Meac Ma Yohk Srihpac Emeet Nuh Sihk?

Jacob el apihrack nuh sin lipufacn se ke sie ma ma arlacna yohk srihpac, pa in eis mwe insewowo luhn Jeova. (Gen. 32:24-31; Hos. 12:3, 4) Na fuhkah nuh sesr? Yac kuht inse muhlahlah in oruh ke kuhiyacsr kewa in ahkos Jeova ac eis mwe insewowo lal? Ke sie mwe puhpuhlyuck, kuht fin ac sulaclah in wi ke miting luhn congregation, kuh orekmakihn pacl se inge in yohk ao ke orekma lasr in suk mwe enenuh, meac kuht ac sulaclah? Ke kuht sang nuh sin Jeova pacl, kuh ac ma lasr, el ac okoacma nuh facsr “kain in ma wo nuhkewa in arlacna yolyak.” (Mal. 3:10) El ac fah kol kuht, kahsre kuht ac karihngihn mwe enenuh lasr uh.​—Mt. 6:33; Heb. 13:5.

LIYE MWE LUHMAHLAH MA OASR KE VIDEO SE INGE STAY FOCUSED ON SPIRITUAL GOALS, AC TOHKOHYANG TOHPOHKLAH KIHSEN SIYUCK EKAHSR TEN INGE:

• 

  Muhtwacn lili se el srihkeyuck fuhkah ke sie ma suc el arlacna luhngse?

• 

  Orekma lasr kuh in sie mwe srihke nuh sesr fuhkah?

• 

  Efuh kuh Timothy el enenuh in tahfwelah na in oakiyac nien sun kuh finsrak lal uh el finne fokoko tari ke luhlahlfongi uh?​—1Tim. 4:16

• 

  Kuht ac ahkkahlwemye fuhkah lah meac “orekma yohk srihpac emeet lasr” uh?