Otera Okutunulako Awatimbibwa Amabaluwa?

Abakadde, abaweereza, n’abalala abaweebwa obuvunaanyizibwa mu kibiina batera okutunulako awatimbibwa amabaluwa bamanye lwe balina obuvunaanyizibwa. Kyokka ekifo ekyo kibaako ebintu ebikulu ffenna bye twetaaga okumanya. Omanyi lwe munaayonja Ekizimbe ky’Obwakabaka? Omulabirizi w’ekitundu oba ofiisi y’ettabi erina ebbaluwa gy’eweerezza mu kibiina? Omanyi omutwe gw’emboozi ya bonna eneeweebwa osobole okuyita omuyizi wo owa Bayibuli? Waliwo enkyukakyuka ezikoleddwa mu biseera by’enkuŋŋaana oba mu kibinja kyo eky’obuweereza? Ebisinga obungi ku ebyo tebikyalangibwa mu nkuŋŋaana, era abakadde bayinza obutasobola kubitegeeza buli mubuulizi. N’olwekyo, tusaanidde okukeberanga awatimbibwa amabaluwa. Bwe tunaakola bwe tutyo, ebintu byonna bijja kukolebwa “mu ngeri esaanira era entegeke obulungi.”—1 Kol. 14:40.