Obulungi

1. Kya ssanyu nnyo okumanya

’Bulungi bwa Yakuwa.

Nga Kitaffe w’omu ggulu,

’Ngeri ze zonna nnungi.

Alaga obusaasizi,

Obutatugwanira;

Tusaanye okumusinza

N’okumuweerezanga.

2. Yatutonda mu ngeri ye

Tukulaakulanyenga

Engeri zonna z’alina,

Omuli n’obulungi.

Twolekenga obulungi,

N’engeri ze endala.

Tusabenga omwoyo gwe,

Twolese ’ngeri zaagwo.

3. Newakubadde abantu

Bonna tubakolera

Ebirungi; Ba luganda,

Be tufaako ’kusinga.

Nga tubuulira abantu

’Njiri y’Obwakabaka,

Tulemenga kusosola;

Twoleke obulungi.