Ebinaakuyamba Okusoma Bayibuli Buli Lunaku

Oluusi kikuzibwalira okusoma Bayibuli buli lunaku olw’eby’okukola ebingi by’oyinza okuba nabyo? (Yos. 1:8) Bwe kiba kityo, ebintu bino wammanga bisobola okukuyamba:

• Ssaawo ebikujjukiza buli lunaku. Tega alamu mu ssimu yo ekujjukize okusoma Bayibuli.

• Teeka Bayibuli yo w’osobola okugirabira. Bw’oba okozesa Bayibuli enkube mu kyapa, giteeke w’osobola okugirabira buli lunaku.—Ma. 11:18.

• Wuliriza Bayibuli eyasomebwa mu maloboozi. Wuliriza Bayibuli eyasomebwa ng’okola emirimu gyo. Mwannyinaffe Tara akola mu budde bw’ekiro, alina abaana, era aweereza nga payoniya agamba nti: “Bwe mba nkola emirimu gyange egy’awaka, mpuliriza Bayibuli eyasomebwa. Ekyo kinnyamba okuganyulwa mu ebyo ebiri mu Bayibuli buli lunaku.”

• Toggwaamu maanyi. Embeera bw’etakusobozesa kusoma Bayibuli nga bwe wateekateeka, somayo waakiri ennyiriri ntonotono nga tonneebaka. Ne bw’osoma ennyiriri ntono buli lunaku, ojja kuganyulwa nnyo.—1 Peet. 2:2.