NYUNA 6
Yɛɛ Baabuiyo ndoo dimi yɛ a Mɛsayanɔɔ okɔɔ?
HUULUEI
“Num Bɛtilɛhɛm Ɛfiluata, . . . o num niŋ wana cho hunɔɔ wa masaa Isɔluɛi le ya wo cho fula ni.”
MƐƐ I PEELUŊ YƐ
“Mɛɛ nda velu Chiisu Bɛtilɛhɛm o Chudiaa niŋ a boondii Hɛlɔɔ wa masaa ve, mi wanaa pɛɛku a looŋ okɔɔ wa chaŋ ba paaleŋ le chaŋ ndo ma huŋ Chulusalɛm.”
HUULUEI
“A piɔuviaŋ nyɛla nilaŋ, nduyɛ ma wuu kooŋ le laŋ.”
MƐƐ I PEELUŊ YƐ
“Mɛɛ puaa chɔuwa baŋ Chiisu o yɔmndo choo, ma chua doma ndɔ lechoo wo ma piɔu ndu sala hiɔɔlu . . . Ma chua vɛlɛ doma ndɔ lebɛŋgoo. Kɛ ndu ndu, a kola pulii pilɔɔ o wa o suandaa ni. Ma dimulaŋ aa: ‘Ŋ tɛndaŋ ndu le. Ŋ wuunuŋ kooŋ le sinaa wana cho ndu sɔla wo.’”
HUULUEI
“Mbo manda paala ndɔlaŋ kpou, o pilɛ bɛɛ yom te.”
MƐƐ I PEELUŊ YƐ
“Mɛɛ nda hiŋ o Chiisu lo, ma cha maa o vi. Le hei, a yimi lɛ ndu peloŋ te.”
HUULUEI
“Ma chuku ndu le hakila naalaŋ.”
MƐƐ I PEELUŊ YƐ
“Mi puaa chɔuwa o pilɛ chuku Chiisu luŋgbuei a ballo. O lepilɛ niŋ kpe, mi koowaŋ a mɛŋndaŋ ma fula.”
HUULUEI
“Ma ke ya paawa nuu kaniŋ humboŋ 30.”
MƐƐ I PEELUŊ YƐ
“Okoŋ kɔɔli, mi wana pilɛ o kiilaa nduaa 12 nda tɛɛŋ, o nda veelu aa Chuda Isikaliɔɔ wo kua o masaa wanaa soliaa lasalaa lo. Mbo dimul nda aa: ‘Te I mal Chiisu nya o ba pɛ, yɛɛ nya cho yɛ ya ke?’ Ma kɛɛsiaa le ndu kioo kaniŋ humboŋ 30.”