Fuka Liye Lasr Nu Sin Kutu Met Ke Kut Akilen La Len Lun Jeova Apkurun?

“Jeova el tia patla ke mwoleaung lal, . . . tu el mongfwusesr nu sumwos, meyen el tia lungse tu kutena in tula a tu met nu kemwa in auliyuk.”​—2 PITER 3:9.

1, 2. (a) Fuka liye lun Jeova nu sin met ke pal inge? (b) Kain in kusensiyuk fuka kut ku in siyuk sesr sifwanu?

MET kulansap lun Jeova nu kemwa oasr kunokon in “oru met tuma lutlut in mutanfwal nu kemwa.” (Mattu 28:19) Ke kut oru kunokon inge a sano “len lulap lun Jeova,” kut enenu in liye kutu met fwal nu ke liye lal. (Zefenaia 1:14) A fuka liye lun Jeova nu sin kutu met? Met sap Piter el fwak: “Jeova el tia patla ke mwoleaung lal, oanu kutu nunku patla, tu el mongfwusesr nu sumwos, meyen el tia lungse tu kutena in tula, a tu met nu kemwa in auliyuk.” (2 Piter 3:9) God el nunku la oasr ku lun kais sie met in auliyuk. El “lungse tu met e nu kemwa in moliyukla, a tuku in etu ma paye.” (1 Timote 2:4) Aok, Jeova el insemwomwo ke pal se “met koluk el forla liki inkanek lal a moul”!​—Ezekiel 33:11.

² Ya kut akesrui nu sin Jeova ke ma el nunku nu sin met? Oanu el, ya kut nunku la oasr pal mwo lun met nu kemwa ke mutanfwal nu kemwa in ekla “sip lun imae lal”? (Sam 100:3; Orekma 10:34, 35) Lela kut in tuni me srikasrak luo su akkalemye ma saok su tuku ke nunuk lun God. Ke luma luo inge, kunanela arulanu apkurun, a met kulansap lun Jeova elos eis lutlut ke ma se inge ke pal sa. Me srikasrak inge arulanu yok sripe ke kut sano len lun Jeova.

Ebream El Srukye Nunuk lun Jeova

3. Fuka liye lun Jeova nu sin met nu kemwa su muta in an Sodom a Gomorra?

³ Me srikasrak se meet el sramsram kel Ebream sie met patriarch oaru a ke siti koluk lun Sodom a Gomorra. Ke pal se Jeova el long “tung yok lun Sodom a Gomorra,” el tia silaklak in kunausla siti se inge a met nu kemwa su muta we. A, el liye meet fwin paye orekma lalos. (Genesis 18:20, 21) Lipufon luo el supwela nu Sodom, a elos muta nu ke loom sel Lot sie met sumwos. Ke fong se ma lipufon inge elos tuku, “met lun siti se inge . . . elos raunela loomu, met matu a met fwusr, met e nu kemwa liki yen nu kemwa,” meyen elos lungse in on yurin lipufon oanu mokul nu sin mokul. Arulanu kalem, oiye fokfok lun met nu kemwa su muta ke siti se inge sang me akpayeye la elos fwal in kunausyula. Aok, lipufon el siyuk sel Lot: “Oasr pa sou lom yenu? Met su mari nu sin an nutum a mwen nutum, a kutena ma lom in siti se inge, wiselos me liki an se inge!” Jeova el ikasla inkanek in molela kutu met ke siti se inge, tusruktu ke saflaiye, Lot a tulik mutan luo nutul mukena pa kaengla liki an inge ke pal in kunanela lal.​—Genesis 19:4, 5, 12, 16, 23-26.

4, 5. Efu ku Ebream el srike in molela met su muta in an Sodom, ya ma el nunku inge nu sin kutu met fwal nu ke ma Jeova el nunku?

⁴ Inge, lela kut in folokla nu ke pal se Jeova el akkalemye plan lal in liye meet fwin paye orekma lun Sodom a Gomorra. Ke pal inge Ebream el kusensiyuk nu sel: “Fwin oasr lumngoul met sumwosmwos in siti se. Ya kom fwa kunausla a tia likiye meyen lumngoul met sumwosmwos su muta lu? Lela in loes liki Kom in oru ou inge, in uniye met sumwosmwos wi met koluk, a tu in oanu sie met sumwosmwos a met koluk! Lela in loes liki Kom. Ya Met Nununku lun fwalu nu fon el e fwa tia oru ma sumwos?” Ebream el orekmakin kas se inge “lela in loes liki kom” pal luo. Ke experience lal inge, Ebream el etu la Jeova el tia kunausla met sumwos wi met koluk. Ke pal se Jeova el fwak la el tia kunausla Sodom fwin oasr “lumngoul met sumwosmwos su muta ke siti,” Ebream el aksupusye pisen met inge nu ke na el sun ma siengoul na.​—Genesis 18:22-33.

