Kafweang in Akkalemye Kapkapek Lom
“Kom in alken in ma inge, a sifwana eskomyung nu ka; tu kapkapek lom in kalem nu sin met e nu kemwa.”—1 TIMOTE 4:15.
1, 2. Ma fuka kut etu ke moul lal Timote ke pal se el srakna fwusr a ke ma ekla sikyak ke pal se el yea 20 matwe?
KE PAL se el srakna tulik srisrik, Timote el muta in an Galatia, su ke pal inge eteyuk oana an Turkey. In an se inge, oasr congregation puspus oakiyuki we tokin yea puspus ke Jisus el mise tari. In pal se inge, Timote, nine kiyel, a nine matou kiyel elos mutawauk in wi ke alu lun met Kristian paye a elos arlana moniyuk ke orekma nukewa ke sie congregation. (2 Timote 1:5; 3:14, 15) Paye la Timote el insemwomwo ke moul lal oana sie met Kristian fwusr. Tusruktu, tia pat tokin pal se inge, oasr ma puspus su ekla.
2 Ma inge sikyak ke muteta akluo lal Poul nu ke an se inge. In pal san, saap Timote el srik liki yea 20 ku el yea 20 kutu. Ke pal se Poul el muteta we, saap in an Lystra, el long ke oiya mwomwo lal Timote la “oasr peng mwo kel yurin met lili” lun congregation in an se inge. (Orekma 16:2) Aok Timote el akkalemye la el kapkapek ke orekma in kulansap lal a fokoko ke lulalfongi lal fwinne el srakna fwusr. Ke kolyuk lun ngun mutal, Poul a u lun met elder nukewa in an se inge elos filiye paulos fwel Timote, a elos srusrngilye nu ke kunokon mwomwo ke congregation.—1 Timote 4:14; 2 Timote 1:6.
3. Kain in kunokon mwomwo fuka Timote el eis?
3 Oasr me solsol mwomwo su Timote el eis, a suliyuk el in welul Poul ke fwufwasryesr lal! (Orekma 16:3) Paye la Timote el arlana engun ke me solsol se inge! Ke lusen yea puspus toko, Timote el welul Poul ke fwufwasryesr lal a kutu pal el wi met lili saye, in akpayeye kunokon mwomwo in kasru met sap se inge a met elder puspus. Poul a Timote elos oru orekma in muteta nu in congregation puspus su sang kasru yok in akkeye met lili nukewa ke lulalfongi lalos. (Ridi Orekma 16:4, 5.) Ke ma inge, Timote el arlana eteyuk sin met Kristian puspus ke sripen kapkapek yok lal ke orekma in kulansap lal nu sin God. Tokin yea sengoul kutu su Timote el welul orekma, Poul el simusla nu sin met Kristian fwin an Filippai: “Tu wangin met yuruk oana el [Timote], su fwa arulana liaung ma lomwos in paye. . . . Komwos etu me akpayeye lal, tu, oana sie mwen yurin papa tumal, ouinge el wi yu orekma nu ke kapkapek lun mwosasu.”—Filippai 2:20-22.
4. (a) Kain in kunokon saoklana fuka itukyang nu sel Timote? (b) Kusensiyuk puspus fuka kut ku in siyuk ke kas lal Poul su oasr in 1 Timote 4:15?
4 Ke pal se Poul el simusla nu sin met Kristian fwin an Filippai, el sang nu sel Timote sie kunokon na saoklana, pa in srusrngiye met elder a ministerial servant puspus. (1 Timote 3:1; 5:22) Kalem la, Timote el kapkapek oana sie met liaung mwomwo ke congregation. Ne ouinge ke leta sepana inge, Poul el kaifwel Timote in ‘oru kapkapek lal in kalem nu sin met nukewa.’ (1 Timote 4:15) Ya Timote el soenna akkalemye kapkapek lal? Ke ma inge, mea kalmen kas la Poul inge, a fuka kut ku in eis ma lane yok ke kas in kasru lal inge?
Oiya Mwomwo lun Met Kristian Akkalemyeyuk
5, 6. Fuka oiyen nasnas ke orekma in alu lun met Kristian fwin an Efesus sensenkinyuk? A fuka Timote el ku in karungin oiyen nasnas lun congregation?
