Ahkkapye Ohiyen Forfor Lasr ke Kuht Muhtwacwacack Lutlut Bible Yurin Sie Mwet ke Kuht Tu ke Sruhnguhl ac Orekmakihn Pweng Wo Sin God Me!
Efuh Yohk Srihpac: Kuht enenuh in mwet luti ke Kahs luhn God tuh kuht in orek mwet tuhma lutlut. (Matthew 28:19, 20) Kuht nuhkewa kuh in luti ma pwacye uh ke kuht orekmakihn kuhfa nuhkewa ma ituckuh nuh sesr uh. Mwe rit se inge, Pweng Wo Sin God Me! oreklac tuh in mwe kahsruh se nuh sesr in luti ma pwacye uh nuh sin mwet sahyac. Kuht kuh in orekmakihn in muhtwacwack lutlut Bible yurin sie mwet ma kuht ohsun nuh se ke pacl se emeet, ke kuht tu ke sruhnguhl lal.
Orek Fuhkah:
• Kalweni mwe sramsram ke pohk.—Liye pac Orekma Luhn Tohkohsrahi Lasr March 2013.
• Fihliyac ma nuhtum sifacna ke mwe rit sacn lun bag in forfor lom an. Liye in oasr ac fal pihsen mwe rit ma kom ac kihte uh.
• Sramsramkihn sie kuh luo paragraph an ac muhta minit singucul kuh fototo liki.
Srihke ke Mahlwem Inge:
• Puhruhe siyuck in oasr kena lom in oruh sie lutlut an. Oacyacpac, siyuck kahsruh sin Jeova tuh kom in muhtwacwack sie lutlut Bible ah ac kom in mwet luti na wo se ke ma pwacye.—Philippi 2:13.
• Ke pacl in lutlut luhn sucu lom kuh ke lutlut lom sifacna, ahkpah in yohk tuh kom in etwaclah na pwacye mwe sramsram lom uh. Pwacnacng kom ac kuh in sramsram ke puhlaik ac muhtwacwack lutlut Bible ke sruhnguhl luhn mwet sacn ke pacl in forfor uh.
[Pohk sra 1]
Ke Pacl se Kuht Som Lohm nuh ke Lohm:
“Nga tuhkuh mihsenge ke srihpen mwet uh nuhnkuh lah meac ac fah sikyak nuh facluh. Kom nuhnkuh tuh ohiyen facluh ac wolac? [Lwelah elan top.] Mwet pucspucs eltahl lut in etuh lah oasr pweng wo in Bible ma acse finsrak nuh sesr. Pa inge kuhtuh kihsen siyuck ma Bible uh tohpohklah.” Sang nuh sel mwe rit sacn, ac siyuck sel elan sulaclah sie kihsen siyuck ke acn tohkoh an ma el luhngse emeet. Na, kom olanglah nuh ke mwe lutlut sac, ac ahkkahlwemye atacn lutlut uh. Oraclah oakwuck in sifwil fohlohk in sramsramkihn kihsen siyuck se tok ke mwe lutlut sacn.