⁵ Ya Jeova el porongo kas in siyuk lal Ebream fwin ma inge tia fwal nu ke ma lungse lal? Kalem la el tia oru ou inge. Oanu “kamwuk lun Jeova,” Ebream el etu a wi insese ke nunuk lun Jeova. (Jemes 2:23) Ke pal se Jeova el forla nu Sodom a Gomorra, el insemwomwo in oru me siyuk lun Ebream. Efu? Meyen Papa tumasr in kosrao el “tia lungse tu kutena in tula, a tu met nu kemwa in auliyuk.”

Nunuk Lal Jona Nu Sin Met​—El Siena Liki

6. Fuka met Nineve elos loang nu ke kas lal Jona su el sulkakinyuk?

⁶ Inge, loang nu ke me srikasrak akluo​—me srikasrak lal Jona. Ke me srikasrak inge, siti se su e fwa kunausyukla pa Nineve. Sapkinyuk nu sel met palu Jona in akkalemye la ma koluk lun siti se inge ‘utyuk tari ye mutun Jeova.’ (Jona 1:2) Wikin an srisrik puspis lal, an Nineve el sie siti lulap, “su len tolu in fwasr we.” Ke saflaiye, ke pal se Jona el akos a utyuk nu ke an Nineve, el kaifweung in sulkakin: “Len angoul na lula, a Nineve fwa kunausyukla.” Ke ma inge, “met Nineve lalalfongi God, a elos sulkakinelik sie lalo a nukomang nuknuk yok eou.” Togusra lun an Nineve el wi pa auliyuk.​—Jona 3:1-6.

7. Fuka liye lun Jeova nu sin met Nineve su auliyuk?

⁷ Ma sikyuk inge tia oanu sie ke ma sikyuk in an Sodom! Fuka nunuk lun Jeova nu sin met Nineve su auliyuk? Jona 3:10 el fwak: “A God el auliyuk ke ma koluk su el fwak tu el fwa oru nu selos; a el tia oru.” Jeova “el auliyuk,” kalmen ma inge pa el ekulla plan lal nu sin met Nineve meyen elos ekulla inkanek in moul lalos. Akmwuk mutal lun God tia ekla, tusruktu Jeova el ekulla plan lal ke pal se el liye la met Nineve elos auliyuk.​—Malakai 3:6.

8. Efu ku Jona el supwar?

⁸ Ke pal se Jona el akilen la met Nineve elos tia anwuki, ya el liye ma sikyuk inge fwal nu ke nunuk lun Jeova? Mo, meyen akkalemyeyuk nu sesr la: “Jona el arulanu tia insemwomwo, a el mulat.” Mea pa Jona el oru? Me sramsram inge el fwak: “El pre nu sin Jeova a fwak: ‘Nga kaifwe nu sum, O Jeova, ya tia ma inge kas luk, ke Nga srakna muta in fwal sik? Ke ma inge Nga sa kaengla nu Tarsis; tu Nga etu tu kom sie God kulang, a pakoten, pat nu ke mulat, a yok in lungkulang, a kom auliyuk ke ma koluk.’ ” (Jona 4:1, 2) Jona el etu oiye mwo puspis lun Jeova. Tusruktu ke pal inge, met palu Jona el supwar a el tia akesrui ke ma God el nunku nu sin met su muta in an Nineve su auliyuk.

9, 10. (a) Kain in me lutlut fuka Jeova el sang ke inkanek lal Jona? (b) Efu kut ku in fwak la ke saflaiye Jona el srukye nunuk lun Jeova nu sin met Nineve?