5 Lela kut in lutlutkin akmwoye fus saye puspus sisken 1 Timote 4:15. (Ridi 1 Timote 4:11-16.) Meet liki Poul el simusla kas inge, el som nu Macedonia tusruktu el siyuk sel Timote in mutana fwin an Efesus. Efu? Kutu sin met Kristian in siti se inge elos oru met lili ke congregation in wanginla nunak sefwanna lalos meyen elos luti ma kikiap. Timote el enenu in karungin oiyen nasnas lun congregation. Fuka el ku in akpayeye ma inge? El enenu in akkalemye me srikasrak mwomwo nu sin met Kristian nukewa elos in etawi.
6 Poul el simusla nu sel Timote: “Kom in me srikasrak nu selos su lulalfongi, in kas, in oiyen moul, in lungse, in lulalfongi, in nasnas.” Poul el fwak pa: “Kom in alken in ma inge, a sifwana eskomyung nu ka; tu kapkapek lom in kalem nu sin met e nu kemwa.” (1 Timote 4:12, 15) Oiyen kapkapek lal inge kalmekin nu ke oiya mwomwo lal Timote oana sie met Kristian, a kalmekin nu ke kutena kunokon ku mwal lal. Pa inge kain in kapkapek su met Kristian nukewa elos enenu in akkalemye.
7. Mea met nukewa ke congregation elos enenu in oru?
7 In pal se inge oana in pal lal Timote, oasr kain in kunokon puspus ke congregation. Kutu met lili elos kulansap oana met elder ku ministerial servant. Kutu elos wi ke orekma lun pioneer. Kutu met lili elos engunkin kunokon lalos oana met liaung su muteta ke congregation puspus, orekma in kulansap ke Bethel, ku oana missionary. Met elder puspus elos wi ke kain in akwuk in luti met lili, oana ke pal in assembly a toeni lulap puspus. Tusruktu, met Kristian nukewa, mokul, mutan, a met fwusr nukewa, elos ku in akkalemye kapkapek lalos ke orekma in kulansap nu sin God. (Mattu 5:16) Aok, in oana ke oiya su sikyak nu sel Timote, fwinne met Kristian su oasr kunokon saok lalos oana met liaung elos enenu in akkalemye nu sin met lili nukewa la elos kapkapek ke orekma in kulansap lalos nu sin God.
Me Srikasrak Mwomwo ke Kaskas
8. Mea kaskas lasr ku in oru nu ke akwuk lasr in alu nu sin God?
8 Sie oiya su Timote el enenu in akkalemye me srikasrak mwomwo pa ke kaskas lal. Fuka kut ku in akkalemye kapkapek lasr ke oiya se inge? Kaskas lasr el akkalemye mea oasr ke nunak a insiesr. Jisus el akkalemye ouinge: “Tu oalu kaskas ke ma puspus su on insie.” (Mattu 12:34) Tumalel se wiyel Jisus su pangpang Jemes el akilen la kaskas lasr el ku in sang kasru ku me akkoluk nu ke orekma lasr in alu nu sin God. El simusla: “Kutena met fwin nunku mu el met lun alu se inge, a el tia srukye loal, el sifwana kiapela insiel, a wangin sripen alu se inge yurol.”—Jemes 1:26.
9. Ke inkanek puspus fuka kaskas lasr el me srikasrak mwomwo?
9 Kaskas lasr el ku in akkalemye nu sin met lili ke congregation ke kapkapek lasr ke orekma lasr nu sin God. Ke ma inge, kut tia wi kaskaskin ma tia mwo, ma tia nasnas, kas in akkoluk, ku kas in aktoasrye kutu met. A met Kristian su mwo oiya elos kafweang in kaskaskin kas in kasru, kas in akkeye, a kas su ku in akpwarye met lili. (Soakas 12:18; Efesus 4:29; 1 Timote 6:3-5, 20) Kut fwin akola pal nukewa in sang me top mwomwo nu sin met puspus su lain akwuk mwomwo lun God. A kut fwin akkalemye la kut lungse na paye in moulkin masap nukewa lun God, ma inge ku in akkalemye lungse yok lasr nu sin God. (Rom 1:15, 16) Met puspus su mwo insielos fwa liye a akilen ke inkanek mwomwo su kut orekmakin ke me sang in kaskas a elos ku in etawi me srikasrak lasr.—Filippai 4:8, 9.
