Ma Upa Fwin Fwalu Nufon, Me Top Nu Ka

ME KEOK ku in liyeyuk yen nukewa, a met puspus su pulakin pakoten elos kasru met puspus su sun me keok. Ke sie me pupulyuk, taktu ku met orekma ke loom ono elos orekma ke lusen pal loes ke loom ono in sang kasru nu sin met mas ku met su musalla mano. Met puspus su orekma oana firefighters, police, met sroasr masap, a met su orekma ke ambulance in sang kasru met mas elos kafweang in aksrikyela ku kosrala me keok lun met puspus. Kain in kafweang inge sang kasru yok nu sin met puspus, tusruktu wangin ku lun kutena met ku u in akwanginyela me keok fwin fwalu nufon. Ke luma saye, God el ku in akwanginyela me keok nukewa a el fwa akpayeye ma inge fwin fwalu nufon.

Kut ku in koneak wulela inge ke buk safla lun Baibel: “[God] el fwa ela sroninmutalos nu kemwa, a a fwa wangin pa mise, a elos fwa tia sifwil asor, ku tung, ku ngal. Tu ma meeta wanginla.” (Fwakyuk 21:4) Nunku akmwoye ke wulela inge la met ekasr fwa akinsemwomwoyeyuk ka. Wulela inge el akuteye ke inkanek fototo akwuk lun God in aksafyela me keok nukewa. El efwa oru ma inge ke inkanek in akwanginyela meun, sral, mas, a nununku sesumwos, wekunang met koluk nukewa. Wangin kutena met ku in akpayeye ma inge.

Mea Togusrai lun God E Fwa Oru

God el fwa akpayeye wulela nukewa lal ke inkanek lun met kol fulat akluo in kosrao a fwin fwalu, Jisus Kraist. Pal se e fwa tuku ke Jisus el fwa kol oana sie Togusra su a fwa wangin me lain fwin fwalu nufon. Metu elos tila muta ye koko lun met oana togusra, president, ku met kol lun politic. A, elos fwa muta ye kolyuk lun sie Togusra a sie guferment, a guferment se inge pa Togusrai lun God.

Togusrai se inge fwa akwanginyela guferment nukewa lun metu. In pal meeta, Baibel el palye: “God in kosrao fwa tulokunak sie togusrai su fwa tia na kunausyukla. Ku filiye mwal ka nu sin siepa mutanfwal. A a fwa musalsallu a kanausla togusrai inge nu kemwa, a a fwa tu ma patpat.” (Daniel 2:44) Met fwin fwalu nufon fwa tukeni nu sie in inse sefwanna ye koko lun sie guferment sumwosmwos, ke Togusrai lun God.

Ke pal se ma el oasr fwin fwalu oana sie met, Jisus el kaskas ke pal puspus ke Togusrai se inge. El akkalemye ma inge ke pre lun Leum, a el sapkin met tuma lutlut lal in pre ke inkanek ouinge: “Togusrai lom in tuku. Ma lungse lom in orek, oana in kosrao, ouinge fwin fwalu.” (Mattu 6:10) Loang akmwoye la Jisus el akkalemye la Togusrai se inge el kupasr nu ke ma lungse lun God in orek fwin fwalu, a ma lungse lun God in akwanginyela me keok fwin fwalu nufon.

Guferment sumwosmwos lun God fwa use me insemwomwo puspus nu sin met su wangin kutena guferment lun met ku in oru. Esam la Jeova el sang Mwen natul oana me lango ku me molela tu metu ku in eis moul ma patpat. Ye kolyuk mwomwo lun Togusrai inge, metu fwa eis me kasru yok nu ke pal se elos ekla met sumwosmwos. Mea fwokin ma inge? Jeova el fwa “nuna okomla mise nu tok, a Leum Jeova el fwa ela sronin met liki muta nu kemwa.”—Isaia 25:8.

Kutu met ku in siyuk: ‘Efu ku God el tia aksafyela me keok meeta in tia oan nu ke pal inge? Mea el sano an?’ Jeova el ku in akwanginyela ku el ku in tulokinye me keok nukewa fwinne in pal meeta. Tusruktu, el lela me keok in oasr ne ke pal inge, tia in akinsemwomwoyel sifwana, a nu ke me insemwomwo ma patpat lun tulik natul nukewa. Papa a nine kulang fwa lela tulik natulos in sun ma upa puspus fwin elos etu la ma inge fwa use me insemwomwo ma patpat. Ke inkanek ouinge, oasr sripe mwo puspus efu ku Jeova el lela metu in sun me keok ke kitin pal na, a Baibel el akuteye sripe mwo puspus inge. Ma puspus inge pa sukosok in oru sulela, ma koluk, a ke kas in lain nu ke sumwosiyen kolyuk lun Jeova. Baibel el akuteye pa la, ke kitin pal na, Jeova el lela ma orekla in ngun koluk se inge in kol fwalu.a

Fwinne kut tia ku in akuteye sripe nukewa ka in sra in me rid se inge, tusruktu oasr ma paye luo su ku in use nu sesr fwinsrak a me akkeye. Ma se meet pa: Jeova el fwa akinsemwomwoye kut yok liki kutena me keok su sikyak nu sesr. Sayen ma inge, God el wulela nu sesr: “Ma meeta fwa tia esamyuk, ku nunkauk ka.” (Isaia 65:17) God el fwa akwanginyela asor a me keok ke inkanek nukewa a pal nukewa su tuku ke kitin pal su el lela ma koluk.

Pa inge ma paye akluo: God el oakiye tari sie pal su tia ku in ekulyukla in aksafyela me keok. Esam la met palu Hebakkuk el siyuk la putaka Jeova el fwa lela orekma sulallel a alein. Jeova el topuk: “Tu aruruma se inge srakna on nu ke pal pakiyuki . . . A fwa tia pat.” (Hebakkuk 2:3) Oana kut fwa liye ke me lutlut toko, la “pal pakiyuki” apkuran me.

[Footnote]

[Petsac ke sra 7]

Ma Simusla Su Akkalemye ke sie Pal Mwomwo Fwasru

WANGINLA MEUN:

“Fwasru, liye orekma lun Jeova, kunausten su el orala fwin fwalu. El aksafyela meun nu ke saflaiyen fwalu.”—Sam 46:8, 9.

MET MISE SU KUT LUNGSE ELOS SIFWIL MOULYUK:

“A fwa oasr sifwil moulyuk nu sin met sumwos a met sesumwos.”—Orekma 24:15.

MONGO NU SIN MET NUKEWA:

“A fwa pus korn fwin fwalu fwin mangon eola.”—Sam 72:16.

WANGINLA MAS:

“A met su muta we fwa tia fwak, ‘Nga mas.’”—Isaia 33:24.

WANGINLA MET KOLUK:

“A met koluk fwa mwotla liki fwalu, a met kutasrik fwa fufyuk liki.”—Soakas 2:22.

EFWA OASR NUNUNKU SUMWOS:

“Liye! Sie togusra [Kraist Jisus] fwa leum in sumwosmwos, a met leum fwa leum in nununku sumwos.”—Isaia 32:1.

[Petsac ke sra 7]

Togusrai lun God fwa aksumwosye kutena me keok su kut pula