MOUL LUHN MWET CHRISTIAN
Ohiyac Wo Ma Fal In Ahkkahlwemye ke Kuht Tu ke Sruhnguhl uh
Mwet Christian uh “sie mwe intoe nuh sin . . . mwet fin facluh nohfohn.” (l Cor. 4:9) Ke srihpac se inge, ma inge tiac mwe lut se nuh sesr lah kuhtuh sin mwet in lohm uh liye kuht ke winto uh, kuh eltahl lohng ke eltahl muhta luun lohm uh. Sahp, oasr camera ac microphone ke lohm sacn ma mwet in lohm sacn ac orekmakihn in liye, lohng ac sruokyac sramsram lasr uh. Pa inge kuhtuh inkacnek in ahkkahlwemye ohiyac wo ke pacl se kom oasr ke sruhnguhl uh.—ll Cor. 6:3.
KE OHIYAC LOM (Php. 1:27):
Ahkkahlwemye suhnak lom nuh sin mwet ke lohm sacn ke kom tiac yoryor nuh luun lohm sacn. Nikmet mongo, nihm, orekmakihn phone in pahng kuh text nuh sin mwet sahyac ke pacl se kom tu ke sruhnguhl an
KE OHIYEN SRAMSRAM LOM AN (Eph. 4:29):
Ke pacl se kom tu ke sruhnguhl an, nikmet fahk kuhtwena ma ma kom sruhnga mwet in lohm sacn in lohng. Oasr pac kuhtuh mwet lili suc tulokihnyac na sramsram lalos eltahl in muh kuh in tuhkweni nuhnkuh ke ma eltahl ke fahk an