Orekmakihn Web Site Lasr ke Orekma in Luti​—“Top Luhn Bible”

Ke jw.org ye “Mwe Luti luhn Bible,” oasr sie ip kac suc pahngpahng “Top Luhn Bible.” Kuht fin etuh kihsen siyuck pucspucs suc siyuckyuck pacl nuhkewa, kuht kuh in ahkkahlwemye nuh sin mwet in lohm in konwacack top luhn Bible ke Web site lasr inge. Kain in kihsen siyuck inge kuh pac in orekmakihnyuck in muhtwacwacack sramsram nuh sin mwet ke orekma in luti lasr uh. Kuht kuh in sulaclah sie kihsen siyuck ma mwet ke acn in forfor lasr elos luhngse. Siyuck sin mwet in lohm uh lah meac nuhnak lal kac, ac ahkkahlwemye nuh sel ma Bible el fahk, orekmakihn mwe ahkuhtweyac ma oasr ke jw.org. Tohkoh, kuht kuh in ahkuhtweyac kuh ahkkahlwemye lah kuht eis oyac top kac. Sie pac inkacnek wo pa in lwelah el in riti suwos ke Web site mwe top nuh kac. Muhtwacn kiyacn sie mwet liyacng congregation pucspucs el liye lah mwetuh luhngse in lohng ke el fahk ouinge, “Mwet pucspucs elos nuhnkuh, ‘Yac God pa srihpen mwe kweok suc kuht sun?’ Ke lusen minit se na, kom ke lohng top nuh kac?” Na, el sritaclkihn video se ma el downloadiyac nuh ke mobile device nahtuhl. El ahksahfyelah sramsram lal ke el ahkkahlwemye sapta 11 ke puk inge Baibel el Luti.