Ennyanjula Ze Tuyinza Okukozesa

Okufuna Abayizi ba Bayibuli ku Lwomukaaga Olusooka mu Maayi

“Ekibuuzo kino wandikizzeemu otya?” [Mulage ekibuuzo ekisooka ku lupapula olusembayo olw’Omunaala gw’Omukuumi ogwa Maayi 1, era omuleke abeeko ky’addamu.] Oluvannyuma, mukubaganye ebirowoozo ku ebyo ebiri wansi w’ekibuuzo ekyo era musome waakiri ekimu ku byawandiikibwa ebiragiddwa. Muwe magazini, era okole enteekateeka ey’okuddayo mukubaganye ebirowoozo ku kibuuzo ekiddako.

Omunaala gw’Omukuumi Maayi 1

“Abantu bangi beebuuza ebinaabaawo mu biseera eby’omu maaso. Okusinziira ku biriwo mu nsi, olowooza ebiseera eby’omu maaso biriba bitya? Obyesunga? [Muleke abeeko ky’addamu. Oluvannyuma soma ekimu ku byawandiikibwa ebiri wansi w’omutwe “Katonda Atubuulira Ebinaabaawo mu Biseera eby’Omu Maaso.”] Akatabo kano koogera ku bimu ku bintu ebijja okubaawo mu biseera eby’omu maaso, era kalaga n’ensonga lwaki tusaanidde okuba abakakafu nti ebintu ebyo bijja kubaawo.”

Awake! Maayi

“Ennaku zino abantu bangi bakola nnyo ne bakoowa era ekyo kibaleetera okweraliikirira. Olowooza kiki ekisobola okuyamba abantu ng’abo? [Muleke abeeko ky’addamu.] Bangi amagezi gano agali mu Bayibuli gabayambye. [Soma Matayo 6:34.] Akatabo kano kalimu amagezi amalala ageesigamiziddwa ku Bayibuli agasobola okutuyamba.”

Eri ababuulizi: Magazini eno eyinza okusikiriza abakozi.