MURU 23

N’nga basa lolemba na taphulela mabukwi-u linawenda avi?

Mutu mmboni angali va basa wu Departamento yolemba, E.U.A — Departamento lolemba, E.U.A.

Gulu la anamathaphulela wu Koreya do sul — Koreya do Sul

Lombwana mmbo-i anga-inde-dhile buku lothaphuleliwa na Mboni dha Yohova wu Armeniya — Armeniya

Sikana wa Burundi anga-inde-dile buku lothaphuleliwa na Mboni dha Yohova — Burundi

I-yana wa Sri Lanka anga-inde-dhile magazini lothaphuleliwa na Mboni dha Yohova — Sri Lanka

Na ifunelo yomwadha “milanyu yaphama” wa “maziza othene, tundu othene, viwongelo vyothene na waatu othene”, ninodinda mabuku muviongelo vyokwaranya 750. (Apokalipse 14:6) N’nga ninaoda avi laba basa loruchali? Basali linoodeya mwasa oi lino-indiwa naatu olemba myasa okhumela vilambo vyo-iyana-iyana, othaphulela othene Mbaamboni dha Yohova aliwa anooda laba basa leli mwathindi.

Myasa dhothene dhinolembiwecha na Ingerezi. Gulu lotonga linoing’anela mabasa a Departamento Olemba, lelo nli unaing’aneliwa i-yo vailambo yothene yavathi. Departamento leli linoing’anela mabasa aatu olemba myasa enawo analaba unaig’aneliwa i-yo thitho maofesi enango a Mboni dha Yohova. Voi alimbo lemba myasa tanokhumela vilambo vyo-iyana-iyana, vyevyi vinokhami-a ira myasadho dhikhuze atu anjinji thitho a makhalelo o-iyana-iyana.

Eno myasadho dhinorumi-edhiwa waanamalemba. Myasa dhalembiwa dhinooniwa naatu o-iyana-iyana osikimiza ira vili phama. Tamala tanorumi-edha wa othaphulela vailambo yothene yavathi, enao tana-inda basa magulu na magulu. Alimbo thaphulela tanosakhula “madhu adodoliso aimbarimbari” okhumela Ingerezini, ira madhu othaphuleliwawo tavweenga phama.—Namalaleya 12:10.

Makomputador anokhami-a ira mabasa awendenga mombaranya. Mwaimbarimbari komputador vaokha khuna-inda basa lo-indiwa naalimbo thaphulela. Mbwenye ira ta-indenga basali mombaranya aliwa ano-indi-edha basa madisionariyo, thitho a Mboni dha Yohova atokhaana thandha yavacomputadoreni ya (Multilanguage Electronic Publishing System (MEPS) ino-indi-edha aliwa basa vodinda mabuku muviongelo vinjinji. Thitho inokhami-a vo-ela viruthiruthi na sakha-edha mwemo munafuna dhakhalela mabuku tadindiwa.

Mwasiwa ngwan’ni ninoira vyevyi mwathindhi, vothaphulela viongelo vyoongiwa na mamiliyau oyeva aatu? Yohova unafuna ira “atu peno takhale a ziza loi avi, tavulumuwe na khala oidhiwa mwaphama imbarimbari.”—1 Timoteo 2:3, 4.

N’nga mabasi-u olemba mabuku anoireya avi?
Mwasiwa ngwan’ni ninothaphulela mabukwi-u muviongelo vinjinji?