Ahkkapye Ohiyen Forfor Lasr uh​—Ke Kuht Sramsram nuh sin Mwet Nuhkewa ke Acn in Forfor Lasr uh

EFUH YOHK SRIHPAC: Zechariah el palye lah mwet ke kain in kahs ke muhtuhnfacl nuhkewa ac fah luhngse in lohng ke pweng wo uh. (Zec. 8:23) Tuhsruhktuh, suc ac fah luti mwet inge uh? (Rom. 10:13-15) Pacl wo se lasr ac ma kunacsr in sruhmuhn ke pweng wo se inge nuh sin mwet nuhkewa ke acn in forfor lasr uh.​—od-E sra 84 par. 10-11.

OREK FUHKAH:

• Ahkolah. Yac oasr mwet suc kom sramsram nuh se ma siena kahs lal uh? Kom kuh in orekmakihn JW Language app in lotwelah ke kahs fihsracsr ma kuh in sramtwacack sie mwe sramsram. Kuh, in orekmakihn mobile device nuhtum an, kom kuh in ahkkahlwemye nuh sin mwet sacn lah fuhkah el kuh in konwacack pac ke kuhtuh ma ke kahs lal sifacna ke jw.org

• Lohacng ahkwoyac. Kom fin forfor ke sie lohm nuhke sie lohm, nikmet pihlesruh pacl wowo lom in sang ma loh nuh sin mwet suc fahsr ahliki kom kuh mwet suc muhta in sitosah an. Kom fin oruh orekma in luti ke yen ma oasr mwet pucspucs we, lihksreni lohacng nuhke finsrak lom in sang ma loh

• Moniyuck. Srihke tahfwelah na in sun mwet suc wacngihn ke lohm sel an ke muhtwacta se meet lom an. Kwacfeacng in sun sie mwet ke kais sie lohm, sahp ke sie pacna pacl ke lwen se kuh ke sie pacna lwen ke wik sacn. Kuhtuh sin mwet in lohm uh sahp ac wo kom fin sihm lwacta, pahngon ke telephone, kuh oruh orekma in luti ke inkacnek uh

• Tahfwelah na in fohlohk. Sa na in fohlohk in ahkkweye kena lal in lohng. Fin siena kahs luhn mwet sacn, srihke in konwacack sie mwet suc fal in kahsrel ke kahs lal an. Kom enenuh in tahfwelah na in fohlohk nuh yurin mwet sacn nwe ke pacl se ma oasr mwet lili se sahyac sonol suc etuh kahs lal an.​—od-E sra 94 par. 39-40

LIYE VIDEO SE INGE PREACHING IN “THE MOST DISTANT PART OF THE EARTH,” AC TOHKOHYANG, SRAMSRAMKIHN KIHSEN SIYUCK EKAHSR TEN INGE:

• Ahkolah fuhkah luhn mwet lili inge ma eltahl oruh in sun mwet ke acn in forfor ma oan srenglah? (l Cor. 9:22, 23)

• Ma upac fuhkah ma eltahl enenuh in kuhtanglah?

• Mwe insewowo fuhkah ma eltahl engankihn?

• Kwacfeacng fuhkah ma kom kuh in oruh in sun mwet pucspucs ke acn in forfor lom an?