Isikiɛɛ
30 Mi Chɛhowa suaa vɛlɛ naa ya chuaa aa: 2 “Po wanachioo, dimul waŋnda nyɛ nɔ le hunɔɔ yɔŋnɔŋndo wo aa, ‘Nyɛ Chɛhowa, Mɛlɛka Kpuluŋguma Bɛndoo dimi wo cho hoo ni:
“La koŋul choo choo kpeleŋ aa, ‘Kpokoo, paaleŋ ndeŋ le cho hunɔɔ!’
3 Kanifuule paale leŋ le cho niŋ kpɛɛluŋ. A tonya, paale Chɛhowa leŋ le cho niŋ kpɛɛluŋ.+
Paale yumbu yumboo cho kumbɔɔ kpu leŋ le cho ni,+ paale hɛliŋ le waŋnda nyɛpalaa tusioo choo leŋ.+
4 Muɛi faŋnde cho Ichipi chiŋalaŋ, nduyɛ mi Itoopiaa yɔŋnuŋ pulaŋ pulaŋ te a diu pɛ waŋnda Ichipi.
A cho lakɔŋnɔŋ a sul ndɔɔ, nduyɛ ma pesi pesi chiyuŋ ndɔŋ.+
5 Itoopiaa,+ Puti,+ Ludi, a mialaa cho nda tɛɛŋ nda kpou,*
Vɛlɛ a Kubi, latulu a wanaa cho o lɛŋnde kpema leŋ niŋnda,*
Nda kpou muɛi faŋnde cho nda chiɛɛluu.”’
6 Nyɛ Chɛhowa dimi wo cho hoo ni:
‘Wanaa cho Ichipi tooloo wa bɛɛ cho piɔmndo sɔla,
Okoŋ mi yoŋga Ichipi cho kiolɔɔ le kpaaya ndɔɔ wo tol toolo.’+
“‘Muɛi faŋnde cho nda diu o lɛŋnde ndaleŋ niŋ, chɔŋ Mikidɔɔ+ haaa kɔ Sayini.’+ Ya Chɛhowa, Mɛlɛka Kpuluŋguma Bɛndoo dimi lende ni. 7 ‘I cho tosa mi lɛŋnde ndaleŋ le simnuŋ pɔmndo mbo hiou lɛŋnde kɛ kɛ, nduyɛ mi chieeŋ ndaŋ bɛndoŋ simnuŋ pɔmndo mbo hiou chieeŋ bɛnduŋ kɛ kɛ.+ 8 Okoŋ a cho sina maa ya cho Chɛhowa ni, te I mal pɛ Ichipi o yiŋ, nduyɛ mi tɛɛmbuu lɛŋii yiinaŋ a ndu ve kpou. 9 O paale leŋ choo, I cho waŋnda yɔŋ o dɛndɛla bɛndula mamɛŋndaŋ niŋ le ma tosa mi Itoopiaa tiindaŋ hoo o ndupila niŋndo nyiiya. Paale kpundɔɔ cho hunɔɔ Ichipi choo leŋ, siooŋnde cho nda biyɔɔ, ma yɔŋnuŋ pulaŋ pulaŋ. Kanifuule paale leŋ le cho hunɔɔ kɛsɛ.’
10 “Nyɛ Chɛhowa, Mɛlɛka Kpuluŋguma Bɛndoo dimi wo cho hoo ni: ‘I cho tosa mi Nɛbukanɛɛsa* masaa le Babilɔŋ tɛɛmbuu faŋga bɛndu cho o Ichipi niŋndo.+ 11 Ndu nda puaa nduaa chɔuwaa kɔl vesɛiyaa bɛnduaa+ cho hunɔɔ o lɛŋnde Ichipi leŋ niŋ, ma tɛɛmbuu leŋ. A cho mɔɔŋ ndaŋ faŋndoŋ soli ma chiŋalaŋ Ichipi, okoŋ ma diu waŋnda mi dialuŋ vilɛiyoŋ wa ŋ hini lɛŋ lɛɛsiɛŋ.+ 12 Peela pɔmbɔla kɔ del o pioo Nail choo laŋ,+ I cho laŋ veeliaa sɛɛŋ, nduyɛ mi pisi lɛŋndeŋ wanaa dɛnɛ wɔɔŋnda o ba. I cho tosa mi mialla huŋ tɛɛmbuu lɛŋndeŋ a nyɛ o nyɛ cho leniŋ,+ okoŋ mi le lo pɔm. Ya Chɛhowa, yapila soo ni.’
