakokokisa bilako na ngai liboso ya baoyo babangaka ye.

26 Bato ya komikitisa bakolya mpe bakotonda;+

Baoyo balukaka Yehova bakosanzola ye.+

28 Mpo bokonzi ezali ya Yehova,+

Azali koyangela bikólo.

29 Bato nyonso ya bozwi* oyo bazali na mabele bakolya mpe bakogumbama;

Baoyo nyonso bazali kokita na putulu bakofukama liboso na ye;

Moto moko te kati na bango akoki kobatela bomoi na ye.

30 Bana* na bango bakosalela ye;

Libota oyo ekoya bakoyoka makambo etali Yehova.

 2 Alalisaka ngai na bisika ya koleisa bibwɛlɛ oyo etondi na matiti;

Atambwisaka ngai na bisika ya kopema oyo ezali na mai mingi.*+

 4 Ata soki nazali kotambola na lobwaku ya molili makasi,+

Nabangaka eloko ya mabe ata moko te,+

Mpo ozali elongo na ngai;+

Nzete na yo mpe lingenda na yo ekitisaka ngai motema.*

Otye mafuta na motó na ngai;*+

Kɔpɔ na ngai etondi malamu.+

 6 Ya solo, bolamu mpe bolingo ya sembo ekolanda ngai mikolo nyonso ya bomoi na ngai,+

Mpe nakofanda na ndako ya Yehova mikolo nyonso ya bomoi na ngai.+

24 Mabele mpe biloko na yango nyonso ezali ya Yehova,+

Mabele oyo ebotaka mpe baoyo bazali kofanda wana.

 2 Mpo atye moboko na yango makasi likoló ya mbu,+

Mpe apiki yango makasi likoló ya bibale.

 3 Nani akoki komata na ngomba ya Yehova,+

Mpe nani akoki kotɛlɛma na esika na ye mosantu?

 4 Moto oyo mabɔkɔ na ye ezali na likambo te mpe motema na ye ezali pɛto,+

Oyo alapi ndai ya lokuta te mpo na bomoi* na ngai,

Mpe alapi ndai na bokosi te.+

 5 Akozwa mapamboli oyo euti na Yehova+

Mpe bosembo oyo euti na Nzambe na ye oyo abikisaka.+

 6 Yango nde libota ya baoyo balukaka ye,

Ya baoyo balukaka elongi na yo, Ee Nzambe ya Yakobo. (Sela)

 7 Bótombola mitó na bino, bino baporte;+

Bófungwama,* bino bisika ya kokɔta ya ntango ya kala,

Mpo Mokonzi ya nkembo akɔta!+

Yehova, oyo azali na makasi mpe na nguya,+

Yehova, azali na nguya na etumba.+

 9 Bótombola mitó na bino, bino baporte;+

Bófungwama, bino bisika ya kokɔta ya ntango ya kala,

Mpo Mokonzi ya nkembo akɔta!

 2 Nzambe na ngai, natyeli yo motema;+

Salá ete nayoka nsɔni te.+

 3 Ya solo, moto moko te oyo atyaka elikya epai na yo akoyoka nsɔni,+

Kasi nsɔni ezali kozela baoyo basalaka makambo na bokosi kaka mpamba.+

 4 Salá ete nayeba banzela na yo, Ee Yehova;+

Teyá ngai banzela na yo.+

 5 Tambwisá ngai na solo na yo mpe teyá ngai,+

Mpo yo ozali Nzambe ya lobiko na ngai.

 6 Ee Yehova, kanisá motema mawa na yo, mpe bolingo na yo ya sembo,+

Oyo omonisaka ntango nyonso.*+

Kanisá ngai na kolanda bolingo na yo ya sembo,+

Mpo ozali malamu, Ee Yehova.+

 9 Akotambwisa bato ya komikitisa na makambo oyo ezali sembo,*+

Mpe akoteya bato ya komikitisa nzela na ye.+

10 Banzela nyonso ya Yehova etondi na bolingo ya sembo mpe bosolo

Mpo na baoyo bazali kotosa kondimana na ye+ mpe makundoli na ye.+

11 Mpo na nkombo na yo, Ee Yehova,+

Limbisá libunga na ngai, atako ezali monene.

13 Makambo ya malamu ekokómela ye,+

Mpe bato ya libota na ye bakozwa* mabele.+

14 Yehova azali moninga ya motema ya baoyo babangaka ye,+

Mpe asalaka ete báyeba kondimana na ye.+

15 Natyelaka ntango nyonso Yehova motema mpo na koluka lisalisi,+

Mpo akolongola makolo na ngai na monyama.+

16 Balolá elongi na yo epai na ngai mpe moniselá ngai boboto,

Mpo nazali kaka ngai moko mpe nazangi lisalisi.

17 Bampasi ya motema na ngai ekómi mingi;+

Longolá ngai na mitungisi na ngai.

18 Talá mpasi na ngai mpe kotungisama na ngai,+

Mpe limbisá masumu na ngai nyonso.+

19 Talá ndenge banguna na ngai bazali mingi

Mpe ndenge bazali mpenza koyina ngai.

21 Kozanga mbeba mpe bosembo ebatela ngai,+

Mpo natyeli yo elikya.+

26 Ee Yehova, sambisá ngai mpo natamboli kozanga mbeba,+

Natyeli Yehova motema, mpe natengitengi te.+

 2 Ee Yehova, talá ngai malamumalamu mpe meká ngai;

Pɛtolá makanisi na ngai oyo ebombaná mpenza* na kati mpe motema na ngai.+

 3 Mpo bolingo na yo ya sembo ezali ntango nyonso liboso na ngai,

Mpe natambolaka na solo na yo.+

 4 Nasalaka boninga te* na bato ya lokuta,+

Mpe naboyi baoyo bazali kobomba ndenge bazali.*

 5 Nayini lisangá ya basali-mabe,+

Mpe naboyi kosala boninga* na bato mabe.+

 6 Nakosukola mabɔkɔ na ngai mpo na komonisa ete nazali na ngambo te,

Mpe nakotambola zingazinga ya etumbelo na yo, Ee Yehova,

 7 Mpo na kosala ete lokito ya matɔndi eyokana,+

Mpe mpo na kosakola misala na yo nyonso ya kokamwa.

 8 Yehova, nalingaka ndako oyo ofandaka,+

Esika oyo nkembo na yo efandaka.+

 9 Kolongola ngai* te elongo na basumuki,+

Mpe kolongola bomoi na ngai te elongo na bato ya mobulu,*

10 Baoyo mabɔkɔ na bango emipesi na etamboli ya nsɔni,

Mpe baoyo lobɔkɔ na bango ya mobali etondi na kanyaka.

12 Lokolo na ngai etɛlɛmi na esika ya patatalu;+

Na kati ya ebele ya bato oyo bayangani, nakosanzola Yehova.+

 2 Ntango bato mabe bayaki kobundisa ngai mpo na kolya mosuni na ngai,+

Batɛmɛli na ngai mpe banguna na ngai nde babɛtaki libaku mpe bakweaki.

 3 Ata soki limpinga ya basoda etɛlɛmiseli ngai kaa,+

Motema na ngai ekobanga te.

Ata soki etumba ebimeli ngai,

Ata bongo nakotya kaka motema.

 4 Nasɛngi Yehova eloko moko,

Mpe yango nde nakoluka:

Nafanda na ndako ya Yehova mikolo nyonso ya bomoi na ngai,+

Mpo na komona bolamu* ya Yehova

Mpe kotala na botɔndi tempelo* na ye.+

 5 Mpo akobomba ngai na esika na ye ya libateli na mokolo ya likama;+

Akobomba ngai na esika ya nkuku ya hema na ye;+

Akotombola ngai likoló ya libanga.+

 6 Sikoyo motó na ngai ezali likoló koleka banguna oyo bazingi ngai;

Na hema na ye nakopesa bambeka na koganga ya esengo;

Nakoyemba mpo na kosanzola* Yehova.

 7 Ee Yehova, yoká ngai ntango nazali kobelela;+

Moniselá ngai boboto mpe yanolá ngai.+

Ozali mosungi na ngai;+

Kosundola ngai te mpe kotika ngai te, Ee Nzambe ya lobiko na ngai.

10 Ata soki tata na ngai ná mama na ngai basundoli ngai,+

Yehova ye moko akolɔkɔta ngai.+

11 Ee Yehova, lakisá ngai nzela na yo,+

Mpo na banguna na ngai, kambá ngai na nzela ya bosembo.

12 Kokaba ngai te epai ya banguna na ngai,*+

Mpo batatoli ya lokuta babimi mpo na kotɛmɛla ngai,+

Mpe basaleli ngai makambo na mobulu.

13 Nalingaki kozala wapi soki nazalaki na kondima te

Ete nakomona bolamu ya Yehova na mokili ya bato ya bomoi?*+

14 Tyelá Yehova elikya;+

Zalá na mpiko mpe motema na yo ezala makasi.+

28 Ee Yehova, nazali kaka kobelela yo, Libanga na ngai;+

Kokangela ngai matoi te.

Soki okobi kofanda nyɛɛ liboso na ngai,

Nakokóma lokola baoyo bazali kokita na libulu.*+

 2 Yoká mabondeli* na ngai ntango nazali kolelela yo mpo osalisa ngai,

Ntango nazali kotombola mabɔkɔ na ngai na ngámbo ya shambrɛ ya kati mpenza ya esika na yo mosantu.+

 3 Kopesa ngai etumbu te elongo na bato mabe, ná baoyo basalaka makambo oyo eyokisaka mpasi,+

Baoyo bazali koloba maloba ya kimya na baninga na bango, nzokande makambo ya mabe ezali na mitema na bango.+

 4 Zongiselá bango na kolanda misala na bango,+

Na kolanda misala na bango ya mabe.

