Luhlahlfongi Jeova ac Oruh Ma Wo

“Nik kom sok selos suc oruh ma suhfal”

37:1, 2

• Nik kom lwelah kuhtanglah luhn mwet kuluk ke kihtin pacl na in ahkkulukye kom ke orekma in kuhlwacnsap lom nuh sin Jeova uh. Lohacng ahkwoyac nuh ke mwe insewowo ac ma kom finsrakkihn ke orekma in kuhlwacnsap lom nuh sin God uh

“Luhlahlfongi in LEUM GOD ac oruh ma wo”

37:3

• Luhlahlfongi lah Jeova el ac fah ahkkweye kom ke kuhtwena ma upac kuh mwe fosrngah lom. El ac fah kahsre kom in sruokyacna oaru lom uh

• Oruh kom in kahfofo ke orekma in fahkwack pweng wo ke Tohkohsrahi luhn God uh

“Suk engan lom in LEUM GOD”

37:4

• Oakiyac pacl lom in riti Kahs luhn God ac nuhnkuh yohk kac. Nien sun lom uh pa in etwacllah Jeova yohk liki na meet ah

“Eiskomyang sifacna nuh sin Leum God”

37:5, 6

• Luhlahlfongi Jeova ke insiom kewa lah el ac fah kahsre kom in kuhtanglah ma upac lom an

• Sruokyacna ohiyac wo ke pacl ma kom sun ma upac, mwe kalyei kuh ke pacl ma mwet sahyac tiac kahlwem ke ma pwacye uh

“Kom in mongfihsracsr ac tuhpan ma LEUM GOD El fah oruh”

37:7-9

• Fahsr liki kuhtwena orekma ma ac kuh in eislah engan lom ac kuhnahoslah fototo lom nuh sin Jeova uh

“Mwet fakpacp ac fah usrui acn uh”

37:10, 11

• Suk fakpacp, ac mongfihsracsr in tuhpan Jeova ke el ac ahkwacngihnyelah orekma sesuwohs nuhkewa ma kom puhla uh

• Sang kahsruh nuh sin mwet lili wiyom, ac ahkkweye mwet inse toasr ke wuhlelah luhn God nuh ke facl sasuc se ma arlacna apkuhran me inge