Mudedi-edhelenga komoni wa ilamboi molimba rima

Vachineneeva Yohova unodha i-ya ira vyongo moleva rima na ilamboi. Mareligiau othakala anodha nongiwa, vwelano wa ilambo unodha ukela atu a Nlungu thitho Yohova unodha anonga atu anoira vyongo vyothakala vakondo ya Arumagedo. Makristau anodedi-edha mofunechecha hora yavakudwila thitho yosangalali-ila.

Onga vyaimbarimbari kaninoidhiwa vili vyothene vinofuna dhaireya vanyarwa ilukulu. Mwaifwanafwani-o, kaninoidhiwa hora yaimbarimbari inofuna dhaireya vyevyo. Kaninoidhiwa ira maguverno anodha onga myasa iivi yeniyo inairi-e ira taukele mareligiau onama. Kaninoidhiwa ira atu a Nlungu anodha ukeliwa wahora indendai yoi a-vi thitho ira vinodha ireya a-vi. Kaninoidhiwa thitho ira Yohova unodha i-ndi-edha basa ndhila iivi vononga atu anoirana vyongo vyothakala va kondo ya Arumagedo.

Mbwenye malemba anoniwandela vyothene vinofuneela i-yo, ira nidhakale olimba rima vahora yeniyo. Mwaifwanafwani-o, ninoidhiwa ira ninokala komoni wa “malambo omari-a.” (2Timo 3:1) Ninoidhiwa ira mareligiau onama tadhanongiwanga malambo “anodha kwivi-edhiwa” naifunelo yoi religiau laimbarimbari la-anongiwe nawo vambo-i. (Mat 24:22) Ninoidhiwa ira Yohova unodha vulumucha atwee. (2Pe 2:9) Ninoidhiwa thitho ira Yohova umsakunle liye, ira adhanonge atu anoira vyongo vyothakala no vulumucha amwinji lukulu vakondo ya Arumagedo, ngolongomana thitho ngwakopolo maningi.—Apok 19:11, 15, 16.

Kaninokaikela ira vavyoireya vyevi, atu enango anodha “komowa namwasa oova.” Mbwenye naleringa nothuulela modi-a mwemo Yohova mukadhi liye avulumuchanga atwee ndulimu thitho viniwandele liye ira vinodha ireya sogolou, ninooda ‘dhaimela dhololo novenyathi-a mirwi-u’ molimba rima moidhiwa ira ivulumucho yi-u itokwivela.—Luka 21:26, 28.