Zongiselá bango na kotalela mosala ya mabɔkɔ na bango,

Na kolanda makambo oyo basali.+

 5 Mpo bazali kotya likebi te na misala ya Yehova,+

Ata mpe na mosala ya mabɔkɔ na ye.+

 6 Yehova asanzolama,

Mpo ayoki libondeli* na ngai mpo na kosɛnga lisalisi.

 7 Yehova azali makasi na ngai+ mpe nguba na ngai;+

Natyeli ye motema na ngai mobimba.+

Asalisi ngai, mpe motema na ngai esepeli,

Yango wana nakosanzola ye na loyembo na ngai.

 8 Yehova azali makasi ya bato na ye;

Azali esika makasi ya libateli, abikisaka mpenza moto na ye oyo atyami mafuta.+

29 Bópesa Yehova oyo ebongi na ye, bino bana ya bato ya makasi,

Bópesa Yehova oyo ebongi na ye, mpo na nkembo mpe bokasi na ye.+

 3 Mongongo ya Yehova eyokani likoló ya mai;

Nzambe ya nkembo angulumi lokola nkake.+

 4 Mongongo ya Yehova ezali na nguya;+

Mongongo ya Yehova ezali na lokumu.

 5 Mongongo ya Yehova ezali kobuka banzete ya sɛdrɛ;

Ɛɛ, Yehova azali kobukabuka banzete ya sɛdrɛ ya Liban.+

 6 Azali kopumbwisa Liban* lokola mwana-ngɔmbɛ,

Mpe Sirione+ lokola mwana ya ngɔmbɛ-mobali ya zamba.

 7 Mongongo ya Yehova ezali kobɛta ná lolemo ya mɔtɔ;+

 8 Mongongo ya Yehova ezali kolɛngisa esobe;+

Yehova azali koningisa esobe ya Kadeshe.+

 9 Mongongo ya Yehova ezali koningisa banyama ebengami bishe mpe banyama yango ezali kobota

Mpe ezali kotika bazamba polele.+

10 Yehova afandi na kiti ya bokonzi likoló ya mpela;*+

Yehova azali Mokonzi mpe azali koyangela mpo na libela.+

30 Ee Yehova, nakokumisa yo mpo otomboli ngai;*

Otiki te ete banguna na ngai básepela mpo na likambo na ngai.+

 4 Bóyemba mpo na kosanzola* Yehova, bino bato na ye ya sembo,+

Bópesa nkombo* na ye mosantu matɔndi;+

 5 Mpo nkanda oyo ayokelaka moto ezalaka kaka mpo na mwa ntango,+

Kasi amoniselaka moto boboto bomoi mobimba.+

 8 Nazalaki kaka kobelela yo, Ee Yehova;+

Mpe nakobaki kobondela Yehova amonisela ngai boboto.

11 Obongoli mawa na ngai mabina;

Olongoli ngɔtɔ* na ngai, mpe olatisi ngai esengo,

12 Mpo nayemba loyembo* ya kosanzola yo mpe nafanda nyɛɛ te.

Kómá ngomba makasi ya libateli mpo na ngai,

Esika makasi mpo na kobikisa ngai.+

 3 Mpo ozali libanga na ngai mpe esika makasi ya libateli na ngai;+

Mpo na nkombo na yo,+ okokamba ngai mpe okotambwisa ngai.+

 4 Okobimisa ngai na monyama oyo babombi mpo na kokanga ngai,+

Mpo yo ozali ndako na ngai ya makasi.+

 6 Nayinaka mpenza baoyo basambelaka bikeko ya mpamba, oyo ezangi ntina,

Kasi ngai natyelaka nde Yehova motema.

 7 Nakosepela mpenza na bolingo na yo ya sembo;

Mpo omoni mpasi na ngai;+

Oyebi mozindo ya mpasi* na ngai.

 8 Okabi ngai na lobɔkɔ ya monguna te,

Kasi otɛlɛmisi ngai na esika moko ya libateli.*

10 Mawa ekómisi bomoi na ngai na nsuka+

Mpe bambula na ngai kaka kolelalela.*+

Makasi na ngai ezali kosila mpo na libunga na ngai;

Mikuwa na ngai ezali kolɛmba.+

11 Nakómi eloko ya kosɛka epai ya banguna na ngai nyonso,+

Mingimingi epai ya baoyo bafandi zingazinga na ngai.

Mpe baoyo toyebani na bango bazali na nsɔmɔ na ngai;

Bazali kokima soki bamoni ngai na esika ya bato nyonso.+

12 Balongoli ngai na mitema* na bango mpe babosani ngai, lokola moto oyo akufi;

Nazali lokola elokó oyo ebukaná.

13 Nayoki nsango mingi ya mabe;

Nsɔmɔ ezingi ngai.+

Bazali koyangana esika moko

Mpe kosala likita mpo na koboma ngai.+

Bato mabe báyoka nsɔni;+

Báfanda nyɛɛ na kati ya Nkunda.*+

18 Mbɛbu ya lokuta ezanga likambo ya koloba,+

Mbɛbu oyo elobaka na moto ya sembo na lofundo nyonso, na lolendo mpe na kotyola.

Obombeli yango baoyo babangaka yo,+

Mpe omonisi yango liboso ya bato nyonso, mpo na bolamu ya baoyo bazali kokima epai na yo.+

20 Okobomba bango na esika ya nkuku liboso na yo+

Mosika na mayele mabe ya bato;

Okobomba bango na esika na yo ya libateli

Mosika na baoyo bazali na makanisi ya kosala mabe.*+

21 Yehova asanzolama,

Mpo amoniseli ngai bolingo na ye ya sembo na ndenge moko ya kokamwa+ na engumba oyo ezingami na bango.+

Yehova abatelaka bato ya sembo,+

Kasi apesaka etumbu makasi na moto nyonso oyo azali na lolendo.+

24 Bózala na mpiko, mpe motema na bino ezala makasi,+

Bino nyonso baoyo bozali kozela Yehova.+

 2 Esengo na moto oyo Yehova amoni ete azali na ngambo te,+

Oyo azali na makanisi ya bokosi te.

 5 Nsukansuka nayambolelaki yo lisumu na ngai;

Nabombaki libunga na ngai te.+

 6 Yango wana moto nyonso ya sembo akobondela yo+

Ntango oyo okoki kozwama.+

 7 Yo ozali esika na ngai ya kobombana;

Okobatela ngai mpo mpasi ekómela ngai te.+

 9 Bómikómisa te lokola mpunda to dɔngi* oyo ezangi mayele,+

Oyo esengeli kotya yango ebende ya mbanga to nsinga ya nkingo

Liboso eya epai na yo.”

10 Bampasi ya moto mabe ezali mingi;

Kasi moto oyo azali kotyela Yehova motema, azingami na bolingo ya sembo na Ye.+

11 Bósepela na Yehova mpe bózala na esengo, bino bato ya sembo;

Bóganga na esengo, bino nyonso bato ya motema sembo.

 2 Bópesa Yehova matɔndi na nzɛnzɛ;

Bóyemba* mpo na kosanzola ye na ebɛtɛlo ya nsinga zomi.

 3 Bóyembela ye loyembo ya sika;+

Bóbɛta nsinga malamu, nzela moko na koganga ya esengo.

 4 Mpo liloba ya Yehova ezali sembo,+

Mpe nyonso oyo asalaka ebongi kotyelama motema.

 6 Likoló esalemaki na liloba ya Yehova,+

Mpe eloko nyonso oyo ezali na likoló* esalemaki na mpema* ya monɔkɔ na ye.

 7 Ye asangisaka mai ya mbu esika moko lokola bifelo;+

Atyaka mai oyo etomboki na bandako ya kobomba biloko.

 9 Mpo alobaki, mpe eloko nyonso ezalisamaki;+

Apesaki mitindo, mpe yango etɛlɛmaki bongo.+

10 Yehova abebisi mayele mabe* ya bikólo;+

Abebisi makanisi* ya bato ya bikólo.+

11 Kasi bikateli* ya Yehova ekotikala mpo na libela;+

Makanisi ya motema na ye ezali mpo na libota na libota.

12 Esengo na ekólo oyo Yehova azali Nzambe na yango,+

Bato oyo ye aponi bázala eloko na ye moko.+

13 Yehova atalaka na nse uta na likoló;

Amonaka bana nyonso ya bato.+

14 Uta na esika oyo afandaka,

Atalatalaka bato oyo bafandi na mabele.

15 Azali kobongisa mitema na bango nyonso;

Azali kotalatala misala na bango nyonso.+

16 Kozala na limpinga monene elingi koloba te ete mokonzi akobikisama;+

Kozala na nguya mingi elingi koloba te ete moto ya nguya akobikisama.+

17 Kotya motema te ete mpunda ekosalisa yo olonga etumba; okomikosa.+

Nguya na yango monene te nde ekobikisa.

18 Talá! Liso ya Yehova etalaka baoyo babangaka ye,+

Baoyo bazelaka bolingo na ye ya sembo,

19 Mpo na kobikisa bango* na liwa

Mpe kobatela bango na bomoi na ntango ya nzala.+

21 Mitema na biso esepelaka na ye,

Mpo totyelaka nkombo na ye mosantu motema.+

22 Ee Yehova, tiká bolingo na yo ya sembo ezala likoló na biso,+

Wana tozali kokoba kozela yo.+

34 Nakosanzola Yehova ntango nyonso;

Lisanzoli na ye ekozala ntango nyonso na mbɛbu na ngai.

 2 Nakomikumisa* na Yehova;+

Bato ya komikitisa bakoyoka mpe bakosepela.

 3 Bókumisa Yehova elongo na ngai;+

Mpe tótombola nkombo na ye elongo.

 5 Baoyo batalaki ye bakómaki na esengo;

Bilongi na bango ekokaki koyoka nsɔni ata moke te.

 7 Anzelu ya Yehova abatelaka baoyo babangaka Nzambe,+

Mpe abikisaka bango.+

 8 Bómeka mpe bómona ete Yehova azali malamu;+

Esengo na moto oyo azali kokima epai na ye.