Me Srikasrak ke Ella Mwo a Oiya Nasnas
10. Efu ku lulalfongi paye el yok sripe nu ke kapkapek lasr oana met Kristian?
10 Sayen kaskas mwo su met Kristian elos enenu in akkalemye, oasr pa ma eneneyuk saye. Fwin sie met el kaskaskin ma sumwos tusruktu tia oru ma sumwos inge, el oana sie met su orek luma mukena. Poul el etu na paye ke oiya tia paye lun met Farisi a ke me akkoluk su tuku ke orekma koluk lalos. Pal puspus, el sang kas in sensen nu sel Timote ke oiya tia paye inge a lungse na in orek luma. (1 Timote 1:5; 4:1, 2) Tusruktu Timote el tia met mwosounkas se. Ke leta akluo lal nu sel Timote, Poul el simusla: “Nga sifwil esam lulalfongi paye su on in kom.” (2 Timote 1:5) Ne ouinge, Timote el enenu in akkalemye oiya mwomwo a paye lal oana sie met Kristian nu sin met puspus. El enenu in akkalemye me srikasrak mwo ke ella a oiya mwo lal.
11. Mea Poul el simusla nu sel Timote ke me kasrup?
11 Ke leta luo lal nu sel Timote, Poul el sang kas in kasru nu ke oiya puspus. Ke sie me pupulyuk, Timote el enenu in fwasr liki orekma in suk me kasrup pal nukewa. Poul el simusla: “Tu lungse mani okan kain koluk nu kemwa, a kutu, ke elos suk ma inge, elos tafongla liki lalalfongi, a sifwana fwaksilosi ke me asor puspus.” (1 Timote 6:10) Lungse ke me kasrup ku ma saok puspus lun fwalu el me akul la sie met el arlana munas ke orekma lal nu sin God. Ke luma saye, met Kristian nukewa su lungse in akfwalye ma oasr yurolos, a engun ‘fwin oasr yurolos me mongo a nuknuk,’ elos akkalemye la elos kapkapek na paye ke orekma lalos nu sin Jeova.—1 Timote 6:6-8; Filippai 4:11-13.
12. Kut ku in akkalemye fuka kapkapek ke moul lasr sifwana?
12 Poul el fwak pa nu sel Timote la arlana yok sripe nu sin mutan Kristian nukewa elos in “nukomang nuknuk fwal a tia ratrat, wi tonong a efwal.” (1 Timote 2:9) Mutan nukewa su mwo oiya a efwal ke sulela lalos ke nuknuk a me yun lalos, a ke oiya saye puspus ke moul lalos sifwana, elos akkalemye me srikasrak mwomwo. (1 Timote 3:11) Akwuk mwomwo inge el fwal pa nu sin mokul Kristian nukewa elos in orekmakin pa. Poul el kaifwe met liaung nukewa elos in “efwal, sumwos a mwo oiya.” (1 Timote 3:2) Kut fwin akkalemye oiya mwomwo inge nukewa ke moul lasr len nukewa, paye la kapkapek lasr fwa akkalemyeyuk nu sin met nukewa.
13. In oana Timote, kut ku in akkalemye fuka me srikasrak ke oiyen moul nasnas?
13 Timote el enenu in me srikasrak ke oiyen moul nasnas. Ke pal se Poul el orekmakin kas inge, el akkalemye ke sie oiya, in moulkin moul fokfok ku kosro. Yokna ke orekma lal Timote in sramsram a asrouki nu sin mutan puspus, el enenu in arlana efwal a wangin meta. El enenu in akkalemye nunak mwomwo nu sin ‘mutan matu oana nine kiel, mutan fwusr oana ma loul, in nasnas nu kemwa.’ (1 Timote 4:12; 5:2) Aok orekma lun kosro su orek ke lukma el lemtalaiyuk nu sin God, a tia pat met puspus elos ku in etu pa ma inge. Tusruktu paye pa la orekma mwomwo lun met Kristian ku in eteyuk pa. (1 Timote 5:24, 25) Met lili nukewa ke congregation oasr pal mwomwo lalos in akkalemye kapkapek lalos ke ella mwomwo a oiya nasnas.
Lungse a Lulalfongi Arlana Yok Sripe
14. Fuka ma simusla el akkalemye yok ke ma eneneyuk in oasr lungse inmasrlos?
14 Lungse pa oiya mwo emeet lun met Kristian paye. Jisus el fwak nu sin met tuma lutlut nukewa lal: “Ke ma se inge met e nu kemwa fwa etu tu komwos met tumuk lutlut, komwos fwin lungsumwos sie sin sie.” (Jon 13:35) Kut akkalemye fuka kain in lungse inge? Kas lun God el kaifwe kut in “mongfusrasr nu sin sie sin sie ke lungse,” a in ‘kulang nu sin sie sin sie, ke mwo insiesr, nunak munas nu sin sie sin sie.’ (Efesus 4:2, 32; Hibru 13:1, 2) Met sap Poul el simusla: “Ke lungse met lili komwos in lung nu sin sie sin sie.”—Rom 12:10.
