Vyofuka vyokumela waalimbo leri

N’nga basa lolaleela milanyu yapama linodha mala e-lini?

Yesu aongile ira: “Milanyu yapama ya Umwenula inodha laleiwa va ilambo yothene yavathi weo uli atu, ira ikale umboni waatu amaziza othene, amala khomoni unodha fiya.” (Mat. 24:14) Madhu Aigiriki athapuleliwe ira “khomoni” va versu leli thitho mu versu 6 na 13 anoonga vya teʹlos. Khomoni weo ndi khomoni wailambo ya Satanila va khondo ya Armagedo. (Apk. 16:14, 16) Ee-no ninodha dhowanave laleela milanyu yapama ya Umwene fiyedha khondo ya Armagedo inga-adhi vang’ono fiya. Vyevi vinochinja moda mwaongela i-yo voroma.

Wale naidhi ira ninodha i-yachi laleela milanyu yapama nyarwa ilukulu yadharoma, nonongiwa wa Babulo Nlukulu. (Apk. 17:3, 5, 15, 16) Nanoororomela ira maromelo anyarwa ilukulu anodha kala magomelo a “yawa yopipirisa yoriyela atu rima.” (Esa. 61:2) Nanororomela thitho ira atu tanofuna dhavulumuwa vanyarwa ilukulu tanodha kala atu enao athonyi-edhe iroromelo wa Yohova nyarwa ilukulu ya-anarome. Nathuulela thitho ira vulumuwa weu unodha kala ninga wa Ayuda enao tavulumuwile vahora yanongiwa Yerusalemu mu 607 K.A. (Kristu A-anabaliwe). Ayuda enala tanom’lambela Yohova thitho idanana vyothakala, ngumwasee tatoova-iwa izindiyelo ira tadhavulumuwe Yerusalemu adhanongiwanga. (Zak. 5:11; 9:4) Mbwenye fwanafwani-edhela weu kunovwelana na madhu a Yesu ofwanyeya va Mateu 24:14, enao anothonyi-edha ira atu tanodha kaana ngari yorumela milanyu yapama unga-adhi vang’ono ira khondo ya Armagedo irome.

Mavwelo enango anofwanyeya va Mateu 24:14 thitho tatochinja moda mwavwela i-yo lemba la Apokalipse 16:21. Lelo linoonga vya milanyu inokala ninga matalala. Nasakasaka modi-a ninoona ira malemba melala mbovwelana. Ninoonga ee-no namwasa wa vyongo vinoira atu tavwa milanyu ya Umwene. Rumiwi Paulo atoolemba ira “waatu ali vandhila yodhowa mavulumuwa,” milanyuyo inokala yapama, ninga “kwema la ingumi yosangalali-a.” Mbwenye waamwidani a Nlungu milanyuyo inodha kala ninga “kwema la wukwa.” (2 Ak. 2:15, 16) Amwidani a Nlungu tanoidanana milanyu ya Umwene namwasa oi milanyuyo inoonga ira ilambo inodhiveliwana aliwa yothakalila, thitho yotongiwa na Satanila chineneeva inodha nongiwa.—Ju. 7:7; 1 Ju. 2:17; 5:19.

Onani ira matalala aongiwile va lemba la Apokalipse 16:21, tanodhakala ‘malukulu modabwi-a.’ Vyevyo vinothonyi-edha ira milanyu inofuna dhalaleeiwa va nyarwa ilukulu, inodha kala yopha maningi wa amwidani a Nlungu, thapulela ira dhina la Yohova linodha idhiweya kwaranya wale lothene. (Zak. 39:7) N’nga vahora yakomoni ninga yen’na, vasogolo voi Babulo Nlukulu utonongiwa, vanodha kala thitho atu enao tanofuna dhavuruwana milanyu yapama noiyonanga ninga kwema yonukela pama? Ee pyoodeya. Aliwa tanodha thuulelanga venango funjedha vyaonga Amboni dha Yohova vyalaleela aliwa vyawa vinjinji ndulimu vyoi mareligiau onama anodha nongiwa.

Vyevi vinofwanfwana na vyevyo vyaireile wu Iguputu vasogolo va misau 10. Yohova ‘angavelele ilango wa milungu yothene ya Aiguputu,’ “atu anjinji” oi katali Aisraeli tatookala wu ikundu ya Nlungu thitho tatoodhowa vambo-i na aisraeli. (Eki. 12:12, 37, 38) Atwao tatookala wu ikundu ya Yohova tangaoni vyongo vyothene vyaongile Mose vyokuza Misau 10 vingakwakwaneli-edhiwe.

Mutu uliwethene unofuna dhakala wu ikundu ya Yohova vasogolo vonongiwa wa Babulo Nlukulu unodha kaana ngari yokami-a abalee a Kristu enao tanofuna dakalanga vailambo yavathila. (Mat. 25:34-36, 40) Mbwenye ngari yoi tadhatongiwe ninga mabila inodhamala Armagedo unga-adhi vang’ono ira arome, ozoziwa tawachenle yotuva yomakalanga dhulu vahora yeniyo tanoda kala ta-anadhowe.

Machinjo aongile i-yo mu mwasula anolimbi-a likhundo loi Yohova ngwaudhivela thitho wa tangaranga. Liye “kanofuna ira mutu uliwethene adhanongiwe, mbwenye unofuna ira atu othene tachinyuwe.”—2 Pe. 3:9.