 9 Bóbanga Yehova, bino basantu na ye nyonso,

Mpo baoyo babangaka ye bazangaka eloko te.+

10 Ata bana-nkɔsi oyo bazali na makasi* bazangaka eloko mpe bayokaka nzala,

Kasi baoyo balukaka Yehova, bakozanga te eloko ya malamu.+

11 Bóya, bana na ngai, bóyoka ngai;

Nakoteya bino kobanga Yehova.+

12 Nani kati na bino asepelaka na bomoi

Mpe akosepela kozala na bomoi molai mpe ya esengo?+

13 Na yango, batelá lolemo na yo eloba te makambo ya mabe,+

Mbɛbu na yo eloba te makambo ya bokosi.+

14 Tiká oyo ezali mabe, mpe salá oyo ezali malamu;+

Luká kimya, mpe landá yango.+

15 Miso ya Yehova ezali epai ya bato ya sembo,+

Mpe matoi na ye eyokaka kolela na bango mpo na kosɛnga lisalisi.+

16 Kasi elongi ya Yehova etɛmɛlaka baoyo basalaka oyo ezali mabe,

Bakokufa, mpe moto moko te akokanisa bango lisusu na mabele.+

17 Bato ya sembo bagangaki, mpe Yehova ayokaki;+

Abikisaki bango na bampasi na bango nyonso.+

18 Yehova azali pene na baoyo motema ebukani;+

Abikisaka baoyo balɛmbi nzoto.*+

19 Bampasi ya moto ya sembo ezali mingi,+

Kasi Yehova abikisaka ye na yango nyonso.+

20 Azali kobatela mikuwa na ye nyonso;

Ata moko na yango ebukani te.+

21 Likama ekoboma moto mabe;

Bato oyo bazali koyina moto ya sembo bakomema ngambo.

22 Yehova asikolaka bomoi* ya basaleli na ye;

Moko te kati na baoyo bazali kokima epai na ye akomema ngambo.+

35 Ee Yehova, sambá likambo na ngai na baoyo bazali kotɛmɛla ngai;+

Bundá na baoyo bazali kobundisa ngai.+

 2 Simbá nguba na yo ya moke* mpe nguba na yo ya monene,+

Mpe tɛlɛmá osamba mpo na ngai.+

 5 Bákóma lokola mposo ya blé na mopɛpɛ;

Anzelu ya Yehova abengana bango.+

 6 Nzela na bango ekóma molili mpe mosɛlu,

Wana anzelu ya Yehova azali kolanda bango.

 7 Mpo kaka mpamba, babombi monyama mpo na kotyela ngai motambo;

Kaka mpamba, batimoli libulu mpo na ngai.

 8 Libebi ekwela bango kozanga ete báyeba,

Monyama oyo babombaki ekanga bango;

Bákwea na kati na yango mpe bákufa.+

 9 Kasi nakosepela na Yehova;

Nakozala na esengo na misala ya lobiko na ye.

Obikisaka moto ya mpasi na mabɔkɔ ya baoyo baleki ye na makasi,+

Moto ya mpasi mpe mobola na mabɔkɔ ya baoyo bazali koyiba ye.”+

11 Batatoli ya lokuta bayei,+

Mpe bazali kotuna ngai makambo oyo nayebi te.

12 Bazali kozongisela ngai mabe mpo na malamu,+

Yango esali ete nayoka mawa makasi.

13 Kasi ntango bakómaki kobɛla, nalataki ngɔtɔ;*

Namiyokisaki mpasi na kokila bilei,

Mpe ntango libondeli na ngai ezalaki kozonga kozanga eyano,*

14 Nazalaki kotambola epai na epai na kolela, lokola nde moninga to ndeko na ngai akufi,

Nagumbamaki na mawa lokola moto azali kolela ebembe ya mama na ye.

15 Kasi ntango nabulunganaki, basepelaki mpe bayanganaki;

Bayanganaki na esika ya kobombana mpo na kobɛta ngai;

Bapasolaki ngai bitenibiteni mpe bafandaki nyɛɛ te.

16 Bato oyo babangaka Nzambe te bazali koyina ngai nakotyola mpenza,*

Bazali kolyela ngai mino.+

Bikisá ngai mpo báboma ngai te,+

Bikisá bomoi na ngai ya motuya* na bana-nkɔsi.*+

18 Bongo, nakokumisa yo na kati ya lisangá monene;+

Nakosanzola yo na kati ya bato ebele.

19 Kotika te ete baoyo bazali banguna na ngai kaka mpamba básepela na mpasi na ngai;

Kotika te ete baoyo bazali koyina ngai kaka mpamba+ báfinana liso na makanisi ya mabe.+

20 Mpo bazali koloba makambo ya kimya te,

Kasi bazali kobongisa nde makambo ya lokuta mpo na kotɛmɛla bato ya kimya na mabele.+

21 Bazali kofungola monɔkɔ polele mpo na kofunda ngai,

Balobi: “Aha! Aha! Miso na biso emoni yango.”

23 Lamuká mpe tɛlɛmá osamba mpo na ngai,

Yehova, Nzambe na ngai, kɔtelá ngai na likambo oyo nazali kosamba.

24 Ee Yehova Nzambe na ngai, sambisá ngai na kolanda bosembo na yo,+

Kotika te ete básepela na mpasi na ngai.

26 Bango nyonso báyoka nsɔni mpe básambwa

Baoyo bazali kosepela na mpasi na ngai.

27 Kasi baoyo basepelaka na bosembo* na ngai báganga na esengo;

Báloba ntango nyonso ete:

28 Bongo lolemo na ngai ekolobela* bosembo na yo+

Mpe ekosanzola yo mokolo mobimba.+

36 Likambo mabe nde etambwisaka motema ya moto mabe;

Abangaka Nzambe te.+

 2 Lokola na miso na ye amimonaka ete azali na ntina mingi

Akoki te komona libunga na ye mpe koyina yango.+

 3 Maloba ya monɔkɔ na ye eyokisaka mpasi mpe ezali na bokosi;

Azali na mayele ya kososola te mpo na kosala oyo ezali malamu.

Atɛlɛmi na nzela oyo ezali malamu te;

Aboyaka te oyo ezali mabe.

 5 Ee Yehova, bolingo na yo ya sembo ekómi tii na likoló,+

Bosembo na yo ezali tii na mapata.

 6 Bosembo na yo ezali lokola bangomba milai;*+

Makambo oyo olobaka ntango ozali kosambisa ezalaka lokola mai monene mpe ya mozindo.+

 8 Bamɛlaka mpe batondaka biloko kitoko oyo ezali na ndako na yo,+

Mpe omɛlisaka bango mai ya mikɛli ya bisengo na yo.+

 9 Mpo liziba ya bomoi ezali epai na yo;+

Na pole na yo, tozali komona pole.+

10 Kobá komonisa bolingo na yo ya sembo epai ya baoyo bayebi yo,+

Mpe bosembo na yo epai ya baoyo bazali na motema sembo.+

11 Kotika te ete lokolo ya moto ya lolendo enyata ngai

To lobɔkɔ ya bato mabe ebengana ngai.

12 Kuna bato oyo basalaka mabe bakwei;

Bakweisami mpe bakoki kotɛlɛma te.+

37 Kosilika te mpo na bato mabe

Mpe kolula te baoyo basalaka makambo ya mabe.+

 2 Bakokauka nokinoki lokola matiti+

Mpe bakokauka lokola matiti ya sika ya mobesu.

 3 Tyelá Yehova motema mpe salá oyo ezali malamu;+

Fandá na mabele,* mpe salá makambo na bosembo.+

 4 Sepelá mingi mpenza* na Yehova,

Mpe akokokisa mposa ya motema na yo.

 5 Tiká Yehova atambwisa bomoi na yo;*+

Tyelá ye motema, mpe ye moko akosalisa yo.+

 6 Akongɛngisa boyengebene na yo lokola kotana ya ntɔngɔ,

Mpe bosembo na yo lokola moi na ntango ya midi.

 7 Fandá nyɛɛ liboso ya Yehova+

Mpe zelá ye na motema moko.*

Kosilika te mpo na moto

Oyo alongaka na mayele mabe na ye.+

 8 Tiká nkanda mpe tiká kotomboka;+

Kosilika te mpo yango ekotinda yo osala mabe.*

 9 Mpo bato mabe bakobomama,+

Kasi baoyo batyaka elikya epai ya Yehova bakozwa mabele.+

10 Etikali kaka mwa ntango moke, bato mabe bakozala lisusu te;+

Okotala esika oyo bazalaki,

Mpe bakozala lisusu wana te.+

11 Kasi bato ya komikitisa bakozwa mabele,+

Mpe bakosepela mpenza na kimya mingi.+

12 Moto mabe azali kosalela moto ya sembo likita;+

Azali kolyela ye mino.

13 Kasi Yehova akosɛka ye,

Mpo Nzambe ayebi mokolo oyo ye akokufa.+

14 Bato mabe babendi mopanga mpe bagumbi litimbo na bango

Mpo na kokweisa moto oyo anyokwami mpe mobola,

Mpo na koboma baoyo basalaka oyo ezali sembo.*

15 Mopanga na bango ekokɔta na motema na bango moko;+

Matimbo na bango ekobukana.

16 Biloko moke ya moto ya sembo* ezali malamu

Koleka ebele ya biloko ya bato mingi ya mabe.+

17 Mpo mabɔkɔ ya bato mabe ekobukana,

Kasi Yehova akosalisa bato ya sembo.

18 Yehova ayebi makambo oyo bato oyo bazangi mbeba bakutanaka na yango,*

Mpe libula na bango ekoumela mpo na libela.+

19 Bakoyoka nsɔni te na ntango ya mpasi;

Na ntango ya nzala bakotonda.