15. Efu ku lungse el yok sripe nu sin met nukewa, yokna nu sin met Kristian elder?
15 Fwin Timote el sulallel ku tia kulang nu sin met Kristian wiyel, ma inge ku in kunausla fwako mwomwo su el akpayeye oana sie met luti a sie met liaung. (Ridi 1 Korint 13:1-3.) Ke luma saye, lungse paye lal Timote nu sin met lili wiyel nukewa, wekunang oiya kulang lal a orekma mwomwo in kasrelos el akkalemye yok ke kapkapek lal ke fototo lal nu sin God. Ke ma inge, arlana fwal la ke leta lal nu sel Timote, met sap Poul el akkalemye la lungse el sie ke oiya puspus su Timote el akkalemye me srikasrak mwomwo ka.
16. Efu ku Timote el enenu in akkalemye lulalfongi fokoko?
16 Ke pal se el oasr fwin an Efesus, lulalfongi lal Timote el srufweyuk. Oasr kutu met su akkeye me luti su tia fwal nu ke akwuk lun ma paye lun met Kristian. Kutu met elos fwakelik “me sramsram lusrongten” ku elos suk ke kain in nunak a me luti su tia sang kasru nu ke kapkapek lun congregation lun met Kristian. (Ridi 1 Timote 1:3, 4.) Poul el akkalemye met nukewa inge oana met “fulang a tia etu kutena ma, a arulana lungse me siyuk a akukuin ke kas.” (1 Timote 6:3, 4) Ya Timote el lungse pa in orekmakin me luti koluk inge su aksensenye congregation? Mo, meyen Poul el kaifwel Timote elan “meuni meun mwo lun lalalfongi” a forla liki “sramsram lusrongten a ma lain etauk, su pangpang ‘etauk’ in kikiap.” (1 Timote 6:12, 20, 21) Wangin alolo ka la Timote el akos kas in kai mwomwo lal Poul.—1 Korint 10:12.
17. Fuka lulalfongi lasr ku in srufweyuk ke pal inge?
17 Oasr ma fwakyuk nu sel Timote la “in pal toka kutu fwa putatla liki lalalfongi, a porongo ngun kikiap a me luti lun dimonu.” (1 Timote 4:1) Met nukewa ke congregation, wekunang met liaung nukewa, elos enenu in oana Timote su akkalemye lulalfongi fokoko. Orekma lasr in kafweang in tu ku a lain me luti kikiap nukewa, kut ku in oru kapkapek lasr sifwana a akkalemye me srikasrak ke lulalfongi mwomwo.
Kafweang in Akkalemye Kapkapek Lom Sifwana
18, 19. (a) Fuka kom ku in akkalemye kapkapek lom nu sin met nukewa? (b) Mea fwa akuteyuki ke me lutlut toku?
18 Kalem la, kapkapek lun sie met Kristian paye el tia ke sripen atel ku lumal sifwana, ku ke lalmetmet a sumat lal, ku ke oiyen pengpeng lal. A fwinne sie met Kristian ke congregation su kulansap tari ke lusen pal loeloes saap el tia oru kapkapek ke moul lal. A, kapkapek paye ke orekma in kulansap lasr el akkalemyeyuk ke kut akos Jeova, ke nunak lasr, ke kaskas lasr, a ke ella lasr. (Rom 16:19) Kut enenu in porongo masap in akkalemye lungse nu sin sie sin sie a in akkeye lulalfongi fokoko. Aok, lela kut in nunku yok ke kas lal Poul nu sel Timote a in orekmakin ma inge tu kapkapek lasr in kalem nu sin met nukewa.
19 Siepa oiya mwomwo su akkalemyeyuk ke kapkapek lasr ke orekma in kulansap lasr nu sin God pa engun, su oiya se inge el fwako lun ngun mutal lun God. (Galetia 5:22, 23) Me lutlut toko fwa akkalemye ke inkanek mwomwo su kut ku in akkeye a sruokye pal nukewa engun lasr ke lusen pal in ma upa inge.
Kom E Topuk Fuka?
• Mea met puspus elos ku in lotela kesr ke inkanek lun kas lasr?
• Fuka kapkapek lasr akkalemyeyuk ke ella mwomwo a oiyen moul nasnas lasr?
• Efu ku met Kristian elos enenu in me srikasrak mwomwo ke lungse a lulalfongi?
[Picture on page 13]
Timote el akkalemye oiya mwomwo lal fwinne ke el srakna fwusr
[Picture on page 15]
Ya kapkapek lom el kalem nu sin met puspus saye?