Teekateeka Omutima Gwo

Bwe tuba tusoma Bayibuli, tuba twagala ebyo bye tuyiga ku Yakuwa bikwate ku mitima gyaffe. Ezera yatuteerawo ekyokulabirako ekirungi mu nsonga eno. “Yateekateeka omutima gwe okunoonya Amateeka ga Yakuwa.” (Ezer. 7:10) Tuyinza tutya okuteekateeka omutima gwaffe?

Saba. Buli lw’oba ogenda okwesomesa, tandika na kusaba. Saba Yakuwa akuyambe okutegeera ebyo by’oba ogenda okusoma era n’okubikolerako.—Zab. 119:​18, 34.

Beera mwetoowaze. Abantu ab’amalala abeesiga amagezi gaabwe, Katonda abakweka amazima. (Luk. 10:21) Weewale okwesomesa ng’olina ekigendererwa eky’okuleetera abalala okukutwala nti omanyi nnyo. Endowooza yo bw’eba nga tekwatagana n’eya Katonda, weetoowaze ogikyuse.

Wuliriza olumu ku nnyimba zaffe. Ennyimba zikwata nnyo ku mitima gyaffe; zituyamba okweteekerateekera okusinza Yakuwa. Okuwuliriza olumu ku nnyimba zaffe ng’ogenda kutandika okwesomesa kiyinza okukuyamba okuteekateeka omutima gwo.