20 Kasi bato mabe bakokufa;+

Banguna ya Yehova bakosila lokola biloko kitoko na bisika ya koleisa bibwɛlɛ matiti;

Bakolimwa lokola milinga.

21 Moto mabe adefaka mpe azongisaka te,

Kasi moto ya sembo akabaka* mpe amonisaka motema mawa.+

22 Baoyo Nzambe apamboli bakozwa mabele,

Kasi baoyo alakeli mabe bakobomama.+

23 Soki Yehova asepeli na nzela ya moto,+

Atambwisaka* makolo na ye.+

24 Ata soki akwei, akobwakama na nse te,+

Mpo Yehova asimbi ye na lobɔkɔ.+

25 Nazalaki elenge mpe sikoyo nakómi mobange,

Kasi namoná naino te moto ya sembo asundolami,+

To bana na ye bazali koluka limpa.*+

26 Adefisaka ntango nyonso na boboto,+

Mpe bana na ye bakozwa lipamboli.

27 Tiká mabe mpe salá oyo ezali malamu,+

Mpe okofanda mpo na libela.

28 Mpo Yehova alingaka bosembo,

Mpe akosundola te bato na ye ya sembo.+

Bakobatelama ntango nyonso;+

Kasi bana ya bato mabe, bakobomama.+

29 Bato ya sembo* bakozwa mabele,+

Mpe bakofanda wana mpo na libela.+

30 Monɔkɔ ya moto ya sembo ebimisaka bwanya,*

Mpe lolemo na ye elobaka na bosembo.+

31 Mobeko ya Nzambe na ye ezali na motema na ye;+

Makolo na ye ekolɛnga te.+

32 Moto mabe atalatalaka moto ya sembo,

Azali koluka koboma ye.

33 Kasi Yehova akosundola ye te na lobɔkɔ ya moto mabe yango,+

Mpe akotánga ye te ete azali na ngambo ntango azali kosambisama.+

34 Tyelá Yehova elikya mpe landá nzela na ye,

Mpe akotombola yo mpo na kozwa mabele.

35 Namoni moto mabe, monyokoli

Azali kokola malamu lokola nzete oyo etondi na nkasa na mabele na yango mpenza.+

36 Kasi mbala moko alimwaki, mpe azalaki lisusu te;+

Nazalaki kaka koluka ye, kasi amonanaki te.+

37 Tyá likebi na yo epai ya moto oyo azangi mbeba,*

Mpe kobá kotala moto ya sembo,+

Mpo bomoi ya moto yango na mikolo ezali koya ekozala na kimya.+

38 Kasi bato nyonso oyo babukaka mibeko bakobebisama;

Bato mabe bakosuka.+

39 Lobiko ya bato ya sembo eutaka epai ya Yehova;+

Azali ndako na bango ya makasi na ntango ya mpasi.+

Akobatela bango na mabɔkɔ ya bato mabe mpe akobikisa bango,

Mpo bakimi epai na ye.+

38 Ee Yehova, kopamela ngai na nkanda na yo te,

Mpe kosembola ngai te na nkanda na yo ya makasi.+

 2 Mpo makula na yo ekɔti mpenza na kati na ngai,

Mpe lobɔkɔ na yo ezali kilo likoló na ngai.+

 4 Mpo mabunga na ngai eleki na motó na ngai;+

Lokola mokumba moko ya kilo, ezali mpenza kilo oyo nakokoka komema te.

 5 Bampota na ngai ekómi kolumba nsolo mpe kobimisa tofina*

Mpo na bozoba na ngai.

 6 Natungisami mpe mawa esilisi ngai makasi;

Mokolo mobimba, natamboli epai na epai na mawa na ngai.

 7 Mɔtɔ ezali kopela na kati na ngai;*

Nzoto na ngai mobimba ezali kobɛla.+

 8 Nasili makasi mpe natutami mpenza;

Mawa ya motema na ngai esali ete namilelalela* na mongongo makasi.*

 9 Ee Yehova, mposa na ngai nyonso ezali liboso na yo,

Mpe kolela ya motema* na ngai ebombami te liboso na yo.

10 Motema na ngai ebɛti makasi, nguya na ngai etiki ngai,

Mpe pole ya miso na ngai elimwe.+

11 Baninga mpe bazalani na ngai baboyi ngai mpo na bampasi na ngai,

Mpe baoyo bafandaka pene na ngai batɛlɛmi mosika.

12 Baoyo balukaka bomoi na ngai batye mitambo;

Baoyo bazali koluka kosala ngai mabe bazali kolobela libebi;+

Mpe mokolo mobimba, bazali kaka koloba na nse nse maloba ya bokosi.

13 Kasi lokola moto oyo akufá matoi, nazali koyoka te;+

Mpe lokola moto oyo alobaka te, nazali kofungola monɔkɔ na ngai te.+

14 Nakómi lokola moto oyo akoki koyoka te,

Mpe oyo monɔkɔ na ye ezali na eloko moko te ya koloba mpo na komilongisa.

15 Mpo nazelaki nde yo, Ee Yehova,+

Mpe oyanolaki ngai, Ee Yehova Nzambe na ngai.+

16 Mpo nalobaki ete: “Básepela te na mpasi na ngai;

To bámitombola te likoló na ngai soki lokolo na ngai esɛlimwi.”

17 Mpo etikalaki moke nakwea,

Mpe nazalaki na mpasi ntango nyonso.+

18 Nayambolaki libunga na ngai;+

Natungisamaki mpo na lisumu na ngai.+

19 Kasi banguna na ngai bazali na makasi* mpe na nguya,*

Baoyo bazali koyina ngai kaka mpamba bakómi ebele.

20 Bazongiselaki ngai mabe mpo na malamu;

Bazalaki koluka kopekisa ngai mpo nakoba te kosala oyo ezali malamu.

22 Yaká noki kosalisa ngai,

Ee Yehova, lobiko na ngai.+

39 Nalobaki ete: “Nakozala ekɛngɛ na etamboli na ngai

Mpo nasala lisumu te na lolemo na ngai.+

Nakotya na monɔkɔ na ngai eloko ya kokanga monɔkɔ+

Ntango nyonso oyo moto mabe akozala pene na ngai.”

 2 Nakómaki moto oyo alobaka te mpe nafandaki nyɛɛ;+

Nafandaki kimya ata mpo na likambo oyo ezali malamu,

Kasi mpasi na ngai ezalaki makasi.

 4 “Ee Yehova, salisá ngai nayeba ndenge nsuka na ngai ekozala,

Mpe motángo ya mikolo na ngai,+

Mpo nayeba ndenge oyo bomoi na ngai ezali mokuse.

 5 Opesi ngai kaka bomoi mokuse;*+

Mpe mikolo ya bomoi na ngai ezali eloko te liboso na yo.+

 9 Nazalaki koloba te;

Nakokaki kofungola monɔkɔ na ngai te,+

Mpo yango eutaki epai na yo.+

11 Osemboli moto na nzela ya etumbu mpo na libunga na ye;+

Olye biloko na ye ya motuya ndenge kaka ndɔngɛ elyaka.

12 Ee Yehova, yoká libondeli na ngai,

Tyá litoi na kolela na ngai mpo na kosɛnga lisalisi.+

Mpo nazali kaka moto oyo afandi mopaya epai na yo,+

Moto ya mobembo oyo azali koleka nzela,* kaka lokola bankɔkɔ na ngai nyonso.+

13 Kotala ngai na nkanda na yo te, mpo nazwa lisusu makasi

Liboso ete nakufa mpe nazala lisusu te.”

40 Natyelaki Yehova elikya makasi,*

Mpe asembolelaki ngai litoi na ye* mpe ayoki kolela na ngai mpo na kosɛnga lisalisi.+

 2 Abimisi ngai na libulu oyo mai na yango ezali kokita mbangumbangu mpenza,*

Na pɔtɔpɔtɔ ya nse.

Mpe atɛlɛmisaki makolo na ngai na libanga;

Apikaki matambe na ngai makasi.

 3 Lisusu, alakisaki ngai loyembo ya sika,+

Lisanzoli mpo na Nzambe na biso.

Mingi bakotala na kokamwa

Mpe bakotyela Yehova motema.

 4 Esengo na mobali oyo atyeli Yehova motema

Mpe oyo atali te batomboki to bakosi.

 5 Osali makambo mingi,

Ee Yehova Nzambe na ngai,

Misala na yo ya kokamwa mpe makanisi na yo epai na biso!+

Moko te akokani na yo;+

Soki nameki koyebisa to kolobela yango,

Ekozala ebele koleka mpo na kolobela yango!+

 6 Ozalaki te na mposa ya* mbeka mpe likabo;+

Kasi ofungolaki matoi na ngai mpo nayoka.+

 8 Ee Nzambe na ngai, nasepeli* kosala mokano na yo,+

Mpe mobeko na yo ezali mpenza na kati na ngai.+

Talá! Nazali kokanga mbɛbu na ngai te,+

Ee Yehova, oyebi yango malamu.

Ebele ya mabunga na ngai efini ngai mpe nazali kokoka komona nzela na ngai te;+

Ezali ebele mpenza koleka nsuki ya motó na ngai,

Mpe nalɛmbi nzoto.

14 Baoyo nyonso bazali koluka koboma ngai

Báyoka nsɔni mpe básambwa.

Baoyo bazali kosepela na mpasi na ngai

Bázonga nsima na nsɔni.

16 Kasi baoyo bazali koluka yo+

Básepela mpe bázala na esengo mpo na yo.+

17 Kasi ngai nazali moto oyo azangi lisalisi mpe mobola;

Yehova atyela ngai likebi.

Yo ozali mosungi na ngai mpe mobikisi na ngai;+

Nzambe na ngai, koumela te.+

41 Esengo na moto oyo azali kotyela moto mpamba likebi;+

Yehova akobikisa ye na mokolo ya likama.

