KARTA LANAMBILI LILEMBILE JUWAU

1 Miyo ninga mutu oulula,* ndinolembela m’ma osakuliwa na Nlungu oi a-imee ndinoadhiveliwana maningi. Thitho kai miyo baa-i unoadhiveliwana, namwasa oi atu othene aidhi imbarimbari anoadhiveliwana thitho. 2 Ninoudhiveliwanani namwasa wa imbarimbari ili rimani mwi-u, thitho inodha kalave mwa i-yo modhowa nodhowa. 3 Nlungu oi ndi Babi-u wadhulu, na Mwanee Yesu Kristu, anodha nifunji-a makhundo olinyali nonithonyi-edha udhivela. Anodha nithonyi-edha riya rima ulukhulu na tangaranga thitho anodha niva-a rendele.

4 Nditosangalala maningi namwasa oidhiwa ira enango mwa a-iminyu anowenda muimbarimbari movwelana na lamulo lawachenle i-yo wa Baba. 5 Va-eeni ndinouvepani m’ma, ira nidhivelengana. (Kandinoulembelani lamulo lipya, mbwenye lenleve lakanlena i-yo romela vamaromelo.) 6 Thitho udhivela unothapulela dhowanave wenda mo-arela malamulwee. Ninga mwavwele nyo voroma, lamulolee toi hora dhothene muthonyi-edhenga udhivela. 7 Mbwenye muire polepole namwasa oi atu anjinji onami-a afwiwa atoroma fwanyeya vailamboi. Atu enala anoruni-a vyoi Yesu Kristu atoodha ninga mutu. Atu anoirana vyevi, ndi onami-a atu enango naamwidani a kristu.

8 Muire polepole ira mwa-aluze vyongo vyaukami-idheni i-yo ira muvifwanye naifunelo yoi mudhawachele maraeli-o ausaka-edheleni Nlungu. 9 Mutu uliwethene unoira vyongo mo-iyana na vyafunji-a Kristu, kuongela ira unam’khonda Nlungu. Mbwenye Baba na Mwana, anosangalala na mutu unoira vyongo movwelana na vyafunji-a liye. 10 Mutu mwinango adha dhafunji-a vyo-iyana na vyevi, kamum’mwachele mavandhe mwinyu venango m’mwenyula. 11 Mutu uliwethene um’mwenyunle unokala ninga unaaira vambo-i na liye mabasee othakalao.

12 Masiki ira nditokaana vyongo vinjinji vyoi ndiulembeleni, kandinofuna vilemba vakartali na tinta. Mbwenye ndinodedi-edhela ira ndidhe wanyo ira ndidhaonge nanyo kove nakove naifunelo yoi mudhasangalale maningi.

13 A-ima arongolinyu osakuliwa na Nlungu, anaaumwenyulani.