Abantu ab’Eby’Omwoyo Basalawo mu Ngeri ey’Amagezi

Soma Olubereberye 25:​29-34 okumanya obanga Esawu ne Yakobo baasalawo mu ngeri ey’amagezi.

Manya ebiri mu nnyiriri ezeetooloddewo. Kiki ekyasooka okubaawo? (Lub. 25:​20-28) Kiki ekyaliwo oluvannyuma?—Lub. 27:​1-46.

Noonyereza ku bintu ebyogerwako. Mu biseera ebyo, omwana omubereberye omulenzi yalinanga nkizo ki era yalinanga buvunaanyizibwa ki?—Lub. 18:​18, 19; w10 5/1 13.

• Omusajja okuba mu lunyiriri lwa Masiya, yalina okuba nga mwana mubereberye? (w17.12 14-15)

Lowooza ku ebyo by’oyigamu era obikolereko. Lwaki enkizo ey’okuba omwana omubereberye Yakobo yali agitwala nga nkulu nnyo okusinga Esawu bwe yali agitwala? (Beb. 12:​16, 17; w03 10/15 28-29) Yakuwa yali atwala atya ab’oluganda abo ababiri, era lwaki? (Mal. 1:​2, 3) Kiki Esawu kye yalina okukyusaamu okusobola okusalawo mu ngeri ey’amagezi?

• Weebuuze, ‘Okusinza Yakuwa nkitwala nga kikulu nnyo bwe mba nga nsalawo engeri gye nnaakozesamu ebiseera byange mu wiiki, gamba nga nteekawo ebiseera eby’okusinza kw’amaka?’