Akotángama moto ya esengo na mabele;+

Okopesa ye ata moke te na mabɔkɔ* ya banguna na ye.+

 3 Yehova akosalisa ye na mbeto na ye ya maladi;+

Ntango nyonso oyo azali kobɛla okobongola mpenza mbeto na ye.

Alukalukaka likambo ya mabe mpo aloba;

Na nsima, akobima mpe akoyebisa yango bato mosusu.

 7 Baoyo nyonso bayinaka ngai bazali kolobana na nse nse;

Bazali kokana kosala ngai eloko moko ya mabe, balobi ete:

 8 “Eloko moko ya nsɔmɔ ekangi ye;

Sikoyo, lokola akwei na nse, akotɛlɛma lisusu te.”+

 9 Ata moto oyo azali na kimya elongo na ngai, oyo natyelaki motema,+

Moto azalaki kolya limpa na ngai, abalukeli ngai.*+

10 Kasi yo, Ee Yehova, moniselá ngai boboto mpe tɛlɛmisá ngai,

Mpo nazongisela bango oyo basalaki ngai.

12 Mpo na ngai, ozali kosalisa ngai mpo na ezaleli na ngai ya kozanga mbeba;+

Okobatela ngai pene na yo mpo na libela.+

13 Yehova Nzambe ya Yisraele asanzolama

Libela na libela.*+

42 Kaka ndenge nyama ebengami bishe ezalaka na mposa makasi ya mai,

Ngai mpe nazali* na mposa na yo makasi, Ee Nzambe.

 3 Mai ya miso na ngai ekómi bilei na ngai butu moi;

Mokolo mobimba bazali kotyola ngai ete: “Nzambe na yo azali wapi?”+

 4 Nakanisi makambo oyo, mpe nasopi molimo na ngai,*

Mpo namesanaki kotambola elongo na ebele ya bato;

Nazalaki kotambola malɛmbɛ liboso na bango mpo na kokende na ndako ya Nzambe,

Na koganga ya esengo mpe ya matɔndi,

Ya ebele ya bato oyo bazali kosala fɛti.+

Nakozela Nzambe,+

Mpo nakosanzola ye lisusu, azali Mobikisi na ngai monene.+

Yango wana nakanisi yo,+

Banda na mokili ya Yordani mpe na bansɔngɛ ya Heremone,

Banda na ngomba Mizare.*

 7 Mai mozindo ezali kobenga mai mozindo

Na lokito ya mai na yo oyo ezali komibwaka.

 8 Na moi Yehova akomonisela ngai bolingo na ye ya sembo,

Mpe na butu loyembo na ye ekozala elongo na ngai—nakosala libondeli epai ya Nzambe ya bomoi na ngai.+

10 Na koyina nyonso* banguna na ngai bazali kotyola ngai;

Mokolo mobimba bazali kotyola ngai ete: “Nzambe na yo azali wapi?”+

Nakozela Nzambe,+

Mpo nakosanzola ye lisusu; azali Mobikisi na ngai monene mpe Nzambe na ngai.+

43 Ee Nzambe, sambisá ngai,+

Sambá likambo na ngai+ ná ekólo oyo ezali sembo te.

Ekamba ngai;+

Emema ngai na ngomba na yo mosantu mpe na tabernakle na yo monene.+

 4 Bongo nakoya na etumbelo ya Nzambe,+

Epai ya Nzambe, oyo azali esengo na ngai mpenza.

Nakozela Nzambe,+

Mpo nakosanzola ye lisusu; azali Mobikisi na ngai monene mpe Nzambe na ngai.+

44 Ee Nzambe, toyoki na matoi na biso moko,

Bankɔkɔ na biso bayebisi biso+

Makambo oyo osalaki na mikolo na bango,

Na mikolo ya kala.

 2 Na lobɔkɔ na yo obenganaki bikólo,+

Mpe otyaki bankɔkɔ na biso kuna.+

 3 Ezalaki te na mopanga na bango moko nde bazwaki mokili yango,+

Mpe lobɔkɔ na bango moko te nde elongisaki bango.+

Kasi, ezalaki lobɔkɔ na yo ya mobali,+ makasi na yo mpe pole ya elongi na yo,

Mpo osepelaki na bango.+

 4 Ee Nzambe, ozali Mokonzi na ngai;+

Pesá mitindo mpo na bolongi monene* ya Yakobo.

 5 Na nguya na yo tokotindika banguna na biso;+

Na nkombo na yo tokonyata baoyo bazali kotɛmɛla biso.+

 6 Mpo natyelaka te litimbo na ngai motema

Mpe mopanga na ngai ekoki te kobikisa ngai.+

 7 Yo nde obikisaki biso na mabɔkɔ ya banguna na biso,+

Yo nde oyokisaki baoyo bayinaka biso nsɔni.

 8 Tokopesa Nzambe masanzoli mokolo mobimba,

Mpe tokokumisa nkombo na yo mpo na libela. (Sela)

 9 Kasi sikoyo obwaki biso mpe osambwisi biso,

Mpe ozali kokamba mampinga na biso te.

10 Ozali kaka kozongisa biso nsima liboso ya monguna na biso;+

Baoyo bayinaka biso bazali kozwa nyonso oyo balingi.

11 Okabi biso mpo bálya biso lokola bampate;

Opalanganisi biso na kati ya bikólo.+

12 Otɛki bato na yo mpo na eloko ya mpamba;+

Mpe kotɛka yango* epesi yo litomba moko te.

13 Okómisi biso eloko ya nsɔni na miso ya bato oyo bafandi penepene na biso,

Eloko ya kotyola mpe ya kosɛka na miso ya baoyo nyonso bazali zingazinga na biso.

14 Okómisi biso eloko ya kotyola* na kati ya bikólo,+

Eloko oyo bato ya bikólo bakoningisela yango motó.

15 Mokolo mobimba nazali komiyoka ete nasambwe

Mpe nsɔni ezipi ngai,

16 Mpo na makɛlɛlɛ ya kotyola mpe kofinga na bango,

Mpo na monguna na biso oyo azali kozongisa mabe.

17 Nyonso wana ekómeli biso, nzokande tobosani yo te,

Mpe tobebisi te kondimana na yo.+

18 Motema na biso etiki nzela na yo te,

Matambe na biso elongwaki na nzela na yo te.

19 Kasi otuti biso na esika oyo bambwa ya zamba* efandaka,

Ozipi biso na molili makasi.

20 Soki tobosani nkombo ya Nzambe na biso,

To soki totandaki mabɔkɔ na biso mpo na kobondela nzambe mopaya,

21 Nzambe akoyeba yango te?

22 Lokola tosalelaka yo, bazali koboma biso mokolo mobimba;

Totalelami lokola bampate ya koboma.+

25 Mpo babwaki biso* na putulu;

Nzoto na biso ekangami na mabele.+

 3 Ee moto ya nguya,+ kangá mopanga na yo+ na mopanzi na yo,

Na lokumu na yo mpe nkembo na yo.+

 4 Mpe na nkembo na yo kende kolonga;+

Matá na mpunda mpo na kobundela solo, komikitisa ná bosembo,+

Mpe lobɔkɔ na yo ya mobali ekosala* makambo ya nsɔmɔ.

 5 Makula na yo epeli makasi, ezali kokweisa bato ya bikólo liboso na yo;+

Ezali kotɔbɔla mitema ya banguna ya mokonzi.+

 6 Nzambe azali kiti na yo ya bokonzi libela na libela;+

Lingenda ya bokonzi na yo ezali lingenda ya bosembo.+

 8 Bilamba na yo nyonso ezali na malasi ya mire, nzete ya aloe ná kasia;

Uta na ndako monene ya kitoko, ya mpɛmbɛ ya nzoku, bibɛtɛlo oyo ya bansinga ezali kosepelisa yo.

10 Mwana na ngai ya mwasi, yoká mpe tyá likebi na maloba na ngai.

Bosaná bato na yo mpe ndako ya tata na yo.

11 Mpe mokonzi akozala na mposa makasi ya kitoko na yo,

Mpo azali nkolo na yo,

Na yango, gumbamelá ye.

12 Mwana mwasi ya Tire akoya na likabo;

Bato ya bozwi bakoluka ondima bango.*

13 Mwana mwasi ya mokonzi azali na nkembo mingi na kati ya ndako;*

Bilamba na ye etyami biloko* ya wolo.

15 Bakoya na bango na nsai mpe na esengo;

Bakokɔta na ndako monene ya mokonzi.

46 Nzambe azali ekimelo mpe makasi na biso,+

Lisalisi oyo ezwamaka noki na ntango ya mpasi.+

 2 Yango wana tokobanga te, ata soki mabele ezali kobongwana

Ata soki bangomba ezali kokwea tii na mozindo mpenza ya mbu,+

 3 Ata soki mai na yango ekómi yikiyiki mpe ezali kotomboka,+

Ata soki bangomba ezali kolɛnga mpo na yikiyiki na yango.* (Sela)

 4 Ezali na ebale moko oyo mikɛli na yango esepelisaka engumba ya Nzambe,+

Tabernakle monene mpe ya bosantu, ya Oyo-Aleki-Likoló.

 6 Bikólo ekómaki yikiyiki, makonzi ekweisamaki;

Atombolaki mongongo na ye mpe mabele enyangwaki.+

 7 Yehova ya mampinga azali elongo na biso;+

Nzambe ya Yakobo azali esika makasi na biso ya kobombana.* (Sela)

 8 Bóya mpe bótala misala ya Yehova,

Ndenge asali makambo ya kokamwisa na mabele.

Azali kobukabuka litimbo mpe kokatakata likɔnga;

Azali kotumba makalo ya etumba* na mɔtɔ.

