Yakuwa Akuuma Abantu Be

Embaga ey’Okuyitako eyasooka yali nkulu nnyo. Mu kiro ekyo, Falaawo bwe yakitegeera nti mutabani we omubereberye afudde, yagamba Musa nti: “Musituke muve mu bantu bange, mmwe n’Abayisirayiri abalala. Mugende muweereze Yakuwa nga bwe mwagamba.” (Kuv 12:31) Yakuwa yali akiraze nti akuuma abantu be.

Ebyafaayo by’abantu ba Yakuwa ab’omu kiseera kino biraga nti Yakuwa akyeyongera okubawa obulagirizi era n’okubakuuma. Ebyafaayo ebyo bisangibwa mu myuziyamu eyitibwa “Abantu Abayitibwa Erinnya lya Yakuwa” eri ku kitebe kyaffe ekikulu.

MULABE VIDIYO, OKULAMBULA MYUZIYAMU ZAFFE EZIRI E WARWICK: “ABANTU ABAYITIBWA ERINNYA LYA YAKUWA,” OLUVANNYUMA MUDDEMU EBIBUUZO BINO:

• 

  Kiki Abayizi ba Bayibuli kye baakozesa ku ntandikwa y’omwaka gwa 1914 okuyamba abantu okweyongera okukkiririza mu Bayibuli, era birungi ki ebyavaamu?

• 

  Kugezesebwa ki okwaliwo mu 1916 ne 1918, era bukakafu ki obulaga nti Yakuwa yali awa ekibiina kye obulagirizi?

• 

  Abantu ba Yakuwa basigadde batya nga beesigwa nga bayigganyizibwa?

• 

  Nkyukakyuka ki mu ngeri gye tutegeeramu ebyawandiikibwa abantu ba Yakuwa gye baafuna mu 1935, era ekyo kyabakwatako kitya?

• Kiki ky’olabye mu vidiyo ekyongedde okukukakasa nti Yakuwa awa abantu be obulagirizi era nti abakuuma?