Weesomese ng’Olina Ekigendererwa eky’Okubaako Ebipya by’Oyiga

Bwe tuba tweteekateeka okwesomesa tuyinza okwebuuza, ‘Kiki kye nsuubira okuyiga?’ Kyokka tulina okwegendereza bye tusuubira bireme okutulemesa okulaba ekyo Yakuwa ky’ayagala tuyige. Tuyinza tutya okussa ebirowoozo byaffe ku ebyo Yakuwa by’atuyigiriza?

Saba Yakuwa akuwe amagezi. Musabe akuyambe okumanya ekyo ky’ayagala oyige mu kiseera ekyo. (Yak. 1:5) Toba mumativu n’ebyo byokka by’omanyi.—Nge. 3:​5, 6.

Kkiriza Ekigambo kya Katonda kikolere mu bulamu bwo. “Ekigambo kya Katonda kiramu.” (Beb. 4:12) Buli lwe tusoma Bayibuli tubaako n’ekipya kye tuyiga era ekisobola okukyusa obulamu bwaffe. Naye ekyo okusobola okubaawo tulina okukkiriza nti twetaaga okumanya ebyo Katonda by’atuyigiriza.

Siima buli kimu Yakuwa ky’atuwa ku mmeeza ye. Emmere ey’eby’omwoyo gy’atuwa eringa “ekijjulo eky’ebya ssava.” (Is. 25:6) Weewale obutalya “ebya ssava” by’osuubira nti tebijja kukuwoomera. Ng’oggyeeko okuba nti ojja kuganyulwa mu ebyo Yakuwa by’atuwa, era ojja kufuna essanyu lingi!