⁹ Na Jona el illa liki Nineve, a oru sie imwen aktuktuk, a muta ye lul, nu ke pal el fwa ku in liye ma e fwa sikyuk nu ke siti sa.” A Jeova el ako soko sak gourd tu in sie lul fwin sifwel Jona. Tusruktu, tokin sie len, sak soko inge masla. Ke pal se Jona el mulat ke ma sikyuk inge, Jeova el fwak nu sel: “Kom pakomuta sak gourd soko . . . A tia fwal nu sik in pakomuta Nineve, siti lulap se, yen pus liki siefok longoul tausen met muta we, su koflanu akilen lepaulos leyut a lepaulos lese; a ouyepa kosro puspis?” (Jona 4:5-11) Sie me lutlut yok na paye pa inge nu sel Jona ke nunuk lun Jeova nu sin met!

¹⁰ Topuk lal Jona ke kas lun God su akkalemye pakomuta nu sin met Nineve tia simusyukla ke record. Aok, arulanu kalem la met palu se inge el ekulla nunuk lal nu sin met Nineve su auliyuk. Kut ku in fwak ou inge meyen Jeova el srakna orekmakunal in simusla me sramsram inge su etuku ke ngun lun God.

Kain in Oiye Fuka Kom Akkalemye?

11. Kain in nunuk fuka saap Ebream el akkalemye nu sin met su moul ke len inge?

¹¹ Ke len inge kut tu ye mutun siepa pal in kunausla​—lun akmwuk koluk inge ke len lulap lun Jeova. (Luk 17:26-30; Galetia 1:4; 2 Piter 3:10) Fwin Ebream el moul ke len inge, oiye fuka el akkalemye nu sin met nu kemwa su moul ke fwal se inge su e fwa kunausyukla ke pal na futoto? Kalem la el arulanu nunku ke met nu kemwa su sonna long ke “peng mwo lun togusrai.” (Mattu 24:14) Ebream el kaifweung in siyuk sin Jeova in molela met sumwos in an Sodom. Ya kut nunku yok ke met su akola in akkalemye srunga nu ke akmwuk lun fwal se inge su muta ye koko lun Setan fwin etukyung nu selos pal mwo in auliyuk a kulansap nu sin God?​—1 Jon 5:19; Fwakyuk 18:2-4.

12. Efu ku arulanu fwusesr in akkapye sie kain in oiye oanu oiye lal Jona nu sin met su kut osun nu se ke orekma lun forfor, a mea kut enenu in oru ke ma se inge?

¹² Arulanu sumwos in akkalemye kena ke safla lun ma koluk. (Hebakkuk 1:2, 3) Aok, arulanu fwusesr in akkalemye oiye su oasr yurol Jona meet, in tia nunku yok ke insemwomwo lun met nu kemwa su akola in auliyuk. Ma inge arulanu paye, yokna kut fwin osun pal nu kemwa nu sin met puspis su akkalemye srunga, me lain, ku mulat kut fwin wis peng mwo lun Togusrai nu in loom selos. Saap kut mutamwauk in tia loang nu sin kutu met su Jeova el srakna esani nu sie liki akmwuk koluk se inge. (Rom 2:4) Kut fwin tuni moul lasr a kut koneak la kut srukye fwinne ip na srisrik ke oiye lal Jona nu sin met Nineve, na kut enenu in pre a siyuk ke kasru in akfwalye nunuk lasr nu ke nunuk lun Jeova.

13. Efu kut ku in fwak la Jeova el nunku yok ke met ke len inge?

¹³ Jeova el nunku yok ke met puspis su sonna kulansapul, a el porongo ke me siyuk lun met kulansap lal su mwolela tari. (Mattu 10:11) Aok, “el fwa sa in aksumwosyelos” in topuk nu ke pre lalos. (Luk 18:7, 8) Sayen ma inge, Jeova el e fwa akpayeye mwolela lal a akmwuk lal ke sie pal su el sifwanu pakiye. (Hebakkuk 2:3) Wikin ma inge pa in aknasnasye fwalu liki ma koluk nu kemwa, oanu ma el oru nu sin met Nineve ke pal se elos folokla nu ke orekma koluk lalos.​—Nehum 3:5-7.

14. Mea kut enenu in oru ke kut sano len lulap lun Jeova?

¹⁴ Nu ke pal se Jeova el kunausla akmwuk koluk inge in len lulap lal, kut e fwa mongfwusesr in sano, a kafofo in oru ma lungse lal? Kut tia etu lupan orekma in luti su srakna enenu in orek meet liki len lun Jeova el tuku, tusruktu, kut etu la peng mwo lun Togusrai enenu meet in sulkakinelik fwin fwalu nu fon fwal nu ke lungse lun God meet liki safla el tuku. A paye kut nunku yok ke “ma saok” su e fwa tuku meyen Jeova el srakna tafwela in nekla loom sel ke mwolanu.​—Haggeai 2:7.