Nakokumisama na kati ya bikólo;+

Nakokumisama na mabele.”+

11 Yehova ya mampinga azali elongo na biso;+

Nzambe ya Yakobo azali esika makasi na biso ya kobombana.+ (Sela)

 2 Mpo Yehova, Oyo-Aleki-Likoló, azali nsɔmɔ;+

Azali Mokonzi monene na mabele mobimba.+

 3 Atye bato ya bikólo na nse na biso;

Atye bikólo na nse ya makolo na biso.+

 4 Aponeli biso libula,+

Lolendo ya Yakobo, moto oyo ye alingi.+ (Sela)

 5 Nzambe amati na koganga ya esengo;

Yehova amati na lokito ya liseke.*

 7 Mpo Nzambe azali Mokonzi ya mabele mobimba;+

Bóyemba mpo na kosanzola mpe bómonisa bososoli.

 9 Bakambi ya bato ya bikólo bayangani

Ná bato ya Nzambe ya Abrahama.

48 Yehova azali monene mpe abongi kosanzolama

Na engumba ya Nzambe na biso, na ngomba na ye mosantu.

 2 Ngomba Siona ezali mosika mpenza kuna na nɔrdi,

Ezali kitoko mpe etombwaná, mpe ezali esengo ya mabele mobimba,+

Engumba ya Mokonzi Monene.+

 3 Na bandako milai na yango ya makasi,

Nzambe amonisi ete azali esika makasi ya kobombana.*+

 4 Mpo talá! bakonzi bayangani;*

Bazali kokende liboso elongo.

 6 Kuna, kolɛnga ekangaki bango,

Mpasi lokola ya mwasi oyo azali kobota.

 8 Makambo oyo toyokaki, yango nde biso moko tomoni

Na engumba ya Yehova ya mampinga, na engumba ya Nzambe na biso.

 9 Ee Nzambe, tokanisaka na mozindo bolingo na yo ya sembo,+

Na kati ya tempelo na yo.

10 Ee Nzambe, lokola nkombo na yo, lisanzoli na yo

Ekómi tii na bansuka ya mabele.+

11 Ngomba Siona+ esepela,

Bingumba ya Yuda ezala* na esengo mpo na bikateli na yo ya lisambisi.+

12 Bótambola zingazinga ya Siona; bótambola zingazinga na yango;

Bótánga bandako na yango ya milai.+

Bótala malamumalamu bandako milai na yango ya makasi,

Mpo bóyebisa yango na mabota oyo ekoya nsima.

Bótya likebi, bino nyonso baoyo bofandi na mokili,*

 2 Bino nyonso: moto mpamba ná moto ya lokumu,*

Mozwi ná mobola.

 3 Monɔkɔ na ngai ekobimisa maloba ya bwanya,

Mpe komanyola ya motema na ngai+ ekomonisa mayele.

 4 Nakotya likebi na liloba ya lisese;

Nakolimbola sambole na ngai na nzɛnzɛ.

 5 Mpo na nini nabanga na ntango ya mpasi,+

Ntango nazingami na mabe* ya baoyo bazali koluka kokweisa ngai?

 6 Baoyo bazali kotya motema na bomɛngo na bango+

Mpe baoyo bazali komikumisa mpo na ebele ya bozwi na bango,+

 7 Moko na bango akoki ata moke te kosikola ndeko na ye,

To kopesa Nzambe lisiko mpo na ye,+

 8 (Ntalo ya lisiko ya bomoi na bango ezali motuya moko monene mpenza

Yango wana bakokoka ata moke te kofuta yango);

 9 Mpo azala na bomoi libela na libela mpe amona libulu* te.+

10 Moto nyonso amonaka ete ata bato ya bwanya bakufaka;

Zoba ná moto oyo azangi bososoli bango nyonso bakufaka,+

Mpe basengeli kotikela bato mosusu bomɛngo na bango.+

11 Mposa ya motema na bango ezali ete bandako na bango eumela mpo na libela,

Bahema na bango eumela libota na libota.

12 Kasi moto, ata azali na lokumu, akotikala na bomoi te;+

Aleki te banyama oyo ekufaka.+

13 Yango nde nzela ya bazoba,+

Mpe ya baoyo bazali kolanda bango, baoyo bazali kosepela na maloba na bango ya mpambampamba. (Sela)

Liwa ekokamba bango;

Bato ya sembo bakozala na bokonzi likoló na bango+ na ntɔngɔ.

Bakosila mpenza kosila;+

Na esika ya ndako ya lokumu, Nkunda*+ nde ekozala ndako na bango.+

15 Kasi Nzambe akosikola ngai na nguya* oyo Nkunda*+ ezali na yango

Mpo akosimba ngai. (Sela)

16 Kobanga te mpo moto akómi na bozwi,

Mpo nkembo ya ndako na ye ezali komata,

17 Mpo ntango akokufa, akomema eloko ata moko te;+

Nkembo na ye ekokita elongo na ye te.+

20 Moto oyo azali kokanga ntina na yango te, ata azali na lokumu,+

Aleki te banyama oyo ekufaka.

50 Nzambe ya banzambe, Yehova,*+ alobi;

Abengisi bafandi nyonso ya mabele

Banda epai moi ebimaka tii epai yango elalaka.*

Mɔtɔ oyo ezikisaka ezali liboso na ye,+

Mpe mopɛpɛ moko makasi ezali kobɛta zingazinga na ye.+

 4 Azali kobengisa likoló mpe mabele,+

Mpo na kosambisa bato na ye:+

 5 “Bóyanganisa epai na ngai bato na ngai ya sembo,

Baoyo bazali kosala kondimana na ngai na nzela ya mbeka.”+

 6 Likoló ezali koyebisa bosembo na ye,

Mpo Nzambe ye moko azali Mosambisi.+ (Sela)

 7 “Yoká, Ee ekólo na ngai, mpe nakoloba;

Yisraele, nakolakisa mabe na yo.+

 8 Nazali kopamela yo te mpo na bambeka na yo,

Ezali mpe te mpo na makabo na yo ya kotumba mobimba oyo ezali liboso na ngai ntango nyonso.+

 9 Nazali na mposa te ya kozwa ngɔmbɛ-mobali na ndako na yo,

To bantaba* na mapango na yo.+

10 Mpo nyama nyonso oyo ezali na zamba ezali ya ngai,+

Ata banyama likoló ya bangomba nkóto.

11 Nayebi ndɛkɛ nyonso ya bangomba;+

Ebele ya banyama ya esobe ezali ya ngai.

12 Soki nazalaki na nzala, nalingaki koyebisa yo yango te,

Mpo mabele oyo ebotaka mpe biloko na yango nyonso ezali ya ngai.+

13 Nakolya nde mosuni ya bangɔmbɛ-mibali

Mpe nakomɛla nde makila ya bantaba?+

14 Pesá Nzambe matɔndi, yango nde mbeka na yo,+

Mpe kokisá bilako na yo epai ya Oyo-Aleki-Likoló;+

15 Bengá ngai na ntango ya mpasi.+

“Lotomo nini ozali na yango mpo otánga malako na ngai,+

To olobela kondimana na ngai?+

17 Mpo yo oyinaka disiplini,*

Mpe ozali kaka kopesa maloba na ngai mokɔngɔ.*+

18 Ntango omoni moyibi, ondimi ye,*+

Mpe ozali kaka kosala boninga na bato ya ekobo.

19 Ozali kosalela monɔkɔ na yo mpo na kopalanganisa mabe,

Mpe ozali kokangisa lolemo na yo na bokosi.+

20 Ozali kofanda mpe koloba mabe mpo na ndeko na yo;+

Ozali kobimisa mabunga ya* mwana mobali ya mama na yo.

21 Ntango osalaki makambo wana, nafandaki nyɛɛ.

Okanisaki ete nakozala lokola yo.

Kasi sikoyo nakopamela yo,

Mpe nakobimisa makambo oyo nazali na yango mpo na yo.+

22 Nabondeli bino, bókanisa likambo oyo, bino baoyo bobosani Nzambe,+

Noki te napasola bino bitenibiteni mpe moto oyo akobikisa bino azala te.

23 Moto oyo azali kopesa matɔndi mpo ezala mbeka na ye, azali kopesa ngai nkembo,+

Mpe moto oyo azali kokoba kosala oyo ezali malamu,

Nakomonisa ye lobiko ya Nzambe.”+

 2 Sukolá ngai mobimba na libunga na ngai,+

Mpe pɛtolá ngai na lisumu na ngai.+

 3 Mpo nayebi malamu misala na ngai ya kobuka mibeko,

Mpe lisumu na ngai ezali ntango nyonso liboso na ngai.*+

 4 Libosoliboso, nasaleli yo nde lisumu;+

Nasali oyo ezali mabe na miso na yo.+

Mpo ozali sembo ntango ozali koloba,

Mpe osambisaka na bosembo.+

 5 Talá! Nabotamá na ngambo ya libunga,

Mpe nazali moto ya masumu banda ntango mama azwaki zemi na ngai.+

 6 Yo osepelaka na solo oyo ezali na kati ya motema;+

Teyá motema na ngai bwanya ya solosolo.

 7 Pɛtolá ngai na izope mpo nalongwa na lisumu, mpo nazala pɛto;+

Sukolá ngai mpo nakóma mpɛmbɛ koleka nɛjɛ.+

 8 Salá ete nayoka makɛlɛlɛ ya nsai mpe ya esengo,

Mpo nasepela atako obukibuki mikuwa na ngai.+

 9 Balusá* elongi na yo mpo etala masumu na ngai te,+

Mpe bomá mabunga na ngai nyonso.+

10 Ee Nzambe, pesá ngai motema ya pɛto,+

Mpe tyá kati na ngai elimo ya sika,+ oyo ezali ngwi.

11 Kobengana ngai te mosika ya elongi na yo;

Mpe kolongola ngai elimo santu na yo te.

12 Zongiselá ngai esengo oyo nayokaki ntango obikisaki ngai;+

Lamusá na kati na ngai mposa ya kotosa yo.*

13 Nakoteya bato oyo babukaka mibeko banzela na yo,+

Mpo basumuki bázonga epai na yo.

