Ma Pucspucs Ma Kuht Orekmakihn in Luti
1. Fuhkah mwet Christian suc fahkwack ke pweng wo eltahl oacna mwet ma suhmaht ac lwemlwem ke orekma luhn paho?
1 Kain in kuhfa pa mwet suhmaht ac lwemlwem ke orekma luhn paho uh orekmakihn. Kuhtuh kuhfwen orekma inge suhkwac orekmakihnyuck, tuhsruhktuh oasr ma kwacna orekmakihnyuck. Kain in mwet suhmaht ac lwemlwem ma pah ke orekma inge el ac us kuhfwen orekma na yohk srihpac inge ke mwe neinyuck kuhfwen orekma nahtuhl ac pa inge kuhfwen orekma ma el arlacna etuh orekmakihnyac. Bible uh ahkkweye kais sie mwet Christian in arlacna eisaclacng nuh ke orekma in luti ac elan “sie mwet orekma suc tiac enenuh in mwekihn.” (Luo Timothy 2:15) Piyac kac kuhfwen orekma se ma yohk srihpac emeet ke ma pucspucs ma kuht orekmakihn in luti? Kahs luhn God. Pa inge kuhfwen orekma se ma yohk emeet ma kuht orekmakihn in ‘oruh tuh elos in mwet tuhma lutlut.’ (Matthew 28:19, 20) Pwacnacng, kuht enenuh in eklac mwet na “pah ac wo ke orekma.” Tuhsruhktuh, oasr pac kuhtuh kuhfwen orekma sahyac ke ma pucspucs ma kuht orekmakihn in luti ma kwacna orekmakihnyuck pac. Mwet Christian nuhkewa enenuh in etwaclah ac pah in orekmakihn ma inge in luti mwet uh ke ma pwacye.—Soakas 22:29.
2. Piyac kac kuhfwen orekma in luti nahtuhsr ma arlacna yohk srihpac uh?
2 Kuhfwen Orekma in Luti Nahtuhsr Ma Arlacna Yohk Srihpac: Kain in kuhfwen orekma fuhkah kuht enenuh in orekmakihn, sahyacn Bible uh? Ma se emeet kuht orekmakihn in luti ma pwacye ke Bible uh pa puk se inge, Mea Baibel el Luti Na Paye? Tukun mwet se ahksahfyelah lutlut lal ke puk se inge, kuht sroacng nuh ke puk se inge “Keep Yourselves in God’s Love” tuh kuht in kahsrel in orekmakihn kahs in kahsruh luhn Bible uh ke moul lal. Pwacnacng, kuht enenuh in pahlah ke orekmakihnyen mwe rit luo inge. Oasr kuhtuh pac mwe rit sahyac ma enenuh in wi pac ke ma pucspucs ma kuht orekmakihn in luti. Sie sin kuhfwen orekma yohk srihpac ma kuht orekmakihn in muhtwacwack lutlut Bible nuh sin sie mwet pa Pweng Wo Sin God Me! Fin oasr mwet ke acn in forfor lasr ma tiac arlac kuh in rit kuh upac nuh seltahl in rit kuh mwet ma siena kahs la, na kuht ac kuh pac in orekmakihn Listen to God kuh Porongo God in Moul Ma Patpat. Sie ma kuht orekmakihn ke orekma in luti lasr in kol mwet lutlut lasr nuh ke u uh pa Who Are Doing Jehovah’s Will Today? Oasr pac video ma ac kuh in kahsruh orekma in oruh mwet tuhma lutlut, oacna Efuh Kom In Lutlut ke Bible?, What Happens at a Kingdom Hall?, ac Does God Have a Name? Pwacnacng pa inge kuhfwen orekma pucspucs ma kuht enenuh pac in etwaclah ac pah ke orekmakihnyac.
3. Meac mwet lutlut nuhkewa ke Orekma Luhn Tohkohsrahi Lasr ke pacl fahsruh uh ac fah kahsre kuht in oruh?
3 Mwe lutlut pucspucs ke Orekma Luhn Tohkohsrahi Lasr ke pacl fahsruh uh ac fah kahsre kuht in arlac pah ke orekmakihnyen mwe lutlut nuhkewa ke ma pucspucs ma kuht orekmakihn in luti. Ke kuht kwacfeacng in orekmakihn kuhfwen orekma nahtuhsr inge ke inkacnek wo, kuht oacyacpac ahkos kahs in kahsruh na wowo inge: “Kom in sifacna taran kom ac mwe luti lom. Ahkkweye kom in oruh na ma inge, mweyen kom fin oruh ohinge, kom ac sifacna molikomlac ac oacyacpac elos suc lohng kom.”—Sie Timothy 4:16.