Osobola Okunnyonnyola Abalala Ebikwata ku Nzikiriza Yo?

Omuntu bw’akubuuza ensonga lwaki okkiriza nti ebintu byatondebwa, oyinza kumuddamu otya? Okusobola okumuddamu nga weekakasa, olina okukola ebintu biri: Ekisooka, olina okwekakasiza nti ebintu byatondebwa. (Bar 12:1, 2) Eky’okubiri, olina okulowooza ku ngeri gy’ononnyonnyolamu abalala ekyo ky’okkiriza.​—Nge 15:28.

MULABE VIDIYO, OMUSAWO W’AMAGUMBA ANNYONNYOLA EBIKWATA KU NZIKIRIZA YE NE MUNNASSAAYANSI ANNYONNYOLA EBIKWATA KU NZIKIRIZA YE, ERA OLUVANNYUMA MUDDEMU EBIBUUZO BINO:

• 

  Lwaki Irène Hof Laurenceau akkiriza nti ebintu byatondebwa butondebwa so si nti byajja bifuukafuuka?

• 

  Lwaki Yaroslav Dovhanych akkiriza nti ebintu byatondebwa butondebwa so si nti byajja bifuukafuuka?

• Oyinza otya okunnyonnyola ensonga lwaki okkiriza nti ebintu byatondebwa?

• Bintu ki ekibiina kya Yakuwa bye kituwadde ebisobola okukuyamba okukakasa nti ebintu byatondebwa era by’osobola okukozesa okuyamba abalala?