14 Ee Nzambe, bikisá ngai na ngambo ya makila,+ Nzambe ya lobiko na ngai,+

Mpo lolemo na ngai eyebisa bosembo na yo na esengo.+

15 Ee Yehova, fungolá mbɛbu na ngai,

Mpo monɔkɔ na ngai eyebisa lisanzoli na yo.+

16 Mpo yo olingaka mbeka te—soki olingaka mbeka mbɛlɛ napesi yango;+

Osepelaka te na likabo mobimba ya kotumba.+

17 Bambeka oyo esepelisaka Nzambe ezali elimo oyo ebukani;

Ee Nzambe, motema oyo ebukani mpe etutami, okoboya yango te.*+

18 Salá oyo ezali malamu mpo na Siona;

Tongá bifelo ya Yerusaleme.

19 Bongo okosepela na bambeka ya bosembo,*

Bambeka ya kotumba mpe makabo mobimba;

Bongo bangɔmbɛ-mibali ekopesama na etumbelo na yo.+

 2 Lolemo na yo, oyo epeli lokola razware,+

Ezali kokana kosala mabe mpe ezali kosala na bokosi.+

 3 Olingi mabe koleka malamu,

Lokuta koleka koloba oyo ezali sembo. (Sela)

 4 Olingi liloba nyonso oyo esalaka mabe,

Yo lolemo oyo elobaka makambo ya bokosi!

 5 Yango wana Nzambe akobebisa yo mbala moko mpo na libela;+

Akotombola yo nokinoki mpe akolongola yo na hema na yo,+

Akopikola yo na mokili ya bato ya bomoi.+ (Sela)

 6 Bato ya sembo bakomona yango mpe bakotonda na nsɔmɔ,+

Mpe bakosɛka ye:+

 7 “Talá mobali oyo azalaki te kotya Nzambe azala esika na ye ya kokima,*+

Kasi atyaki motema nde na ebele ya bomɛngo na ye+

Mpe atyaki motema* na makambo ya mabe oyo azalaki kokana kosala.”*

 8 Kasi nakozala lokola nzete ya olive oyo etondi na nkasa na kati ya ndako ya Nzambe;

Natye motema na bolingo ya sembo ya Nzambe+ libela na libela.

 9 Nakosanzola yo libela na libela mpo na oyo osali;+

Liboso ya bato na yo ya sembo,

Nakotya elikya na nkombo na yo,+ mpo yango ezali malamu.

Misala na bango ya kozanga bosembo* ezali mabe mpe eyinami;

Ata moko te azali kosala malamu.+

 2 Kasi uta na likoló, Nzambe azali kotala bana ya bato+

Mpo na komona soki ezali na moto oyo azali na mayele ya kososola, soki ezali na moto oyo azali koluka Yehova.+

 3 Bango nyonso batiki nzela ya malamu;

Bango nyonso mpe babebi.

Ata moto moko te azali kosala malamu,

Ata moto moko te.+

 5 Kasi nsɔmɔ moko monene ekokanga bango,

Nsɔmɔ moko oyo bayoká naino te,*

Mpo Nzambe akopalanganisa mikuwa ya baoyo bazali kobunda na yo.*

Ntango Yehova akozongisa bato na ye oyo bazali bakangami,

Tiká Yakobo azala na esengo, tiká Yisraele asepela.

54 Ee Nzambe, bikisá ngai na nkombo na yo,+

Mpe na nguya na yo sambá likambo na ngai.+

 2 Ee Nzambe, yoká libondeli na ngai;+

Tyá likebi na maloba ya monɔkɔ na ngai.

 3 Mpo bapaya bazali kotɛmɛla ngai,

Mpe banyokoli bazali koluka bomoi* na ngai.+

 4 Talá! Nzambe azali mosungi na ngai;+

Yehova azali elongo na baoyo basungaka ngai.

 5 Akozongisela banguna na ngai+ mabe na bango;

Na bosembo na yo, bomá bango.*+

 7 Mpo abikisaka ngai na mpasi nyonso,+

Nakomona kokwea ya banguna na ngai.+

55 Ee Nzambe, yoká libondeli na ngai,+

Mpe kosala te lokola oyoki te ntango nazali kosɛnga yo oyokela ngai mawa.*+

Motungisi na ngai ezali kosala ete nazanga kimya,+

Mpe nabulungani mpenza

 3 Mpo na maloba ya monguna

Mpe ndenge moto mabe azali konyokola ngai.

Mpo bazali kobimisela ngai mpasi mingi mpenza,

Bazali koyokela ngai nkanda makasi mpe bazali mpenza koyina ngai.+

 4 Motema na ngai ezali na mpasi makasi na kati na ngai,+

Mpe nsɔmɔ ya liwa ezingi ngai.+

 5 Kobanga mpe kolɛnga ekweli ngai,

Mpe kolɛngalɛnga ezwi ngai.

 8 Mbɛlɛ nakendaki mbangu na esika na ngai ya libateli

Mosika na mopɛpɛ oyo ezali kopɛpa makasi, mosika na mopɛpɛ makasi.”

 9 Ee Yehova, bulunganisá bango mpe salá ete makambo oyo bakani kosala elonga te,*+

Mpo namoni mobulu mpe kowelana na kati ya engumba.

10 Ezali kobaluka zingazinga likoló ya bifelo na yango butu moi;

Makambo ya mabe mpe mpasi ezali na kati na yango.+

11 Libebi ezali na kati na yango;

Monyoko ná bokosi elongwe ata moke te na esika na yango monene ya bato nyonso.+

12 Mpo monguna te nde atumoli ngai;+

Soki bongo mbɛlɛ nakangelaki yango motema.

Ezali te monguna nde atɛmɛli ngai;

Soki bongo mbɛlɛ namibombaki liboso na ye.

13 Kasi ezali yo, moto lokola ngai,*+

Moninga na ngai oyo nayebi malamu.+

14 Tozalaki kosepela elongo mpo na boninga na biso ya makasi;

Na kati ya ndako ya Nzambe tozalaki kotambola elongo na ebele ya bato.

Bákita na Nkunda* wana bazali naino na bomoi;

Mpo mabe ezali na bisika na bango ya kofanda mpe na mitema na bango.

16 Kasi ngai nakobelela Nzambe,

Mpe Yehova akobikisa ngai.+

17 Na mpokwa, na ntɔngɔ mpe na midi, nazali kaka komitungisa mpe komilelalela,*+

Mpe ayokaka mongongo na ngai.+

18 Akobikisa ngai mpenza* na baoyo bazali kobundisa ngai mpe akopesa ngai kimya,

Mpo bato ebele bayei kobundisa ngai.+

19 Nzambe akoyoka mpe akoyanola bango,+

Ye oyo azali kofanda na kiti na ye ya bokonzi kobanda ntango ya kala.+ (Sela)

Baoyo babangaka Nzambe te

Bakoboya kobongwana.+

20 Abundisi* baoyo bazali na kimya elongo na ye;+

Abebisi kondimana na ye.+

21 Maloba na ye ezali kitoko koleka manteka,+

Kasi kowelana ezali na motema na ye.

Maloba na ye ezali pɛtɛɛ koleka mafuta,

Kasi ezali mipanga oyo ebimisami na mabenga na yango.+

22 Bwakelá Yehova mokumba na yo ya kilo,+

Mpe akosunga yo.+

 2 Banguna na ngai bazali koluka koswa ngai mokolo mobimba;

Mingi bazali kobundisa ngai na lofundo nyonso.

 4 Natyeli Nzambe motema, nasanzolaka ye mpo na maloba na ye.

Natyeli Nzambe motema; nakobanga te.

 5 Mokolo mobimba bazali kobimisela ngai mpasi;

Bakanisaka kaka ndenge ya kosala ngai mabe.+

 6 Bazali kobunda mpe bazali komibomba;

Bazali kolandela likambo nyonso oyo nazali kosala,+

Bazali kokanisa koboma ngai.+

10 Natyelaka Nzambe motema, nasanzolaka ye mpo na maloba na ye.

Natyelaka Yehova motema, nasanzolaka ye mpo na maloba na ye.

11 Natyeli Nzambe motema; Nakobanga te.+

12 Nzambe na ngai, nasengeli kokokisa makambo oyo napesaki yo elaka.+

Nakopesa yo makabo ya botɔndi.+

13 Mpo obikisi ngai na liwa+

Mpe osali ete makolo na ngai ebɛta libaku te,+

Mpo natambola liboso ya Nzambe na pole ya bato ya bomoi.+

57 Ee Nzambe, moniselá ngai boboto, moniselá ngai boboto,

Mpo nakimi* epai na yo,+

Mpe nakimi na elili ya mapapu na yo tii mitungisi ekoleka.+

 2 Nazali kobelela Nzambe Oyo-Aleki-Likoló,

Nzambe ya solo, oyo azali kosilisa mitungisi na ngai.

 4 Bankɔsi bazingi ngai;+

Nasengeli kolala na kati ya bato oyo balingi kolya ngai,

Baoyo mino na bango ezali makɔnga mpe makula

Mpe baoyo lolemo na bango ezali mopanga oyo epeli.+

 5 Ee Nzambe, okumisama kuna na likoló;

Nkembo na yo ezala likoló ya mabele mobimba.+

 6 Babongisi monyama mpo na kotyela makolo na ngai motambo;+

Nagumbami mpo na mitungisi.+

Batimoli libulu liboso na ngai,

Kasi bango moko nde bakwei na kati.+ (Sela)

 7 Ee Nzambe, motema na ngai ezali kotengatenga te,+

Motema na ngai ezali kotengatenga te.

 9 Ee Yehova, nakosanzola yo na kati ya bato ya bikólo;+

Nakoyemba mpo na kosanzola* yo na kati ya bikólo.+

10 Mpo bolingo na yo ya sembo ezali monene, ekei tii na likoló,+

Mpe bosembo na yo ekei tii na mapata.

