Jehovah El Luhngse Mwet Nwacsnwacs uh

“Ohllah poum. Ahknwacnwacsye infuckihl lom an. Purumelah infohk uh. Sislah kutkut an.” Puhs sin pahpah ac ninac suc luti tuhlihk nahtuhlos uh in nwacsnwacs ke mahno ac acn selos uh pacl nuhkewa. Tuhsruhktuh, oakwuck inge ke ohiyen nwacsnwacs ma tuhkuh sin God muhtahl se lasr inge. (Exo. 30:18-20; Dut. 23:14; 2Cor. 7:1) Kuht fin oruh mahnosr ac ma lasr nuhkewa in nwacsnwacs, kuht ahkfuhlwactye Jeova. (1Pet. 1:14-16) Ac fuhkah nuhke lohm ac acn sesr uh? Mwet uh sisi kutkut ke inkacnek uh, kuh ke acn in muhtwacta uh, tuhsruhktuh mwet Christian uh oruh ke kuhiyaclos kewa in oruh facluh se ma elos muhta kac inge in nwacsnwacs. (Psa. 115:16; Fwack. 11:18) Finne nuhke ma srihsrihk, oacna ke kuht sislah kulun candy, pihsin tin, kuh gum, ma inge kuh in ahkkahlwemye ohiyacsr ke moul in nwacsnwacs lasr uh. Ke ohiyac nuhkewa ke moul lasr uh, kuht luhngse in “fahkwack kacsr sifacna oacna mwet orekma luhn God.”—2Cor. 6:3, 4.

LIYE VIDEO SE INGE GOD LOVES CLEAN PEOPLE, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Meac kuhtuh srihpac ma pwacnacng mwet uh fahk muh elos tiac oruh ma lalos uh in nwacsnwacs pacl nuhkewa?

• Masap ma ituckyang nuh sel Moses ac ahkkahlwemye fuhkah nuhnak luhn God ke ohiyen nwacsnwacs?

• Kuht kuh in sang kaksak fuhkah nuh sin Jeova kuht finne tiac fahk kuhtwena ma?