Karihngihn Moul in Pahyuck Lom an

Nuh sin Jeova wuhlelah ke pahyuck uh arlacna yohk srihpac. El fahk lah mukul ac muhtwacn pahyuck se enenuh in fungyang nuh sin sie sin sie pacl nuhkewa. (Mt. 19:5, 6) Oasr pahyuck wo ac engan inmahsrlon mwet luhn God uh. Tuhsruhktuh, pahyuck nuhkewa tiac suwohswohs. Oasr pacl ma upac uh ac sikyak. Kuht tiac enenuh in nuhnak oacna ke ma mwet pucspucs uh nuhnkuh kac muh fahsrelihk ac divorce pa wo in orek fin sie siacnyacn sun ma upac ke moul in pahyuck lalos uh. Mwet Christian suc pahyuck uh ac kuh in karihngihn fuhkah pahyuck lalos uh?

Nuhnkuh ke step yohk srihpac limekohsr inge.

1. Karihngihn insiom ke kom fahsr liki kuhtwena ohiyac oacna fihlacng nuh sin sie mwet suc kom tiac pahyuck nuh se, ac mwe ahkengan ma ahkkahlwemye orekma in kosro, mweyen ma inge kuh in ahkmuhnahsye sie moul in pahyuck.​—Mt. 5:28; 2Pet. 2:14.

2. Ahkkweye fototo lom nuh sin God, ac kwacfeacng yohk tuh moul in pahyuck lohm an mwe ahkinsewowo nuh Sel.​—Psa. 97:10.

3. Tahfwelah na in etahi Jeova ke nuhnak ac orekma lom, ac oruh orekma kuhlwacng finne ke inkacnek srihsrihk ma ac ahkfihsracsrye moul luhn mwet suc kom pahyuck nuh se.​—Col. 3:8-10, 12-14.

4. Sramsram pacl nuhkewa ke ma wo ac yohk srihpac nuh sin kais sie suwos, wi suhnak yohk nuh sin sie sin sie.​—Col. 4:6.

5. Ahkfalye ma kunom nuh sin mwet suc kom pahyuck nuh se wi luhngse yohk.​—1Cor. 7:3, 4; 10:24.

Ke mwet Christian ahkfuhlwactye pahyuck uh, elos oacyacpac ahkfuhlwactye Jeova suc oraclah oakwuck ke pahyuck.

LIYE VIDEO SE INGE WE MUST “RUN WITH ENDURANCE”​—OBEY THE RULES OF THE CONTEST, AC TOHKOHYANG TOHPOHKLAH KIHSEN SIYUCK EKAHSR TEN INGE:

• 

  Finne pahyuck se arlac wo ke muhtwacwacack ah, ma upac fuhkah kuh in sikyak?

• 

  Oakwuck wo luhn Bible uh kahsruh fuhkah elos suc puhla muh wacngihn luhngse ke moul in pahyuck lalos uh?

• 

  Masap fuhkah Jeova el oakiyac nuh sin mwet pahyuck uh?

• Tuh in wo moul in pahyuck uh, meac kewana mukul ac muhtwacn enenuh in oruh?