Ebirango

◼ Ddesemba: Tujja kugaba ekitabo The Greatest Man Who Ever Lived. Oba tuyinza okugaba ebitabo nga, Ekitabo Kyange eky’Engero za Baibuli, Osobola Okuba Omulamu Emirembe Gyonna mu Lusuku lwa Katonda ku Nsi, ne The Bible​—God’s Word or Man’s? bwe biba nga weebiri mu kibiina. Era tusobola n’okugaba New World Translation of the Christian Greek Scriptures mu Luswayiri. Jjanwali 2006: Tujja kugaba obutabo obw’empapula 192 obulina empapula ezimyukiridde, oba akatabo konna akaakubibwa ng’omwaka 1991 tegunnatuuka. Ebibiina ebitalina bitabo bino biyinza okugaba akatabo Mankind’s Search for God bwe kaba nga weekali mu kibiina. Era tusobola n’okugaba New World Translation of the Christian Greek Scriptures mu Luswayiri. Febwali: Tujja kugaba akatabo Funa Enkolagana Ennungi ne Katonda. Ebibiina ebitalina katabo kano biyinza okukozesa ebitabo ebirala ebikadde ebiri mu kibiina. Era tusobola n’okugaba New World Translation of the Christian Greek Scriptures mu Luswayiri. Maaki: Tujja kugaba akatabo akappya Kiki Ddala Baibuli ky’Eyigiriza? Mufube nnyo okufuna be muyigiriza Baibuli.

◼ Obupapula obuyita abantu okubeerawo ku Kijjukizo ky’omwaka 2006 buli kumpi okuweerezebwa.

◼ Musabibwa okwetegereza nti Ekijjukizo ky’omwaka 2007 kijja kubeerawo ku Bbalaza, Apuli nga 2, oluvannyuma lw’enjuba okugwa. Mutegeezebwa nga bukyali ab’oluganda basobole okukola entegeka ezeetaagisa ez’okufuna ebifo eby’okukuŋŋaaniramu bwe kiba nti ebibiina ebiwerako byeyambisa Ekizimbe ky’Obwakabaka kimu ng’era kyetaagisa okufunayo ebifo ebirala. Bwe kiba bwe kityo, abakadde balina okukola endagaano ne bannannyini bifo ebyo okukakasa nti tewajja kubaawo kutaataaganyizibwa kwonna mu kizimbe ekyo, omukolo gw’Ekijjukizo gusobole okugenda obulungi.

◼ Olw’obukulu bw’omukolo guno, akakiiko k’abakadde, kandironzeeyo omu ku bakadde alina obumanyirivu obusingako awe emboozi ku Kijjukizo mu kifo ky’okuziwanga mu mpalo oba okukozesa ow’oluganda y’omu buli mwaka. Bwe wabaawo omukadde eyafukibwako amafuta asobola okuwa emboozi eyo, ayinza okulondebwa.

◼ Okubala ebitabo byonna ne magazini eziri mu kibiina kusaanidde okukolebwa nga Ddesemba 31, 2005, oba amangu ddala nga lunaatera okutuuka. Okubala kuno kufaanagana n’okwo omutabaganya w’ebibiina ku nsonga ezikwata ku bitabo kw’akola buli mwezi, era omuwendo gwabyo gusaanidde okuteekebwa ku foomu eyitibwa Literature Inventory (S-18). Omuwendo gwa magazini zonna eziri mu kibiina guyinza okufunibwa okuva eri abaweereza abakola ku magazini mu buli kibiina. Omuwandiisi w’ekibiina ekitabaganya ensonga ezikwata ku bitabo alina okukubiriza okubala kuno. Omuwandiisi oyo awamu n’oyo akubiriza akakiiko k’abakadde mu kibiina ekitabaganya basaanidde okussaako emikono ku foomu eyo. Buli kibiina ekitabaganya ensonga ezikwata ku bitabo kijja kufuna foomu ssatu eziyitibwa Literature Inventory (S-18). Musabibwa okuweereza kopi emu ku ttabi obutasukka Jjanwali nga 6. Kopi ey’okubiri mugiteeke mu fayiro zammwe. Kopi ey’okusatu muyinza okugikozesa nga mubala.