N’nga nyo mutokozeela ira mulimbanena wakala ndale unokala nyo?

Vanokwivela i-yo komoni wailambo, ndale, upanga na kondo vinairenga wenjedheleyangave. (Apok 6:4) N’nga ninavikozeeli-edhe a-vi nyarwadhedhi?

• Mukozeele mwauzimu: Musakesakenga makundo na myasa ya Bibilya vinaukami-eni ira mumnyindelenga Yohova na gululee thitho ira mwa-avolowelenga vya ndale. (Sang 12:5; jr-CN thakuru 125-126 ndima 23-24) Yen’na chihora yoi nikale vauxamwali olimba naabali vambo-i naarongola apingoni.—1Pe 4:7, 8

• Mukozeele mwaututu: Mukaengana limburo loi munooda kala mobareleya no kaana vyongo vyofuneya vyokwakwanela thitho muvaelengatu ndikozeeli-edha moda unofuna nyo kuma vandhe vinyu. Muonenga vyongo vilokotidhenyo pastani munolokotecha nyo vyongo vyoi mudhaode tukula vaireya ngovi mo-odedi-edha mombaranya, thangani-avo kobiri na vyongo vinango vyouvunelani marenda vyo-iyana-iyana ninga maluva na maskara. Muidhiwenga moda unofunanyo ongi-angana naandimuwa avapingoni noonechecha ira aliwa atokaana numerwinyu yatelefoni.—Esaya 32:2; g17.5-CN thakuru 3-7

Hora inowaniwa ndale, mudhowenave iranga vyongo moda unoirecha nyo vomlambela Yohova ninga lobela, funjedha vamweka no fwanyeya vamigumanoni. (Afil 1:10) Kamunofwanela wendawendanga mo-ofwanelela va-alive yofuna ira. (Mat 10:16) Muva-engamo atu enango yodya na vyongo vinango vinanyo.—Aroma 12:13.

MUONELE VIDIYO YOI ZIMENE TINGACHITE POKONZEKERA MASOKA ACHILENGEDWE. MWAMALA MUWAKULE VYOFUKA VYO-ARELAVI:

• N’nga Yohova unanikami-e a-vi vaireya ngovi mo-odedi-edhela?

• N’nga ninakozeele a-vi?

• N’nga ninaakami-e a-vi atu aguman’nena ngovi?