Korneliyo atoowachela zimu ochena

Wu Kaisareya watookala mutu mwinango dhinalee Korneliyo thitho ali ndimuwa waanyakhondo. Angalive ira liye kaali wau Yuda, Ayuda tanoolemeza maningi. Korneliyo anookami-a maningi atu orucheya. Liye anom’roromela Yohova thitho anoodhiveliwana lobela. Dambo n’nango watoodha ngelo nom’mwandela ira: ‘Nlungu utovwa malobelwaa. Ruma atu wu Yopa ira tamam’mwitane mutu mwinango dhinalee Pedru.’ Hora yeniyene Korneliyo atooruma atu wu Yopa thitho ali ulendo wamakilometru 48 wu suli wa Kaisareya.

Vahora Pedru vyali liye wu Yopa thitho atwale tangali ndhila, atoona masopenya. Atoona nyama dhedho Ayuda dha-arumeli-iwa aliwa udya thitho atoovwa madhu oonga ira adye nyamadho. Pedru atookonda thitho aongile ira: ‘Vabaliwele miyo kandinadyevo nyama dhedhi.’ Mbwenye madhwale tatoovweya okoka ira: ‘U-iye onga ira nyama dhedhi tothakali-iwa namwasa oi Nlungu utodhicheni-a.’ Adhamale Pedru atoowandeliwa ira: ‘Vatokala atu araru anoufuna. Udhowe vambo-i naaliwa.’ Pedru atoodhowa maaona atwao thitho angaamwenyunle, tatoom’mwandela ira: ‘Unirumile ngundimuwa waanyakhondo dhinalee Korneliyo uongile ira nidhautukhuleni nidhoweni nyumbaniwee wu Kaisareya.’ Pedru atowavolocha m’mbamwee nowasamalela ninga alendwee. Undhe ungachidhe atoovenyathi naaliwa noroma ulendo odhowa wu Kaisareya. Atoodhowa thitho vambo-i naabali angasi awu Yopa.

Ee-no tatoofiya wu kaisareya. Korneliyo angam’moni Pedru atoom’kokorela nom’moramela fiyedha kove vathi. Mbwenye Pedru atom’mwandela ira: ‘Imela Miyo thitho ndili mutwene baa-i.’ Adhamale atom’mwandela ira: ‘Nyo munoidhiwa ira Ayuda katinovolowa m’mba mwa atu amaziza enango. Mbwenye Nlungu utondiwandela ira ndidhe nyumbaniwaa uno. Va-eni ndiwandeleni vyandifunelanyo.’

Korneliyo atoom’mwandela Pedru ira: ‘Malambo manai avirile, ndilobelanga ngelo atoondiwandela ira ndirume atu ira tadhauwitaneni. Pepani ndifunji-eni madhu a Nlungu. Pedru aongile ira: ‘Nditoidhiwa ira Nlungu kana sakulo. Unowachela mutu uliwethene unofuna m’lambela.’ Pedru atowafunji-a vyongo vinjinji vyokhuza Yesu. Adhamale zimu ochena watofiya va Korneliyo thitho atu enango tali vambo-i na liye tatoobadiziwa.