N’nga ninakhami-e avi ira Nyumbi-u ya Umwene ioneenga phama?

Nyumba ya Umwene iliyothene ya Mboni dha Yohova inoidhiweya na dhina lochena la Nlungu. Eno ninaona ira ilemeza ira ioneenga phama njingari, thitho saka-edha vyongo vinongeile mwari na undhe, njiikhundu imbo-i yolambela wi-u. Thitho uliwathene utokhaana ngari yoira vyevi.

Mukhami-enga volemeza Nyumba ya Umwene migumano yamala. Vanduli vamigumano iliyathene, abali na arongola anoing’anechecha ira ta-anakhume, tavyele Nyumbani ya Umwene. Thitho ndhila imbo-i vasumana, pingo unofuneya Saka-edha Nyumba ya Umwene. Ndimuwa wapingo venango rumiwi okhami-a nguliye unaing’anela basa leli thitho hora dhinjinji unokhaana thandha ya basa linafuna labiwa. Movwelana na vyofuneya vya pingo uliaatu, abali na arongola anooda vivelela vovyela, u-wa, phuphuta miphando, lemeza machimbuzi, u-wa majanela, matatila makhatha venango sambaula vyongo vinango undhe wa Nyumba ya Umweniyo. Venango fendo imbo-i vayawa, pingo unosasaedha ira vakhale basa nlukhulu losaka-edha vyongo. Ninooda tukhula a-imi-u ira talabenao mabasa ninga enala. Nairanga vyevi ninokhami-a a-imao ira talemezenga limburo li-u lolambelamo.—Namalaleya 5:1.

Mukhami-enganao vosaka-edha vyongo vyonongeya. Yawa iliyothene, pingo uliwathene unosakasaka vyongo vyofuneela sakha-edhiwa wari na undhe wa Nyumba ya Umweniwa. Vyevi vinokhami-a ira nyumbiyo isakha-edhiwenga hora dhinjinji. Vinoiri-a thitho ira Nyumba ya Umwene khisimbwe nongeya, thitho pingo khunanonga kobiri dhinjinji. (2 Limbili 24:13; 34:10) Nyumba ya Umwene yakhala yochena thitho yolemeziwa phama, linokhala limburo laphama lolambelamo Nlungwi-u. Eno nakhami-anga saka-edha nolemeza Nyumbi-u ya Umwene, ninathonyi-edha dhivelo wa Yohova thitho ninalemeza limburo li-u lolambelelamo. (Masalimo 122:1) Vyevi vinokhami-a ira atu tali vakwikwi na Nyumba ya Umweni-u tailemezenga.—2 Akoritiyo 6:3.

• Mwasiwa ngwan’ni khaninafuneela pwaza lemeza limburo li-u lolam belelamo?

• N’nga pingo unasakha-edhe vyoi avi ira Nyumba ya Umweniwa ikha le yobaleya?