13 “Nyɛ Chɛhowa, Mɛlɛka Kpuluŋguma Bɛndoo dimi wo cho hoo ni: ‘I cho vɛlɛ piɔmaa nɔɔlɛiya* tɛɛmbuu, nduyɛ mi faaŋiaa mɛlɛkaa fonduaa Nɔɔfi.*+ Fɛɛŋ bɛɛ laŋgbaa kalla* ve lɛ o lɛŋnde Ichipi leŋ niŋ te, nduyɛ mi tosa mi siooŋii bɛnduei wa o lɛŋndeŋ niŋ.+ 14 I cho tosa mi Patɔlɔsi simnuŋ pɔm,+ mi mal Sowaŋ o yiŋ, nduyɛ mi tusi Noo* nyɛpalaa choo.+ 15 I cho tumbe nuu hulɔɔ Siŋ choo, fondaŋ kala kala Ichipi tiindaŋ ndo, nduyɛ mi tɛɛmbuu faŋga bɛndu cho Noo wo. 16 I cho Ichipi malɔɔ o yiŋ. Siooŋii bɛnduei cho Siŋ biyɔɔ, mi yaamɔɔwa luɛi Noo, nduyɛ ma del Nɔɔfi* choo ipala deŋ. 17 A cho puaa feleŋguaa Ɔŋ* a Pibɛsɛti diu a muɛi faŋnde, nduyɛ ma kuɛ a wanaa cho loŋ nda o biyɔɔ niŋ. 18 Te I yem pɛ yɔm cho Ichipi o ikɛsu wo,+ nyumndaŋ ma cho tolɔɔ kpiŋgbi o Tafanɛsi niŋ. Yoŋga o cho kiolɔɔ le kpaaya ndɔɔ wo cho mɛɛlu,+ mi yumbu yumboo kumbu ndu kpu, nduyɛ mi wanaa cho o chieeŋ ndɔŋ bɛndoŋ niŋnda kuɛ o biyɔɔ niŋ.+ 19 I cho Ichipi nyɛpalaa tusi choo, okoŋ a cho sina maa ya cho Chɛhowa ni.’”
20 O wɔsi 11 niŋ paŋgii tasei malɔ le ŋɔmmɛu, mi Chɛhowa suaa naa ya chua aa: 21 “Po wanachioo, I yem Feloo masaa le Ichipi baa. A cho ndu yiu yiu a kola ipɛŋgɛ le mbo seŋgu le, le halikpeŋ o nɔla lɛ muɛi faŋnde chua a ndu le.”
22 “Lelaŋ nyɛ Chɛhowa, Mɛlɛka Kpuluŋguma Bɛndoo dimi wo cho hoo ni: ‘I cho Feloo masaa le Ichipi chiŋalaŋ,+ mi yimi ndu balaŋ. I cho ndu yomɔɔ ba cho kɛndiaa wo a o yom niŋndo,+ nduyɛ I cho tosa mi muɛi faŋnde fula ndu o ba mi i del.+ 23 I cho Ichipiaŋnda puusiaa ma saŋnuŋ o lɛŋnde niŋ.+ 24 I cho bala masaa le Babilɔŋ yoomuaŋ luei,*+ nduyɛ mi sɔɔ ndu muɛi nii faŋnde o ba.+ I cho Feloo balaŋ yimi mbo koŋul choo choo kpeleŋ a chaŋndo, mɛɛ waŋnda wa nuaa wuoo ndu* lachi yɛ. 25 I cho bala masaa le Babilɔŋ kindi poŋ, kɛ mi bala Feloo laŋ la vi doŋ. Te I sɔɔ pɛ masaa le Babilɔŋ muɛi faŋii nii o ba, mbo chiŋalaŋ lɛŋnde Ichipi leŋ a ndi,+ a cho sina maa ya cho Chɛhowa ni. 26 I cho Ichipiaŋnda puusiaa ma saŋnuŋ o lɛŋnde niŋ,+ okoŋ a cho sina maa ya cho Chɛhowa ni.’”