Ma Kut Nunku Ku In Akilenyuk ke Orekma Lasr

15. Mea ma inge su ku in akyokye insemwomwo lasr ke orekma in luti?

¹⁵ Saap kut muta ke sie an su met puspis we elos tia arulanu pwar ke orekma in luti lasr a wangin pal mwo lasr in som nu ke an su oasr enenu yok ke met fwakelik Togusrai. A fuka fwin oasr met siengoul su ku in konoiyukyuk ke territory lasr meet liki safla el tuku. Ya kut nunku la arulanu yok sripe in suk met siengoul inge? Jisus el pulakin “pakomuta” nu sin met puspis “tu elos ongoiye, a fwasrelik, oanu sip su wangin met sropu.” (Mattu 9:36) Ke inkanek in lutlut Baibel a ridi me lutlut puspis ke Tauer In San a Awake!, kut ku in eis etauk yok ke saflaiyen fwal se inge. Aok, ma inge ku in kasre kut in akyokye insemwomwo lasr ke me enenu in luti ke peng mwo. Sayen ma inge, insemwomwo lasr in orekmakin me rid puspis su tuku ke Baibel su orekla sin “met kulansap oaru a lalmetmet” ku in akkeye kut in moniyuk nu ke orekma in luti lasr ke territory su kut oru pal nu kemwa.​—Mattu 24:45-47; 2 Timote 3:14-17.

16. Fuka kut ku in akkapye ku lun orekma lun forfor lasr?

¹⁶ Nunuk yok lasr nu sin met nu kemwa su akola in loang nu ke me sramsram in Baibel su ku in molelosla mokle kut in tuni pal fwal a inkanek puspis in osun nu sin met loomu ke pal in orekma lun forfor lasr. Ya kut koneak la met puspis elos wangin in loom selos ke pal se kut oru muteta lasr? Fwin aok, saap kut ku in akyokye ku lun orekma lun forfor lasr ke pal se kut ekulla pal a an in orekma lun forfor lasr in sang ma lo. Met patur elos som in patur ke pal in oasr ik su elos ku in srukye. Ya kut ku in oru pa ou inge ke orekma in patur lasr in ngun? (Mark 1:16-18) Efu ku kom tia srike in orek ma lo ke eku a in orek ma lo ke telefon, fwin wangin kutena ma sap su kom kunausla ke oiye se inge? Kutu met elos koneak la nien park ke sitosa, nien park ke truck, gas stations, a sto puspis, an inge nu kemwa pa, ‘an in patur’ na mwomwo se. Oiye lasr su oanu oiye lal Ebream nu sin kutu met ku in akilenyuk pa ke pal se kut suk pal mwo in orek ma lo ke inkanek lun informal.

17. Ke inkanek puspis fuka kut ku in akkeye missionary puspis a kutupa met su oru kulansap in an saye?

¹⁷ Million puspis sin met elos sonna long peng mwo lun Togusrai. Sayen orekma in luti lasr, ya kut ku in akkalemye nunuk yok nu sin kutu met inge fwinne kut tia som liki loom sesr? Aok, ya oasr kutena missionary su kut etu ku kutena pioneer su kulansapu in an saye? Fwin aok, saap kut ku in sim leta nu selos su akkalemye la kut insemwomwo ke orekma lalos. Fuka kain in oiye se inge akkalemye nunuk yok lasr nu sin met nu kemwa? Leta in akkeye a kaksak lasr ku in akkeye missionary puspis in muta na ke territory lalos, a ke ma inge elos ku in kasru met puspis in eis etauk paye. (Met Nununku 11:40) Kut ku in pre pa ke missionary puspis a met puspis su musrensral ke ma paye in kutu an. (Efesus 6:18-20) Siepa inkanek in akkalemye la kut nunku kutu met ke kut sang me kasru lasr ke orekma lun Met Lo lun Jeova fwin fwalu nu fon.​—2 Korint 8:13, 14; 9:6, 7.

Ya Kom Ku In Som Nu Ke An Saye?

