Yesu ali mutu woi avi?

Yohova ooruma Yesu ira adhe va ilambo ya vathi vano. 1 Juwau 4:9

Ira nim’dhiveliwi-e Yohova, ninofwanela vwela mutu mwinango ofuneya vinjinji. Yohova a-ana phanduche Adamu, oophanducha zimu wa nguru dhulu.

Vira wa hora, Yohova o-outhami-edha zimuwo mbani mwa namwali Mariya ira ubaliwe ninga mutu wu Betelehemu. Liye oodha itaniwa na dhina loi Yesu.—Juwau 6:38.

Angali va ilambo ya vathi vano, Yesu oothonyi-edha phama-phama makhalelo a Nlungu. Liye ali mutu waphama, wa ufuni na olemeeleya. Titho, liye oofunji-a atu imbarimbari ya Yohova molimba rima.

Yesu aira vyaphama, mbwenye atu tanom’mwidanana. 1 Pedru 2:21-24

Anamalemba na Afarisi toomwidanana Yesu na mwasa oira liye oothonyi-edha ira vyafunji-echa aliwa vyali vyonama, titho vyoira viwa vyali vyothakala.

Titho, Yesu ooyili-a atu obulela, na venyathi-a atu enango akwide ndulimo.

Anamalemba na Afarisi to-owandela andimuwa-andimuwa au Roma ira takhome na mpha Yesu.