Ebituleetera Essanyu

1. Bingi nnyo ebitusanyusa,

’Ssanyu lyaffe lyeyongera.

Ebyegombebwa amawanga

Bigenda bitwegattako.

Essanyu lyaffe lisinziira,

Mu Kigambo kya Katonda.

Tukisoma buli lunaku;

Tunyweza okukkiriza.

Essanyu lye tulina liri

Ng’omuliro mu mutima.

Wadde tuba n’emitawaana,

Yakuwa atuwa ’maanyi.

2. Bye yakola bitusanyusa,

Eggulu, ennyanja, n’ensi.

Twewuunya bwe tutunuulira,

Emirimu gy’engalo ze.

Tubulangirira n’essanyu,

’Bwakabaka bwa Katonda.

Tubwogerako buli wamu,

N’emikisa gye buleeta.

Essanyu eritaliggwaawo,

Liri kumpi okutuuka.

Ensi empya n’eggulu eppya

Bireeta essanyu eryo.