Omutima Oguboneredde Yakuwa Tagugaya

Dawudi yawandiika Zabbuli 51 oluvannyuma lwa nnabbi Nasani okumutegeeza ekibi kye yali akoze eky’okwenda ku Basuseba. Omuntu ow’omunda owa Dawudi yamulumiriza era n’ayatula ekibi kye.—2Sa 12:1-14.

Dawudi yali akoze ekibi naye yali akyasobola okuzzaawo enkolagana ye ne Katonda

51:3, 4, 8-12, 17

• Bwe yali tannaba kwenenya n’okwatula ekibi kye, omuntu we ow’omunda yamulumiriza nnyo

• Yawulira bubi nnyo olw’okukimanya nti yali takyasiimibwa mu maaso ga Katonda era yawulira ng’omuntu eyali amenyesemenyese amagumba

• Yali ayagala okusonyiyibwa, okuddamu okubeera n’enkolagana ennungi ne Katonda, era n’okuddamu okuba omusanyufu

• Yeegayirira Yakuwa amuyambe okuba omuwulize

• Yali mukakafu nti Yakuwa yandimusonyiye