Tuhkweni Oruh Orekma in Luti ke Acn in Forfor Ma Orekmakihn Kain in Kahs

Mwet uh kwacna luhngse in lohng pweng wo ke Tohkohsrahi uh, ke eltahl lohng ma inge ke kahs laltahl sifacna. Sahp, pa inge srihpac se pwacnacng ke Pentecost in yac 33, Jeova el oraclah oakwuck nuh sin “mwet Jew . . . suc tuhkuh liki muhtuhnfacl nuhkewa fin facluh” in lohng ke pweng wo ke “kahs luhn kais sie muhtuhnfacl” selos sifacna, finne kahs ma elos orekmakihn pacl nuhkewa uh pa kahs Hebrew kuh Greek. (Orek. 2:5, 8) Ke acn ma oasr kain in mwet muhta we ke pacl inge, congregation pucspucs ma oruh miting lalos ke kain in kahs sahp, acn in forfor lalos uh oasr ke acn se pacna inge. Fuhkah mwet lili ma oasr ke kain in congregation inge insese in akacsruhi in sang ma loh nuh sin mwet nuhkewa ke acn in forfor inge, ac in tiac som nuh we pacl nuhkewa kuh ke pacl sefanna ma ac kuh in pwacnacng eltahl in sruhngwaclah lohng?

• Sramsram nuh sin sie sin sie (Soa. 15:22): Service overseer uh enenuh in sramsram nuh sin sie sin sie ac suk inkacnek in luti pweng wo ma wo nuh sin congregation nuhkewa ma wi kac uh. Fin srihklac territory lalos an, congregation ma oruh luti la nuh sin mwet ke kahs sahyac uh ac sahp, luhngse kom in tiac muhtwacta nuh yurin mwet suc oasr ke acn in forfor lalos uh. Tuhsruhktuh, eltahl fin tiac kuh in ahksahfyelah acn in forfor laltahl an ke pacl nuhkewa, ke srihpen mwet inge fahsrelihk nuhke acn pucspucs, sahp eltahl luhngse kom in tiac ahluhkwelah kuhtwena lohm a kom in ahkkahlwemye nuh seltahl fin oasr mwet suc luhngse in lohng. (od-E sra 93 par. 37) Kuh, eltahl ac siyuck lah congregation lom an kuh in kahsreltahl in konwacack mwet suc kahskahskihn kahs laltahl an, ac address luhn mwet inge in ituckyang tuh in wi ke territory laltahl an. (km 7/12 sra 5, pohk) Esam lah ke kuhtuh pacl uh, oasr kain in kahs pucspucs ma kahskahskihnyuck ke lohm se. Oakwuck in orekma ke territory sacn enenuh in ahkos oakwuck ke masap ke pacl se kom orekmakihn information ke mwet uh.

• Akacsruhi (Eph. 4:16): Ahkos kahs in kolyuck ma utuckot nuh sum sin service overseer. Yac kom oruh lutlut Bible yurin sie mwet suc tiac kahskahskihn kahs ma congregation lom an orekmakihn? Sahp, mwet lutlut sacn el ac sa na in kapkapwack kom fin oraclah oakwuck yurin sie mwet ke sie congregation, kuh group se ma oan fototo ma kahskahskihn kahs lal in lutlut Bible nuh sel.

• Ahkolah (Soa. 15:28; 16:1): Fin sie mwet ke acn in forfor lom an el kahskahskihn kahs sahyac, oruh ke kuhiyom in sruhmuhn nuh sel ke pweng wo uh. Kom kuh in ahkolah ke kom konwacack lah, kahs fuhkah mwet ke acn sum an orekmakihn ac downloadiyac na meet lweng ke Bible, ac video pucspucs nuhke mobile device nuhtum an. Kom kuh pac in orekmakihn JW Language app in lotwelah kahs in paing ke kahs pucspucs inge.