Kusensiyuk Su Tuku Sin Met Rid
Fwin sie met el loksakla, ya fwal nu sin sie met liaung ke congregation in oru sramsram lal ke Baibel ke kain in met mise inge?
Kais sie met liaung lun congregation enenu in oru sulela lal sifwanu ke sie ella mwo ye mutun God el fwin lungse in orek sramsram ke Baibel ke met mise su luman loksakla. Ke pal se el oru sulela lal, el enenu in loang akmwoye ke kutu kusensiyuk inge: Mea nunuk lun Jeova ke ma loksakla? Ya mise lun met inge sikyuk ke sripen el loksakla? Ya sie mas ke nunuk ku mas ke insiel pa moklel in loksakla? Mea nunuk lun met puspis ke an lom ke ma loksakla?
Oanu met Kristian, kut nu kemwa lungse in etu mea Jeova el nunku ke ma loksakla. Nu sin Jeova moul lun met arulanu yok sripe a mutal. (Genesis 9:5; Sam 36:9) Sifwanu uniye ku in pangpang sifwanu akmas, a ke ma inge arulanu koluk ye mutun God. (Exodus 20:13; 1 Jon 3:15) Ya ma inge oru in tia fwal nu sin sie met su loksakla in eis sie sramsram ke Baibel?
Loang akmwoye ke ma sikyuk nu sin Togusra Soul lun Israel. Ke pal se el akilen la el e mise ke meun safla lal lain met Filistia, el tia lela met lokwalok lal in unilye ke sie inkanek koluk, a “Soul el eis kutlas nutul, a putati nu fwe.” Ke pal se met Filistia elos koneak manol, elos srupusrak ma inge ke pot lun siti lun Beth-shan. Ke pal se elos koneak ma met Filistia elos oru, met Jabesh-gilead elos silaklak in eisla manol a isukak ma inge. Na elos eisla sri a pukunye ma inge. Elos lalo ke lusen len itkosr, sie fasin pa inge nu sin met Israel. (1 Samuel 31:4, 8-13; Genesis 50:10) Ke pal se Devid, met akmusrala lun Jeova, el koneak ma met Jabesh-gilead elos oru, el fwak: “Lela komwos in akinsemwomwoyeyuk yurin Jeova, tu komwos fwakak kulang se inge nu sin leum lomwos, aok nu sel Soul, a puknilye. A inge lela Jeova lan fwakak lungkulang a paye nu sumwos.” (2 Samuel 2:5, 6) Record mutal inge tia akkalemye la koluk ma met Jabesh-gilead elos oru ke pal se elos orek lalo fwal nu ke fasin ke mise lal Togusra Soul. Srikeye ma sikyuk inge ke kutupa ma sikyuk nu sin kutu met su elos tia pakpuki ke sripen ma koluk lalos. (Jeremaia 25:32, 33) Sie met liaung lun congregation el ku in nunku ke me sramsram inge ke Soul ke pal se el oru sulela el fwin lungse ku el fwin srunga in oru sramsram ke Baibel ke sie met mise su loksakla.
Met liuang lun congregation el enenu pa in nunku ke nien sun lun sie me sramsram ke Baibel ke met mise. Tia oanu met puspis su lalalfongi ke sie ngun su tia ku in mise, Met Lo lun Jeova elos tia oru sramsram ke Baibel ke met mise in akkeye met mise a in akkalemye la met mise el som nu ke sie fwal. Nien sun lun sie me sramsram ke Baibel pa tia in akkeye met mise, a in akkeye sou lun met mise a in sang ma lo nu sin met nu kemwa su wi in lalo ke luman ma sikyuk nu sin met mise tokin mise lalos. (Ekklisiastis 9:5, 10; 2 Korint 1:3-5) Siepa nien sun yok ke me sramsram ke Baibel pa in kasru met nu kemwa in nunku ke moul futoto lun met. (Ekklesiastis 7:2) Ya me sramsram ke Baibel ke met mise su loksakla ku in sun nien sun inge nu kemwa?
Paye, saap kutu met elos nunku la met inge el sifwanu unilye, a el etu la el oru ma koluk lain Jeova. Tusruktu, ya oasr sie inkanek in aksumwosye kain in pulakin inge? Ya ma inge sikyuk el fwinne tia nunku na paye in oru ou inge? Kutu sin met su lungse in sifwanu uniye elos auliyuk a ekula nunuk lalos. Sie met el tia ku in auliyuk ke ma el oru tokin el mise.
Siepa sripe su kut enenu in tuni pa mas in nunuk a mas ke insie su oasr yurin met pukanten su loksakla. Met inge nu kemwa ku in pangpang suicide victims. Fwal nu ke kutu statistics, percent 90 lun met nu kemwa su sifwanu uniye elos mas ke nunuk ku ke insie, ku elos sremla ke kain in ono. Ya Jeova el sang nunuk munas nu sin kain in met inge nu kemwa su mas paenang elos loksakla? Kut tia ku in fwak fwin kain in met inge elos oru ma koluk su wangin nunuk munas ye mutun Jeova. Sie met Kristian su liung congregation el enenu in loang akmwoye ke luma a ma sikyuk a ke record lun met inge su loksakla el fwin nunku in oru sramsram lal ke Baibel ke sie suicide victim.
Oasr pa ma saye su kut enenu in tuni: Mea nunuk lun met puspis ke an sum ke mise lun sie met su loksakla? Met elder elos enenu in nunku yok ke ma se inge, meyen elos lungse in kurunganang congregation lun Met Lo lun Jeova a in tia aktukulkulye kutena met. Fwal nu ke nunuk lun met puspis ke an sum ke ma loksakla, a fwal nu ke luma a ma sikyuk na paye nu sin met mise su loksakla, saap met elder nu kemwa elos ku in sulela in tia kaifwe sie me sramsram ke Baibel ye mutun met nu kemwa ku elos in tia lela sie sramsram ke Baibel ke met mise in Kingdom Hall.
Fwinne ou inge, fwin siyukyuk nu sin sie met Kristian su liaung congregation in oru sramsram ke Baibel ke met mise, el ku in oru sulela lal sifwanu el fwin lungse in oru ou inge ke sie akmwuk lun private a tia ma lun congregation. El fwin oru ou inge el enenu in taran in tia liksreni ku fwak sumwos la oasr fwinsrak na paye lun met inge ke sifwil moulyuk. Kutena fwinsrak lun met mise ke pal fwasru oasr yurin Jeova, a wangin kutena met su ku in fwak na paye fwin sie met mise el sifwil moulyuk ku tia. Met liaung lun congregation el ku in aketeye yok ke me sramsram paye lun Baibel ke met mise a el ku in sang kas in akkeye nu sin sou nu kemwa lun met mise su asor.