Ennyanjula yʼEkitundu 1

Essuula esooka mu Bayibuli eyogera ku kutondebwa kw’ebintu, era etuyamba okumanya ebintu ebirungi Yakuwa bye yakola ku nsi ne mu bwengula. Bw’oba oli muzadde, yamba omwana wo okufumiitiriza ku bintu eby’enjawulo Yakuwa bye yatonda. Muyambe okukiraba nti Yakuwa yatonda abantu nga ba waggulu nnyo ku nsolo: nga basobola okwogera, okulowooza, okuyiiya ebintu, okuyimba, n’okusaba. Era muyambe okukiraba nti Yakuwa alina amaanyi n’amagezi mangi nnyo, era nti ayagala nnyo ebitonde bye byonna, nnaddala abantu.