Toterebuka ng’Oyolekagana n’Ebizibu by’Eby’Enfuna

Obulamu mu nnaku ez’enkomerero bujjudde ebizibu. Ng’enkomerero egenda esembera, ebizibu bijja kweyongera. Tuyinza okwesanga ng’ebintu ebimu bye twetaaga tetubirina. (Kab 3:16-18) Kiki ekinaatuyamba obutaterebuka nga twolekagana n’ebizibu by’eby’enfuna? Tulina okweyongera okwesiga Yakuwa Katonda waffe. Yasuubiza nti ajja kulabirira abaweereza be, era asobola okutulabirira ka tube mu mbeera ki.​—Zb 37:18, 19; Beb 13:5, 6.

Ky’oyinza okukola:

• Saba Yakuwa akuwe obulagirizi n’amagezi, era musabe akuyambe.​—Zb 62:8

• Ba mwetegefu okukola omulimu gwonna, wadde ng’oyinza okuba nga togukolangako.​—g 1/10 8-9, obusanduuko

• Nnywerera ku nteekateeka ennungi ey’eby’omwoyo, omuli okwesomera Ekigambo kya Katonda buli lunaku, okubangawo mu nkuŋŋaana, n’okwenyigira mu mulimu gw’okubuulira

MULABE VIDIYO ZIMBA ENNYUMBA ENEEWANGAALA​—BEERA ‘MUMATIVU N’EBINTU BY’OLINA,’ OLUVANNYUMA MUKUBAGANYE EBIROWOOZO KU BIBUUZO BINO:

• Bizibu ki ab’omu maka agamu bye boolekagana nabyo?

• Kintu ki ekisinga obukulu mu bulamu?

• Tuyinza tutya okuyamba abo aboolekagana n’ebizibu by’eby’enfuna?