Ebirango
◼ Ebitabo eby’okugaba mu Ddesemba: The Greatest Man Who Ever Lived. Oyinza n’okubawa Ekitabo Kyange eky’Engero za Baibuli, The Bible—God’s Word or Man’s?, oba Osobola Okuba Omulamu Emirembe Gyonna mu Lusuku lwa Katonda ku Nsi. Jjanwali: Ebitabo byonna ebyakubibwa ng’omwaka 1988 tegunnatuuka ebiri mu kibiina ne New World Translation of the Christian Greek Scriptures mu Luswayiri. Bwe wabaawo ekitabo kyonna ku ebyo ebyogeddwako waggulu kye mutalina, mubuuze ebibiina ebibaliraanye oba nga birina ebitabo ebyo bibaweeko. Ebibiina ebitalina bitabo bikadde biyinza okugaba akatabo Mankind’s Search for God. Febwali: Funa Enkolagana Ennungi ne Yakuwa. Bwe muba nga temukarina, muyinza okugaba akatabo Life—How Did It Get Here? By Evolution or by Creation? oba Revelation—Its Grand Climax At Hand! ne New World Translation of the Greek Scriptures mu Luswayiri. Maaki: Okumanya Okukulembera Okutuuka mu Bulamu Obutaggwaawo ne New World Translation of the Greek Scriptures mu Luswayiri. Wajja kubeerawo kaweefube ow’okufuna abayizi ba Baibuli. Abantu bwe baba ng’ekitabo ekyo bakirina, bayinza okuweebwa akatabo Ssaayo Omwoyo ku Bunnabbi bwa Danyeri!
◼ Twagala okujjukiza ab’oluganda abakola ku mbalirira y’ekibiina nti ssente eziteekebwa mu busanduuko obw’okuwagira Omulimu gw’Ensi Yonna n’Okuzimba Ebizimbe by’Obwakabaka, zirina okuweerezebwa buli mwezi ku ttabi era tezirina kukozesebwa okusasulira ebbanja ly’Ekizimbe ky’Obwakabaka oba okukozesebwa mu nsasaanya endala yonna.
◼ Obupapula obuyita abantu okubeerawo ku Kijjukizo ky’omwaka 2004 obuli mu lulimi olukozesebwa mu buli kibiina bujja kuweerezebwa. Bwe kiba nti ennimi endala zoogerwa mu kitundu kyammwe era nga mwandyagadde okufuna obupapula obwo mu nnimi ezo, bulina okulagirizibwa amangu ddala ku Foomu Okusabirwa Ebitabo (S-14). Olukalala oluliko ennimi obupapula obwo mwe buli, lujja kuteekebwa mu “Kirango eri Ebibiina Byonna,” ekiweerezebwa eri ebibiina byonna buli mwezi. Musabibwa okulagiriza obupapula obwo bwokka obuli mu nnimi ezikozesebwa mu kitundu kyammwe.
◼ Musabibwa okwetegereza nti Ekijjukizo ky’omwaka 2005 kijja kubeerawo ku Lwakuna, Maaki 24, oluvannyuma lw’enjuba okugwa. Mutegeezebwa nga bukyali ab’oluganda basobole okukola entegeka ezeetaagisa ez’okufuna ebifo eby’okukuŋŋaaniramu bwe kiba nti ebibiina ebiwerako byeyambisa Ekizimbe ky’Obwakabaka kimu ng’era kyetaagisa okufunayo ebifo ebirala. Abakadde balina okukola endagaano ne bannannyini bifo ebyo okukakasa nti tewajja kubaawo kutaataaganyizibwa kwonna mu kizimbe ekyo omukolo gw’Ekijjukizo gusobole okugenda obulungi. Olw’obukulu bw’omukolo guno, akakiiko k’abakadde bwe kaba kalonda omwogezi ku Kijjukizo, kandironzeeyo omu ku bakadde alina ebisaanyizo ebisingako mu kifo ky’okukikola obukozi mu mpalo oba okukozesa ow’oluganda y’omu buli mwaka. Bwe wabaawo omukadde eyafukibwako amafuta asobola okuwa okwogera okwo, ayinza okulondebwa.
◼ Okuva nga Maaki 15, 2004, okutuuka nga Maayi 16, 2005, akatabo Funa Enkolagana Ennungi ne Yakuwa ke kajja okusomebwa mu Lukuŋŋaana lw’Ekibiina olw’Okusoma Ekitabo. Ebibiina ebyetaaga ebitabo ebyo nga bikubiddwa mu nnukuta ennene, birina okuwaayo okusaba kwabyo amangu ddala nga bwe kisoboka.
◼ Ebibiina biyinza okulagiriza New World Translation of the Greek Scriptures mu Luswayiri bisobole okugigaba mu buweereza mu Jjanwali, Febwali ne Maaki.
◼ Okubala ebitabo byonna ne magazini eziri mu kibiina kusaanidde okukolebwa nga Ddesemba 31, 2003, oba amangu ddala nga lunaatera okutuuka. Okubala kuno kufaanagana n’okwo omutabaganya w’ebibiina ku nsonga ezikwata ku bitabo kw’akola buli mwezi, era omuwendo gwabyo gusaanidde okuteekebwa ku foomu eyitibwa Literature Inventory (S-18). Omuwendo gwa magazini zonna eziri mu kibiina guyinza okufunibwa okuva eri abaweereza abakola ku magazini mu buli kibiina. Omuwandiisi mu kibiina ekitabaganya alina okukubiriza okubala kuno. Omuwandiisi oyo n’akubiriza akakiiko k’abakadde mu kibiina ekitabaganya basaanidde okusaako emikono ku foomu. Buli kibiina ekitabaganya kijja kufuna foomu ssatu eziyitibwa Literature Inventory (S-18). Musabibwa okuweereza kopi emu ku ttabi obutasukka Jjanwali nga 6. Kopi ey’okubiri mugiteeke mu fayiro zammwe. Kopi ey’okusatu muyinza okugikozesa nga mubala.