18. Mea kutu met Kristian elos oru in akkapye orekma lun Togusrai in an selos?

¹⁸ Elos nu kemwa su som nu ke an saye su oasr enenu yok ke met sulkakin Togusrai elos akinsemwomwoyeyuk ke orekma mwo lalos. Tusruktu, elos fwinne muta in an selos, kutu sin Met Lo lun Jeova elos lutlut ke kutu kas meyen elos lungse in kasru met saye su muta in an selos ke ma lun ngun. Kain in kaifweung lalos inge eis me insemwomwo yok. Ke sie me pupulyuk, Met Lo itkosr su sang kasru nu sin met Chinese ke sie siti in an Texas, U.S.A., elos paing met 114 ke akfulat lalos ke Mongo in Eku lun Leum in yiu 2001. Elos su sang kasru ke u se inge elos koneak la imae lalos akola tari ke kosrani.​—Mattu 9:37, 38.

19. Ma mwo fuka kom enenu in oru kom fwin nunku in som nu ke an saye in akyokye orekma lun forfor lom we?

¹⁹ Saap kom a sou lom pulakin la oasr pal mwo in som nu ke sie an su oasr enenu yok ke met luti lun Togusrai. Paye, ma se meet su kom enenu in oru pa, “in oekla me mol in orek.” (Luk 14:28) Ma inge arulanu yok sripe, yokna fwin sie met el akola in som nu ke mutanfwal saye a muta we. Kutena met su nunku in oru ou inge enenu meet in siyuk kusensiyuk inge meet nu sel sifwanu: ‘Fuka Nga ku in sang me enenu lun sou luk ke ma lun ikwe? Ya Nga ku in eis sie visa su fwal nu ke me enenu? Ya Nga etu tari in sramsram ke kas lun mutanfwal se su Nga akola in som nu we, ku ya Nga insemwomwo in lutlut ka? Ya Nga nunku tari ke pulanpal a fasin lun an su Nga akola in som nu we? Ya Nga ku in ekla sie “me pwarak” a tia sie me aktoasr nu sin met lili wiuk in lalalfongi in an se ma Nga akola in som nu we?’ (Kolosse 4:10, 11) Kom fwin lungse in etu lupan enenu ke an se su kom nunku a akola in som nu we, arulanu mwo a fwal kom in sim nu ke branch office lun Met Lo lun Jeova su kurunganang orekma in luti we.a

20. Fuka sie met Kristian fwusr el orekmakin moul lal in akinsemwomwoye met lili wiel in lalalfongi in an saye?

²⁰ Sie met Kristian su wi ke construction ke Kingdom Hall puspis in an Japan el lotela la oasr enenu yok ke met orekma usrnguk in musaiyuk an in alu in an Paraguay. Meyen el lolap a ku in mano, paenang el som nu ke an se inge a wi orekma ke lusen malem alkosr oanu sie met orekma su oru orekma pal nu kemwa ke project. Ke lusen pal in muta lal, el lutlut kas Spanish a luti Baibel study pukanten. El liye me enenu yok ke met orekma lun Togusrai ke mutanfwal se inge. El fwinne foloko in Japan, tusruktu ke lusen pal na futoto el sifwil folokla nu Paraguay a sang kasru in esani met nu ke Kingdom Hall su el orala.

21. Mea ma inge su kut enenu in nunku yok ke kut sano len lun Jeova?

²¹ God el e fwa oru orekma in luti in akpayeye ke inkanek yok, fwal nu ke lungse lal. Ke len inge, el aksaye pal ke kosrani safla. (Isaia 60:22) Ke ma inge, ke kut sano len lun Jeova, lela kut in moniyuk in akesrui ke orekma in kosrani a liye kutu met fwal nu ke liye lun God nu selos.

[Footnote]

Ya Kom Esam?

• Ke kut sano len lun Jeova, oiye fuka kut enenu in akkalemye nu sin kutu met?

• Mea nunuk lal Ebream nu sin met sumwos su muta in an Sodom?

• Oiye fuka Jona el akkalemye nu sin met Nineve su auliyuk?

• Fuka kut ku in akkalemye la kut akesrui ke nunuk lun Jeova nu sin met su sonna long peng mwo?

[Picture on page 12]

Ebream el nunku kutu met oanu Jeova el oru

[Picture on page 13]

Jona el akilen ke saflaiye nunuk lun Jeova nu sin met Nineve su auliyuk

[Pictures on page 14]

Nunuk yok nu sin kutu met mokle kut in nunku kain in pal puspis a inkanek puspis in luti ke peng mwo