11 Ee Nzambe, okumisama kuna na likoló;

Nkembo na yo ezala likoló ya mabele mobimba.+

 2 Kutu, na motema na bino bozali nde kokanisa kosala makambo ya kozanga bosembo,+

Mpe bozali kosala mobulu na mokili!+

 3 Bato mabe babebá* banda na kobotama;*

Bazali batomboki mpe babuki lokuta banda ntango oyo babotamaki.

 4 Ngɛngɛ na bango ezali lokola ngɛngɛ ya nyoka;+

Bakufá matoi lokola kobra oyo ekangi litoi na yango.

 5 Ekoyokela mongongo ya balengoli te,

Ata soki bayebi kosalela bikelakela ya kolengola nyoka.

 8 Bázala lokola mbɛmbɛ oyo ezali kokufa* wana ezali kotambola;

Lokola mwana oyo abotami ya kokufa oyo akomona moi ata mokolo moko te.

 9 Liboso ete banzungu na bino eyoka nsolo ya mɔtɔ ya mwa nzete ya nzubɛnzubɛ,

Akomema mwa nzete yango ya mobesu mpe oyo ezali kopela, ndenge mopɛpɛ makasi esalaka.+

10 Moto ya sembo akosepela mpo amoni ndenge bazongiseli bato mabe, mabe na bango;+

Makolo na ye ekotambola na kati ya makila ya moto mabe.+

59 Ee Nzambe na ngai, bikisá ngai na mabɔkɔ ya banguna na ngai;+

Batelá ngai na mabɔkɔ ya baoyo bazali kotɛmɛla ngai.+

 2 Bikisá ngai na mabɔkɔ ya baoyo basalaka makambo ya mabe,

Mpe bikisá ngai na mabɔkɔ ya bato ya mobulu.*

 3 Talá! Bazali kozela mpo na kosala ngai* mabe;+

Bato ya makasi bazali kobundisa ngai

Kasi ezali te mpo natomboki to nasali lisumu,+ Ee Yehova.

 6 Bazongaka mpokwa nyonso;+

Bagangaka lokola mbwa+ mpe babalukaka zingazinga ya engumba.+

 7 Talá makambo oyo ezali kobima* na monɔkɔ na bango;

Mbɛbu na bango ezali lokola mipanga,+

Mpo balobi: “Nani azali koyoka?”+

 8 Kasi yo, Ee Yehova, okosɛka bango;+

Okotyola bikólo nyonso.+

 9 Ee makasi na ngai, nakotala kaka epai na yo;+

Mpo Nzambe azali esika makasi na ngai ya kobombana.*+

10 Nzambe oyo amoniselaka ngai bolingo ya sembo akoya kosalisa ngai;+

Nzambe akosala ete namona kokwea ya banguna na ngai.+

Na nguya na yo salá ete báyengayenga;

Salá ete bákwea, Ee Yehova, nguba na biso.+

12 Mpo na lisumu ya monɔkɔ na bango, liloba ya mbɛbu na bango,

Bákangama na motambo na lolendo na bango,+

Mpo na elakeli mabe mpe bokosi oyo bazali koloba.

13 Silisá bango na nkanda na yo;+

Silisá bango, mpo bázala lisusu te;

Monisá bango ete Nzambe azali koyangela na Yakobo mpe tii na bansuka ya mabele.+ (Sela)

14 Tiká ete bázonga na mpokwa;

Tiká bango báganga lokola mbwa mpe bábaluka zingazinga ya engumba.+

15 Tiká bango báyengayenga mpo na koluka eloko ya kolya;+

Bátonda te mpe bázwa esika ya kolala te.

16 Kasi ngai nakoyembela makasi na yo,+

Na ntɔngɔ, nakoyebisa na esengo mpenza makambo etali bolingo na yo ya sembo.

Mpo ozali esika makasi na ngai ya kobombana+

Mpe esika oyo nakoki kokima na ntango ya mpasi na ngai.+

17 Ee makasi na ngai, nakoyemba mpo na kosanzola yo,*+

Mpo Nzambe azali esika makasi na ngai ya kobombana, Nzambe oyo amoniselaka ngai bolingo ya sembo.+

 4 Pesá* baoyo bazali kobanga yo elembo

Mpo bákima mpe makula ezwa bango te. (Sela)

 5 Mpo bato oyo olingaka bábikisama,

Bikisá biso na lobɔkɔ na yo ya mobali mpe yanolá biso.+

“Nakosepela makasi, nakopesa Shekeme ezala libula,+

Mpe nakomeka bonene ya Lobwaku* ya Sukote.+

 7 Gileade ezali ya ngai, Manase mpe ezali ya ngai,+

Mpe Efraime ezali ekɔti* mpo na motó na ngai;

Yuda ezali lingenda na ngai ya komanda.+

10 Ee Nzambe, ezali yo te nde moto obwaki biso?

Ezali yo te nde okendaka lisusu te elongo na mampinga na biso, Ee Nzambe na biso?+

11 Salisá biso na mpasi na biso,

Mpo lobiko oyo euti na bato ezali mpamba.+

12 Tokozwa nguya epai ya Nzambe,+

Mpe akonyata banguna na biso.+

 2 Uta na bansuka ya mabele nakobelela epai na yo

Ntango nazangi elikya.*+

 3 Mpo ozali esika na ngai ya kokima,

Ndako molai ya makasi oyo ebatelaka ngai liboso ya monguna.+

 4 Nakoyambama na hema na yo mpo na libela;+

Nakozwa esika ya kokima na nse ya mapapu na yo.+ (Sela)

 6 Okokómisa bomoi ya mokonzi molai,*+

Mpe bambula na ye ekozala mpo na libota na libota.

 7 Akofanda na kiti ya bokonzi* mpo na libela liboso ya Nzambe;+

Bolingo* mpe bosembo na yo ebatela ye.+

 8 Bongo nakoyemba mpo na kosanzola* nkombo na yo mpo na libela+

Wana nazali kokokisa bilako na ngai mokolo na mokolo.+

 2 Ɛɛ, ye azali libanga na ngai mpe lobiko na ngai, esika makasi na ngai ya kobombana;*+

Nakokwea mpenza te.+

 4 Bazali koyokana mpo na kolongola ye na esika na ye ya lokumu;

Basepelaka na lokuta.

 5 Ɛɛ, nazali kozela* na kimya nyonso Nzambe asala,+

Mpo elikya na ngai eutaka epai na ye.+

 6 Ɛɛ, ye azali libanga na ngai mpe lobiko na ngai, esika makasi na ngai ya kobombana;

Nakokwea ata moke te.+

 9 Bana ya bato bazali lokola mwa mopɛpɛ,

Bana ya bato bazali lokola ndɔtɔ mpamba.+

10 Bótya motema te na kobɔtɔla mpo na kokóma bazwi,

Mpe bótya te elikya ya lokuta na moyibi mpo na kokóma na bomɛngo.

12 Lisusu, bolingo ya sembo ezali ya yo, Ee Yehova,+

Mpo ozongiselaka moto na moto na kolanda misala na ye.+

Nalɛmbi* mpo nazali na mposa na yo makasi

Na mokili oyo ekauká, oyo eloko ebotaka te mpe mai ezali te.+

 2 Yango wana natalaki yo na esika mosantu;

Namonaki makasi na yo mpe nkembo na yo.+

 3 Mpo bolingo na yo ya sembo ezali malamu koleka bomoi,+

Mbɛbu na ngai ekokumisa yo.+

 4 Na yango, nakosanzola yo bomoi na ngai mobimba;

Na nkombo na yo, nakotombola mabɔkɔ na ngai.

 5 Natondi* na eteni oyo eleki malamu mpe kitoko,*

Yango wana monɔkɔ na ngai ekosanzola yo na esengo oyo ezali na mbɛbu na ngai.+

 6 Nakanisaka yo ntango nazali na mbeto na ngai;

Namanyolaka na ntina na yo butu mobimba.+

 7 Mpo ozali mosungi na ngai,+

Mpe nazali koganga na esengo na elili ya mapapu na yo.+

 8 Nakangami* na yo makasi;

Lobɔkɔ na yo ya mobali esimbi ngai makasi.+

 9 Kasi baoyo bazali koluka kobebisa bomoi na ngai*

Bakokita na nse mpenza ya mabele.

10 Bakokaba bango na nguya ya mopanga;

Bakokóma bilei ya bagambala.

Moto nyonso oyo azali kolapa ndai na nkombo ya Nzambe akosepela,*

Mpo monɔkɔ ya baoyo bazali koloba lokuta ekokangisama.

 2 Bombá ngai mosika na masolo ya nkuku ya bato mabe,+

Mosika na ebele ya basali mabe.

 3 Bapelisi lolemo na bango lokola mopanga;

Bazali kobimisa maloba mabe lokola makula,

 4 Mpo bábwakela yango moto oyo azali na likambo te, uta na bisika ya kobombana;

Bazali kobwakela ye yango na mbalakaka, bazali kobanga te.

 5 Bazali kokangama makasi na makanisi na bango ya mabe;*

Bazali kolobela ndenge bakobomba mitambo na bango.

 6 Bazali kolukaluka ndenge ya sika ya kosala mabe;

Na kobombana babongisi malamu mayele na bango;+

Ezali mpenza mpasi koyeba makanisi ya motema ya mokomoko na bango.

 7 Kasi Nzambe akobwakela bango likula;+

Bakozoka mpota na mbalakaka.

 8 Lolemo na bango moko ekokweisa bango;+

Baoyo nyonso bakotala bakoningisa motó.

 9 Bongo bato nyonso bakobanga;

Mpe bakoyebisa likambo oyo Nzambe asali,

Mpe bakososola misala na ye.+

10 Moto ya sembo* akosepela na Yehova mpe akokima epai na ye;+

Bato nyonso ya motema sembo bakosepela makasi.*

65 Ee Nzambe, okosanzolama na ngomba Siona;+

Tokokokisa bilako na biso epai na yo.+

 3 Mabunga na ngai esilisi ngai makasi.+