“El Sulpac Wacngihn ke Lohm Sel!”

Yac kom nuh fahk tari ma inge ke sie mwet suc ahkkahlwemye lah el luhngse in lutlut? Finne kom srihke in sifwil pac muhtwacta yurin mwet sacn, kom koflah na ahksroksrokye fihtac luhn ma pwacye suc kom yukwiyac. (1 Corinth 3:6) Kuhtuh pacl uh, mwet lili suc pah tari ke orekma in forfor elos sihm lwacta nuh sin sie mwet suc kwacna wacngihn ke lohm se, kuh elos suhmuhslah note ac fihliyac ke sruhnguhl lal. Kuhtuh mwet lili elos tahfuh luo fin elos ac kuh in sifwil sun mwet se pwacnacng elos siyuck telephone number lal ac elos fahk ma inge, “Nga kuh in texti kom?” Ke kuht muhtwacta yurin mwet se kuh sang ma loh nuh sel ke inkacnek luhn lwacta, e-mail, text ke cell phone, fihliyac sie note ke sruhnguhl, kuh pahng ke telephone, kuht kuh in wek ma inge oacna sie return visit. Finne el suhkwac muhta ke lohm sel, kuht srackna kuh in ahkyohkye kena lal in eis etwacack.