NYUNA 5
Yooŋgu yɛɛ cho yɛ o Baabuiyo niŋ?
“I cho tosa mi yaamɔɔleŋ le luɛi num tɛɛŋ nya wana lanɔɔ, nduyɛ mi luei yaamɔɔleŋ chuauwaa numnda tɛɛŋ a chuauwaa nduaa. Num cho ndu tɔndii kɔɔliei lɔwa, mi ndu pɛl num bolleŋ.”
“Kaalaŋ o lɛŋndeŋ choo kpou cho salaa sɔla le ndapila sanaa o chuauwaa numnda niŋ, le mɛɛ ŋ tuei ya diom yɛ.”
“Maa Masale numndeŋ le huŋ. Maa hɛnaŋ numndo tosaŋ o lɛŋndeŋ choo mɛɛ o cho o choo choo niŋ yɛ.”
“Mɛlɛka yɔŋgu kɔl nyuloo wo cho suŋ hunɔɔ Setana tɛɛmbuu o peluŋ nyaŋ bɛŋgu.”
“Te Mɛlɛka tosa pɛ mi nyɛ o nyɛ wa Po ndɔɔ o ba bɛŋgu, Po ndɔɔ bɛɛ cho tusiŋ ndu o ba bɛŋgu. Okoŋ, Mɛlɛka tosa mi nyɛ o nyɛ wa ndu o ba bɛŋgu wo cho wa niko bolleŋ le nyɛ o nyɛ.”
“Mi Mɛlɛka chuel Ebilaham nda po ndɔ mamaa buŋgɛi . . . , ndu cho yɛ Kiliti ni. Nduyɛ te le Kiliti nya cho ni, mɛɛ chuauwaa mamaa Ebilaham nda nya cho ni.”
“Masale chieeŋndo le simnuŋ Masale Mɛlɛka naa a Kiliti, nduyɛ Mɛlɛka cho wa masaa le fɛɛŋ a fɛɛŋ.”
“Ma viɔl tambalaka bɛndoo hoo o lɛŋndeŋ choo, kɛu paandu paandoo. Ndu nda veelu ni aa Setana a Nyina Wɔɔŋndo. Ndu cho waŋnda o chieeŋndo choo kpou huiyo ni. Ma viɔl ndu a maalikɛiyaa nduaa latulu o lɛŋndeŋ choo.”
“Mbo bii tambalakaa kpau, kɛu paandu paandoo, ndu cho Setana a Nyina Wɔɔŋndo ni. Mbo duau ndu o yɔlɔŋ le wɔsilaŋ 1,000.”