Weesige Yakuwa Okolenga Ebirungi

‘Tokwatirwa Boonoonyi Ensaalwa’

37:1, 2

• Ababi ne bwe balabika ng’abali obulungi, ekyo tokikkiriza kukulemesa kuweereza Yakuwa. Ebirowoozo byo bimalire ku mikisa Yakuwa gy’akuwadde ne ku biruubirirwa byo eby’omwoyo

“Weesigenga Yakuwa era kolanga ebirungi”

37:3

• Bw’oba olina ekikweraliikiriza oba ng’obuusabuusa, weesige Yakuwa. Ajja kukuyamba okusigala ng’oli mwesigwa

• Beera munyiikivu mu kubuulira amawulire amalungi ag’Obwakabaka

“Yakuwa abeerenga ensibuko y’essanyu lyo”

37:4

• Beera n’enteekateeka ey’okusoma Bayibuli n’okugifumiitirizaako osobole okweyongera okutegeera Yakuwa

“Amakubo go gakwasenga Yakuwa”

37:5, 6

• Weesige Yakuwa nti ajja kukuyamba okwaŋŋanga ekizibu kyonna

• Sigala ng’olina empisa ennungi ng’oziyizibwa, ng’oyigganyizibwa, oba ng’oyogerwako eby’obulimba

“Sirika mu maaso ga Yakuwa era mulindirire n’obugumiikiriza”

37:7-9

• Weewale okwanguyiriza okukola ebintu ebiyinza okukumalako essanyu n’okukuggyako obukuumi bwa Yakuwa

“Abawombeefu balisikira ensi”

37:10, 11

• Beera muwombeefu era lindirira Yakuwa okuggyawo obutali bwenkanya bwonna

• Yamba bakkiriza banno, era budaabuda abennyamivu ng’obabuulira ku kisuubizo kya Katonda eky’ensi empya enaatera okutuuka