Okukozesa Ebibuuzo

Matayo 16:13-16

MU BUFUNZE: Buuza ebibuuzo ebinaasikiriza abakuwuliriza, ebinaabaagazisa okwongera okuwuliriza, ebinaabayamba okugoberera by’oyogera, era ebinaakuyamba okuggumiza ensonga enkulu.

ENGERI Y’OKUKIKOLAMU:

• Baleetere okwagala okweyongera okukuwuliriza. Buuza ebibuuzo ebireetera omuntu okulowooza ku ky’okuddamu oba okwagala okumanya eky’okuddamu.

• Bayambe okugoberera ensonga. Buuza ebibuuzo ebinaayamba abakuwuliriza okugoberera ng’onnyonnyola ensonga gy’obayigiriza basobole okugitegeera obulungi.

• Ggumiza ensonga enkulu. Buuza ekibuuzo ekinaakuyamba okwanjula ensonga enkulu. Ng’omaze okwogera ku nsonga enkulu oba ng’ofundikira emboozi yo, buuza ebibuuzo ebinaayamba abakuwuliriza okujjukira bye bayize.