Yac Kom Luhngse in Apply nuhke School for Kingdom Evangelizers?

Yac matwom oasr ke yac 23 nuhke 65 ac kom oruh orekma in luti pacl nuhkewa? Yac oasr mahno fokoko lom, ac kom kuh in kuhlwacnsap ke yen ma oasr mwe enenuh yohk we? Fin top lom an nuhke kihsen siyuck inge pa ahok, yac oasr pacl kom nuhnkuh in nwacna nuhke School for Kingdom Evangelizers? Muhtwacwacack ke class se meet nwe ke pacl se inge, tausin sin mwet pahyuck, mukul lili ac muhtwacn lili lolacp elos nwacklah pwepuh nuh kac. Tuhsruhktuh, kuht enenuh mukul lili lolacp pucspucs in nwacna nuh kac. Siyuck sin Jeova elan ahkyohkye kena lom in ahkinsewowoyacl ac in etahi Wen nahtuhl. (Psa. 40:8; Mt. 20:28; Heb. 10:7) Tukun ma inge, nuhnkuh fin oasr kuhtuh kunohkohn kom enenuh in ahkpwacyeye, oacna kunohkohn nuhke sucu, ke orekma, kuh oasr misac lom ma kom enenuh in ahkfalye. Fin ohingacn, yac kom kuh in oruh kuhtwena ma in ahksuwohsye tuh kom kuh in wi kac?

Tukun elos eis mwe ahkpah wo ke u luhn Jeova, kain in orekma in kuhlwacnsap fuhkah ikacklah nuh selos? Kuhtuh sin mwet suc srolah kac, elos srihsrngiyucki in kuhlwacnsap ke acn ma kahs sahyac pa kahskahskihnyuck we kuh in fahkwack pweng wo ke siti luhlahp ma oasr mwet pucspucs we. Tok kuhtuh, kuhtuh selos kuhlwacnsap oacna substitute circuit overseer, circuit overseers, kuh field missionaries. Ke kom nuhnkuh finsrak lom ke orekma in kuhlwacnsap nuh sin Jeova, lwelah kom in fahk pac kahs lal mwet pahluh Isaiah inge: “Nga inge! Supweyula!”​—Isa. 6:8.

LIYE VIDEO SE INGE FIELD MISSIONARIES​—WORKERS IN THE HARVEST, AC TOHKOHYANG TOHPOHKLAH KIHSEN SIYUCK EKAHSR TEN INGE:

• 

  Suleyucklac fuhkah field missionary uh?

• 

  Orekma wo fuhkah field missionary uh oruh?

• 

  Meac kuhtuh mwe insewowo ke orekma in kuhlwacnsap luhn missionary uh?