Okwagala Kwe Kwawulawo Abakristaayo ab’Amazima​—Weewale Okwefaako Wekka n’Okunyiiga Amangu

LWAKI KIKULU: Yesu yayigiriza nti okwagala kwe kwandyawuddewo Abakristaayo ab’amazima. (Yok 13:34, 35) Okusobola okwoleka okwagala ng’okwo, tusaanidde okufaayo ku balala n’okwewala okunyiiga amangu.​—1Ko 13:5.

ENGERI Y’OKUKIKOLAMU:

• Omuntu bw’ayogera oba bw’akola ekintu ne kikunyiiza, sooka olowooze ku kimuviiriddeko okweyisa bw’atyo, n’ebiyinza okuva mu ekyo ky’olowooza okukola.​—Nge 19:11

• Kijjukire nti ffenna tetutuukiridde, era oluusi twogera oba tukola ebintu ate oluvannyuma ne twejjusa

• Mugonjoole obutategeeragana mu bwangu

MULABE VIDIYO “MWAGALANENGA”​—WEEWALE OKWEFAAKO WEKKA N’OKUNYIIGA AMANGU, OLUVANNYUMA MUDDEMU EBIBUUZO BINO:

• Larry yeeyisa atya obubi nga Tom alina ky’amugambye?

• Tom bwe yasiriikiriramu n’afumiitiriza, kyamuyamba kitya?

• Engeri Tom gye yaddamu yayamba etya okukkakkanya embeera?