MA SACOHK KE KAHS LUHN GOD | GENESIS 32-33

Yac Kom Kwacfeacng nuhke sie Mwe Insewowo?

In eis mwe insewowo luhn Jeova, kuht enenuh in kwacfeacng na pwacye in ahkpwacyeye lah orekma in kuhlwacnsap nuh sel pa ma yohk srihpac emeet ke moul lasr uh. (1Cor. 9:26, 27) Ke kuht kuhlwacnsuhpuh Jeova, kuht enenuh in ahkkahlwemye pac ohiyac wo lal Jacob ke el apihrack yurin sie lipufacn. Kuht ahkkahlwemye lah kuht kwacfeacng na pwacye in suk mwe insewowo luhn Jeova ke kuht . . .

Ahkolah na pwacye nuhke miting luhn congregation
Wi pacl nuhkewa nuhke orekma in fahkwack ac luti
Oruh ke kuhiyacsr kewa in kahsruh mwet lili ke congregation

Collage: Sie ninac fuhsr suc kahfofo. 1. El puhruhe meet liki el muhtwacwacack in oruh kuhtwena ma uh in lwen sac. 2. El kihte tuhlihk muhtwacn srihsrihk nahtuhl meet liki el som nuhke orekma in luti pweng wo. 3. El arlac engan in oruh orekma in fahkwack pweng wo wi tuhlihk muhtwacn luo nahtuhl ac muhtwacn lili ke congregation lal.

Finne kom oasr ke sie ohiyac ma arlacna upac, puhruhe pacl nuhkewa sin Jeova ke kahsruh ac suk mwe insewowo lal ke kom kwacfeacng yohk in kuhlwacnsuhpwacl.

SIYUCK SUM SIFACNA, ‘Ke ohiyac fuhkah ke moul luhk uh nga kuh in kwacfeacng yohk in eis mwe insewowo luhn Jeova?’