Engeri y’Okukozesa Vidiyo Ezikwata ku Nteekateeka y’Okuyiga Bayibuli

Tulina vidiyo nnya ezikwata ku nteekateeka y’okuyigiriza abantu Bayibuli. Buli emu ku vidiyo ezo erina kigendererwa ki?

• 

  Lwaki Kikulu Okuyiga Bayibuli?​—Empanvu yategekebwa okuyamba abantu okwagala okuyiga Bayibuli ka babe ba ddiini ki. Ekubiriza abantu okunoonya mu Bayibuli eby’okuddamu mu bibuuzo bye beebuuza, era eraga ebimu ku by’okuddamu ebyo. Ate era ennyonnyola engeri omuntu gy’asobola okusaba okuyigirizibwa Bayibuli.

• 

  Lwaki Kikulu Okuyiga Bayibuli? (ennyimpi) erimu ebifaanana n’ebyo ebiri mu vidiyo empanvu, nayo yo yakendeezebwako. Yategekebwa okukozesebwa mu bitundu omuli abantu abatalina budde bungi bwa kuwuliriza.

• 

  Omuntu Ayigirizibwa Atya Bayibuli? yategekebwa okuyamba abantu okutegeera enteekateeka yaffe ey’okuyigiriza abantu Bayibuli ku bwereere era eddamu ebimu ku bibuuzo bye bayinza okwebuuza ku nteekateeka eyo, nga mw’otwalidde n’engeri gye bayinza okusaba okuyigirizibwa Bayibuli.

• 

  Weebale Kukkiriza Kuyiga Bayibuli yategekebwa nga ya kulagibwa bayizi ba Bayibuli. Wadde nga vidiyo eyo eri ku lupapula olw’okubiri olw’ekitabo Nyumirwa Obulamu Emirembe Gyonna!, tusobola okugiraga omuntu nga tukubaganya naye ebirowoozo ku brocuwa Nyumirwa Obulamu Emirembe! Vidiyo eyo eraga ebiri mu kitabo, era n’ebyo omuyizi by’asaanidde okusuubira nga tukubaganya naye ebirowoozo.

Wadde nga buli emu ku vidiyo eyo yategekebwa olw’ekigendererwa ekimu, buli emu ku yo tusobola okugiraga omuntu oba okugimuweereza ekiseera kyonna lwe tulaba nga kituukirawo. Ababuulizi bonna bakubirizibwa okufuba okumanya ebiri mu vidiyo ezo era n’okuzikozesa obulungi mu buweereza.