“Mukul Tuhmwacl Etweyuck In Acn Sel”

Sie muhtwacn suc pah in ma nuhkewa el oraclah sie petsac wowo nuh sin mukul tuhmwacl uh. Ke lwen lal Tohkohsrah Lemuel ah, mukul pahyuck se suc oasr muhtwacn se kiac suc pah in ma nuhkewa el “etweyuck in acn sel.” (Soa. 31:23) Ke pacl inge, oasr mukul lili suc kuhlwacnsap oacna mwet elder ac ministerial servant. Eltahl fin pahyuck, kuhiyacn kuhlwacnsap laltahl uh ac kuh in orek fal nuh ke ohiyac wo ac kahsruh luhn muhtwacn kiacltahl uh. (I Tim. 3:4, 11) Arlacna ahksacohkyeyuck kain in muhtwacn pahyuck inge suc pah in ma nuhkewa, tiac sin mukul tuhmwacl muhkwena a oacyacpac ke congregation uh.

Muhtwacn pahyuck se suc pah in ma nuhkewa el kahsruh mukul tuhmwacl in kuhlwacnsap ke el . . .

• ahkkweyacl ke kahs kuhlwacng.​—Soa. 31:26

• engan in lwelah mukul tuhmwacl in oruh orekma lal ke congregation.​—I Thes. 2:7, 8

• moulkihn sie moul fihsracsr.​—I Tim. 6:8

• tiac siyuck sin mukul tuhmwacl ke kuhtwena ma tiac fal elan wi etuh kac ke congregation uh.—​I Tim. 2:11, 12; I Pet. 4:15