Ya Century Se Inge Ma Lal Setan?

“KUT fwin nunku ke lupan ma koluk su arulanu pengpeng ke century se inge, saap kut ku in fwak la century se inge ma lal Setan. Ma sikyuk misenge siena liki meet, met puspis elos akkalemye kena a lungse yok in uniye million puspis sin met ke sripen siena tun, sruf, alu ku u lalos.”

Anniversary ak50 ke sukosok lun met puspis su wangin meta ke Nazi death camps purakak sie me sramsram ke newpaper inge The New York Times lun January 26, 1995. Holocaust​—sie ke me sramsram pengpeng fwin fwalu ke akmas ke sie sruf—​onkosr million kutu sin met Ju anwuki. Apkurun nu ke million tulo ke citizen lun an Poland anwuki a elos inge nu kemwa eteyuk ke kas inge “Forgotten Holocaust.”

“Sie estimate ke lusen sie pal akkalemye la mutamwauk ke 1900 nu ke 1989 meun el uniye 86 million met,” pa inge ma Jonathan Glover el akkalemye ke buk nutul inge Humanity​—A Moral History of the Twentieth Century. El tafwela in fwak: “Pisen met mise ke meun ke century aklongoul inge arulanu aklutye kut na paye. In orala na sie average ke pisen met mise tia fwal nu ke akmwuk sumwos, ke sripen luo tafwu tulo (58 million) met pa anwuki ke meun lulap luo fwin fwalu nu fon. Fwin kut kitelik pise se inge ke lusen century aklongoul nu fon, kut ku in koneak la meun el uniye 2,500 met ke len nu kemwa, pus liki met 100 ke aur se pa inge, wangin tui ke lusen yiu eungoul.”

Sayen ma inge, century ak20 el eteyuk sin met ke akmas lulap su yok liki kutena akmas ke century somla. Ke me rid inge Hope Against Hope, Nadezhda Mandelstam el simusla: “Kut liye na paye kutangla lun ma koluk tokin ma sap a akmwuk lun met akkolukyeyuk a kunausyukla.” Ke meun lun ma mwo lain ma koluk, ya ma koluk el kutangla tari?

[Picture Credit Line on page 2]

COVER: Mother and daughter: J.R. Ripper/Social Photos

[Picture Credit Line on page 3]

U.S. Department of Energy photograph